1 Anihein aban wuribani kamaniti narihin hadan gürigia ya ubouagu; 2 añahein úntiña líchiga Bungiu saragu irisini luma lubuiduniga, ani memegeiruntiña ni kata lídangiñe le habusenrubei; gama lumoun mígirunti lun hefeduhani hámati, amu efeduhabalin. Aban giñe katei málati lira, ani híruti le tímatimaati! 3 Gayaraati garahüñü lan aban wügüri san irahüñü abagarida ligía saragu dan; gama lumoun íbini migife lan labagaridun anhein mefeduhan lan lidaani buidu buidu, ani mábunahoungubeiti dan le lóunwenbei, afiñetina buítimati lan aban irahü le agüriaawaguti luéi wügüri ligía. 4 Lugundun lau sun féridi lan irahü ligía lidan ni kata, lidan luburiga, le ñeinba lubéi leredera liri ibidiñounga ni ka un, 5 lau sun machülü lan arihei weyu, masubudirun ligía ni kata, emeraaguati sügǘ lau wügüri buga ligía, 6 le buga gayaraabei labagaridun bián-milu irumu, gama lumoun mefeduhan laali lubuidun lidaani. Ani lidan lagumuhóun dan, lídounbaña ábanmeme fulasu súngubei!

7 Nadagimeinti gürigia saragu lun leigin, gama lumoun makimuledunti 8 kagia lúmaña chu tau le úati luma ibidiougua tau, luéidigia lisubudin lun gayaraabei lan lageindaguni ibagari?

9 Buítimati le arihúbei sügǘ lau le haritawagúarügübei luagun. Gama lumoun katei giñe málati lira, ítara liña kéigubeirügü labusenrúniwa lárügüdün garabali. 10 Sun le aniheinbei guentó, binarü giri lan ani subudiwati katei lan. Siñati lageindagun gürigia luma le gabafutimabei luéi. 11 Anihein aban katei inarüniti: Ñein lumuti saragu dimurei, gíbeti libidiounigan aau ñein, ani magañeirúnwati ni kata lau lira. 12 Úati ni aban subudihabúti ka lan buítimabei lun gürigia lidan murusunraü dan le ladurarubei, katei málati le libagaribei. Lásügürüba lidaani kei aban lamuñounga, ani kábati ariñagei le lunbei lasuseredun lidan ubóu le lun lárigiñe lounwen?