31 Lárigiñe, aba tachülürün lúguchu Hesusu hau lamulenu le ñein lubéi Hesusu, aba herederun bóugudi, aba hóunaagüdün luagu. 32 Hati ñúnbaña geyegu lau Hesusu, aba hariñagun lun:
—Anuhántia búguchu hau bamulenu bóugudi, háluahañadibu.
33 Aba lariñagun houn:
—Kagia núguchuboun hama namulenu?
34 Aba laríagun hawagun ha ñúnbaña geyegu lau, aba lariñagun:
—Añaha núguchu hama namulenu, 35 ladüga furumiñeguarügü ha adügüti lugundan Bungiu, hagía namulenubaña, nítunu tuma núguchu.