Katei san wéirigutimabei?
1 Lidan dan ligía, aba hayabin disipulugu lumoun Hesusu, aba hálügüdüni, hariñaga lun:
—Katei san wéirigutimabei lidan larúeihan Bungiu?
2 Aba lanügün Hesusu aban irahü, aba líchuguni hamidan hámagua, 3 aba lariñagun:
—Ninarün hau luagu anhaün lan miabin lun hítaradun kei irahüñü, mebelubadün lidoun larúeihan Bungiu. 4 Ítara liña lubeiti, le ñǘraüti lanaagun lungua, ñübuin ligía lun ítarabei lan kei aban irahü, ligía wéirigutimabei lidan arúeihani le siélubei. 5 Gürigia giñe le eresibiruti aban irahü lidan niri resibi lumutina giñe.
Luriban lafigougüdüniwa aban gürigia
(Mr 9.42-48; Lk 17.1-2)
10 Manüga humá ni aban hádangiñe ha ǘnabugubutiña ha kei ni kata. Nariñahare hun luagu haríaguñein lan hani ánheligu ligibu Núguchi Bungiu le siélubei súnwandan.