9 Lárigiñe lariñaguni Hesusu katei le, sun añaha lan aríaguei, aba liñurúniwa; aba liabin aban dúeri, aba ladouragun lau, aba marihin hamaali lan. 10 Ñéinñanu aríagua sielun sun amudeireina lan Hesusu, ligía hasaliragun bián wügüriña harugabu, harutu hadaüragun; 11 aba hariñagun houn:

—Wügüriña Galiléana, ka uagu heredera aríagua sielun? Hesusuméme le amudeirubei sielun húmagiñe, liábiyaba ítarameme kei harihin lidin.