Lúkasi 13

12 Dan le larihinbarun Hesusu, aba lagúarun tun, lariñaga tun:

—Würi, areidaguaadibu.

13 Ábati líchuguni lúhabu tuagu; lidan oura ligía aba tásuurun, aba tagumeserun adimureha buidu luagu Bungiu. 14 Ábati lagañidun tábuti ténpulu ladüga lareidaguágüdünu Hesusu lidan luéyuri emeraaguni; aba lariñagun houn gürigia ha ñéinbaña:

—Anihein sisi weyu lidan dimaasu lun gayara lan luadigimaríniwa; ñübuin humá lidan sisi weyu ligía lun lagaranihóun hun, mama lidan luéyuri emeraaguni.

15 Aba lariñagun Wabureme Hesusu lun:

—Biangua tigibu huguya le! Ma farara humuti hilügün bágasu o hilügün lan burigü lun hanügüni ata duna lidan luéyuri emeraaguni? 16 Würi to, ladügawagun Abüraámü; ragǘ laaru Mafia lau sandi, disiwídü irumu tau lau, moun lumuti funagia yebe lun tareidawaguagüdün lidan luéyuri emeraaguni?