Romanos 12

6 Chila munu anacho chifunje cho apelitwe kwa lusungu lwa Mulungu. Ihyo lelo yo apelitwe chifunje cha wuloli wa Mulungu alongaje wuloli kota litumbilo lyake fyolili. 7 Munu munya kuvetsa kukola katsi ya Mulungu akolaje katsi iyo, na yo apelitwe katsi ya kudahitsa adahitsaje, 8 munu yo apelitwe katsi ya kuvahongetsa vanu avahongetsaje, yo apelitwe katsi ya kuvatanga vanu vanya wugayu avatangaje kwa wuwuya, na munu yo apelitwe katsi ya kwimilila imililaje bila kuleka, nayo munya kudita ndongwa tsa lusungu aditaje hihyo kwa wusangalo.