Eclesiastes 12

1 ತರಾಸಾಚಿ ದಿಸಾ ಕುಶಿಚ್ ನಾ, ಮನುನ್ ತಿಯಾ ಸಾಂಗ್ತಲಿ ವರ್ಸಾ ಯೆತಲ್ಯಾ ಅದ್ದಿಚ್, ದಾಂಡ್ಗ್ಯಾ ಪಾನಾತುಚ್ ತುಕಾ ರಚಲ್ಲ್ಯಾಚಿ ಯಾದ್ ಕರ್. 2 ತ್ಯಾ ತರಾಸಾಚ್ಯಾ ದಿಸಾತ್ನಿ, ದಿಸ್, ಉಜ್ವೊಡ್, ಚಂದಾಮ್ ಅನಿ ಚುಕ್ಕಿಯಾ ಮಬ್ಬ್ ಹೊತಾತ್; ಪಾವ್ಸಾಚೊ ಎಳ್ ಸರ್ಲ್ಯಾ ಮಾನಾಬಿ, ಮೊಡಾ ಅನಿ ಪರ್‍ತುನ್ ಯೆತಾತ್. 3 ತ್ಯಾ ದಿಸಾತ್ನಿ ಘರ್ ರಾಕ್ನಾರಿ ಲೊಕಾ ಥರ್ಥರ್ತಾತ್, ಬಲಿಸ್ಟಾ ಬಾಗ್ತಾತ್, ದಳ್ತಲಿ ಲೊಕಾ ಕಮ್ಮಿ ಹೊವ್ನ್ ಕಾಮ್ ಬಂದ್ ಕರ್‍ತಾತ್, ಕಿಡ್ಕಿಯಾಂತ್ನಾ ಬಗ್ತಲಿ ಲೊಕಾ ಮಂದ್ ಹೊತಾತ್. 4 ವಾಟೆಚಿ ದಾರಾ ಧಾಪುನ್ ಹೊತಾ, ದಳ್ತಲೊ ಆವಾಜ್ ಬಾರಿಕ್ ಹೊತಾ, ಫಾಕ್ರಾಂಚೊ ಆವಾಜ್ ಕಮ್ಮಿ ಹೊತಾ, ಗಿತಿಚ್ಯಾ ಲೆಕಿಯಾಕ್ನಿ ಕಮ್ಮಿ ಕರುನ್ ಹೊತಾ. 5 ತವ್ಡೆಚ್ ನಸ್ತಾನಾ, ತ್ಯಾ ದಿಸಾತ್ನಿ ಮಾನುಸ್ ಉಪ್ಪರ್ಲೆ ಜಾಗೆ ಬಗಟ್ಲ್ಯಾರ್ ಭಿಂವ್ತಾ, ಅನಿ ಚಲ್ತಲೆ ಲೈ ಅಪಾಯಾಚೆ ಹೊವ್ನ್ ಹಾಯ್, ಫುಲ್ಲಾ ಹೊತಲ್ಯಾ ಬಾದಾಮಿಚ್ಯಾ ಝಾಡಾ ಸಾರ್ಕೆ ತುಜಿ ಕೆಸಾ ಫಾಂಡ್ರಿ ಹೊತಾತ್, ಠೊಳ್ ಝಡ್ ಹೊವ್ನ್ ಸಗ್ಳಿ ಬಳ್ ಸರುನ್ ಜಾತಾ, ತಿಯಾ ಶಾಸ್ವತ್ ಘರಾಕ್ ಜಾತಲೊ ಹೊತ್ತ್ಯಾ ಸಾಟ್ನಿ, ಅನಿ ಅಳಾಪ್ ಕರ್‍ತಲ್ಯಾಂಚೊ ಅಳಾಪ್ ವನಿಯಾತ್ನಿ ಜಾತಾ. 6 ಹೆಜ್ಯಾನ್ ಫಿಡೆ ಚಾಂದಿಚಿ ಸರ್ಪೊಳಿ ಕಳ್ಚುನ್ ಪಡುನ್, ಸೊನ್ಯಾಚಿ ಕಟೊರೊ ಫುಟುನ್ ಜಾತಾ, ಪಾನಿಯಾಚೊ ಬಿಂದ್ಗೊ ಝರಾಕ್ಡೆ ಫುಟುನ್ ಜಾತಾ, ಅನಿ ಭಾಂಯಿಚೊ ಗಡ್ಗಡೊ ಮೊಡ್ತಾ. 7 ಅಮ್ಚೆ ಆಂಗ್ ಮಾಟಿಚೆ ಮಾಟಿಕ್ ಮಿಳುನ್ ಅದ್ದಿ ಹೊತ್ತ್ಯಾ ಸಾರ್ಕೆ ಹೊತಾ, ಅನಿ ದೆವಾನ್ ದಿಲ್ಲೊ ಆತ್ಮೊ ದೆವಾಕ್ಡೆ ಪರ್‍ತುನ್ ಜಾತಾ, 8 "ವ್ಯರ್ಥುಚ್ ವ್ಯರ್ಥ್, ಸಗ್ಳೆಚ್ ವ್ಯರ್ಥ್ " ಮನುನ್ ಉಪದೆಸಕ್ ಸಾಂಗ್ತಾ.

ಆಕ್ರಿಚಿ ಗೊಸ್ಟಿಯಾ

9 ಖರೆ ಉಪದೆಸಕ್ ಬುದ್ದ್ ಹಾಯ್, ತೆನಿ ಅಪ್ನಿ ಕಾಯ್ ಶಿಕ್ಲ್ಯಾನ್ ತೆ ಲೊಕಾಕ್ನಿ ಶಿಕ್ವುಲ್ಯಾನ್, ತೆನಿ ಬುದ್ದ್ ಲೈ ಕರ್ತಲಿ ಸಂಗ್ತಿಯಾ ವಾಚ್ಲ್ಯಾನ್, ಅನಿ ತೆ ಲೈ ಶಾನೆ ಪಾನಾನ್ ಶಿಕ್ಲ್ಯಾನ್, ಅನಿ ಖರ್ಯಾ ವರ್‍ತಿ ವಿಶ್ವಾಸ್ ಕರ್ಲ್ಯಾನ್. 10 ಉಪದೆಸ್ ಕಾರಾನ್ ಉಲ್ಲಿ ಬರಿ ಗೊಸ್ಟಿಯಾ ಹುಡ್ಕುನ್ ಕಾಡುಕ್ ಕಟ್ಪಟ್ ಕರ್ಲ್ಯಾನ್, ಖರೆ ತೆನಿ ಲಿವಲ್ಲಿ ಗೊಸ್ಟಿಯಾ ಲೈ ಖರ್ಯಾಚಿ ಹಾತ್. 11 ಸಾಂಗುಲಾಗಲ್ಲಿ ಬುದ್ದಿಚಿ ಗೊಸ್ಟಿಯಾ ಗೊರಾ ಹಾಂಬಡ್ತಲ್ಯಾ ಖಾಟಿ ಸಾರ್ಕಿ ಉಪೆಗಾಚಿ ಹೊವ್ನ್ ಹಾತ್, ಅನಿ ಗೊಳಾ ಕರಲ್ಲಿ ವಾಕ್ಯ್ ಬಳಾನ್ ಮಾರಲ್ಲ್ಯಾ ಮೊಳ್ಯಾಂಚ್ಯಾ ಗತಿನ್ ಹಾಯ್ ಹೆ ದೊನಿಬಿ ಎಕುಚ್ ಕುರ್ಬುರಾಕ್ನಾ ಯೆಲ್ಲಿ ಹೊವ್ನ್ ಹಾತ್. 12 ಮ್ಯಾಜ್ಯಾ ಲೆಕಾ, ಹೆ ತವ್ಡೆಚ್ ನಸ್ತಾನಾ ಹುರಲ್ಲ್ಯಾ ವಿಶಯಾತ್ನಿಬಿ ಹುಶ್ಯಾರ್ಕಿನ್ ರಾ, ಲೈ ಪುಸ್ತಕಾ ರಚುಕ್ ಮಿತಿ ನಾ, ಲೈ ಶಿಕಾಪ್ ಆಂಗಾಕ್ ಫಿರೆ ಕರ್ತಾ. 13 ಸಗ್ಳಿ ವಿಶಯಾ ಸರ್ಲಿ, ಸಗ್ಳೆ ಆಯ್ಕುನ್ ಹೊಲೆ, ದೆವಾಕ್ ಭಿಂವ್ನ್ ತೆಜ್ಯಾ ಹುಕುಮಾಕ್ನಿ ಖಾಲ್ತಿ ಹೊವ್ನ್ ಚಲ್, ಸಗ್ಳ್ಯಾ ಮಾನ್ಸಾಂಚೆ ಕಾಮ್ ಹೆಚ್ ಹೊವ್ನ್ ಹಾಯ್. 14 ಬರೆ ಹೊಂವ್ದಿತ್, ನಸ್ಲ್ಯಾರ್ ಬುರ್ಸೆ ಹೊಂವ್ದಿ, ಸಗ್ಳ್ಯಾ ಘುಟ್ಟಾಚ್ಯಾ ವಿಶಯಾಂಚ್ಯಾ ವಾಂಗ್ಡಾ ಸಗ್ಳ್ಯಾಚಿಬಿ ದೆವ್ ಝಡ್ತಿ ಕರ್ತಾ.