1 ಭಾರತಾಕ್ನಾ ಎಥಿಪಿಯಾ ಪತರ್ಬಿ ಹೊತ್ತ್ಯಾ ಎಕ್ಸೆ ಇಸಾರ್ ಸಾತ್ ಪ್ರಾಂತ್ಯಾತ್ನಿ ರಾಜ್ವಟ್ಕಿ ಕರಿತ್ ಹೊತ್ತೊ ರಾಜಾ ಅಹಶ್ವೆರೊಶಾಚ್ಯಾ ಎಳಾರ್ ಘಡಲ್ಲಿ ಚರಿತ್ರಾ ಅಸಿ ಹಾಯ್. 2 ಅಹಶ್ವೆರೊಶಾನ್ ಅಪ್ನಾಚ್ಯಾ ರಾಜ್ವಟ್ಕಿಚ್ಯಾ ತಿನ್ವ್ಯಾ ವರ್ಸಾತ್ ಎಥಿಪಿಯಾ ಕೊಟೆಚ್ಯಾ ಸಿಂವಾಸನಾರ್ ಬಸಲ್ಲ್ಯಾ ತನ್ನಾ, 3 ಅಪ್ನಾಚ್ಯಾ ರಾಜ್ವಟ್ಕಿಚ್ಯಾ ತಿನ್ವ್ಯಾ ವರ್ಸಾತ್ ಸಗ್ಳ್ಯಾ ಮುಖಂಡಾಕ್ನಿ, ಸೆನಾಧಿಪತಿಕ್ನಿ ಅನಿ ತ್ಯಾ ಪ್ರಾಂತ್ಯಾಚ್ಯಾ ರಾಜ್ಯ್ ಪಾಲಾಕ್ನಿ ಜೆವಾನ್ ಘಾಲಸ್ಲ್ಯಾನ್, ಪರ್ಶಿಯಾ ಅನಿ ಮೆದ್ಯ ಸೈನಿಕಾಂಚಿ ಅಧಿಕಾರಿಯಾ ಅನಿ ರಾಜ್ಯಪಾಲಾಬಿ ತೆಜ್ಯಾ ಇದ್ರಾಕ್ ಯೆಲ್ಯಾನಿ. 4 ತೆನಿ ಸಾ ಮ್ಹೈನ್ಯಾಂಚ್ಯಾ ಪತರ್ಬಿ ಅಪ್ನಾಚ್ಯಾ ರಾಜ್ವಟ್ಕಿಚ್ಯಾ ಮೊಟ್ಟ್ಯಾ ಪಾನಾಚಿ ಮಹಿಮಾ ಅನಿ ವೈಭವ್ ತೆಂಚ್ಯಾ ಇದ್ರಾಕ್ ದಾಕ್ವುಲ್ಯಾನ್. 5 ಹೆ ಹೊಲ್ಯಾ ಮಾನಾ ರಾಜಾನ್ ಎಥಿಪಿಯಾ ಕೊಟೆತ್ಲ್ಯಾ ಸಗ್ಳ್ಯಾ ಸಾವ್ಕಾರಾಕ್ನಿ ಅನಿ ಗರಿಬಾಕ್ನಿ ರಾಜಾಚ್ಯಾ ಘರಾಚ್ಯಾ ಮ್ಹಳ್ಯಾಚ್ಯಾ ಮ್ಹಾಳ್ ಜಾಗ್ಯಾ ವರ್‍ತಿ ಸಾತ್ ದಿಸಾಂಚ್ಯಾ ಪತರ್ಬಿ ಜೆವಾನ್ ಘಾಟ್ಲ್ಯಾನ್. 6 ತ್ಯಾ ಮ್ಹಳ್ಯಾಚ್ಯಾ ಇದ್ರಾಕ್ ಫಾಂಡ್ರ್ಯಾ ಅನಿ ಝಾಂಬ್ಳ್ಯಾ ಬನ್ನಾಚ್ಯಾ ದೊರ್ಯಾನಿ ಗುಂಡ್ಯಾಕ್ನಿ ಭಾಂದಲ್ಲ್ಯಾ ಖಾಂಬ್ಯಾಕ್ ಚಾಂದಿನ್ ಲಪ್ಟುನ್, ತೆಂಕಾ ಹಾಳ್ದುಳೊ, ಫಾಂಡ್ರೊ ತಾಂಬ್ಡೊ ಅನಿ ಕಾಳ್ಯಾ ಬನ್ನಾಚ್ಯಾ ಗುಂಡ್ಯಾನ್ ತಯಾರ್ ಕರಲ್ಲ್ಯಾ ನೆಲ್ಗಟ್ಟಾ ವರ್‍ತಿ ಥವಲ್ಲೆ ಹೊತ್ತೆ. 7 ಲೈ ನಮುನ್ಯಾಚಿ ವಾಯ್ನ್ ಫಿತಲಿ ಸೊನ್ಯಾಚಿ ಆಯ್ದಾನಾ ಹೊತ್ತಿ, ಅನಿ ರಾಜಾಚ್ಯಾ ಉದಾರ್ ಮನಾ ಸಾರ್ಕೆಚ್, ವ್ಹಾಯ್ನಾಬಿ ಲೈ ಹೊತ್ತೆ. 8 ಹರ್ ಎಕ್ಲ್ಯಾಬಿ ತೆಂಚ್ಯಾ ಮನಾಕ್ ಕವ್ಡೆ ಹೊತಾ ತವ್ಡೆ ಫಿವ್ಕ್ ದಿವ್ಚೆ, ಕೊನಾಕ್ಬಿ ಒತ್ತಾಯ್ ಕರ್‍ತಲೆ ನಕ್ಕೊ ಮನುನ್ ರಾಜಾನ್ ಅಪ್ನಾಚ್ಯಾ ಸೆವಕಾಕ್ನಿ ಹುಕುಮ್ ದಿಲ್ಲ್ಯಾನ್. 9 ಅನಿ ವಸ್ಟಿ ರಾನಿನ್ಬಿ ರಾಜಾಚ್ಯಾ ಘರ್‍ಹಾತ್ ಸಗ್ಳ್ಯಾ ಬಾಯ್ಕಾ ಮಾನ್ಸಾಂಚ್ಯಾ ಸಾಟ್ನಿ ಜೆವಾನ್ ತಯಾರ್ ಕರಲ್ಲಿನ್. 10 ಅಸೆ ಅಹಶ್ವೆರೊಶ್ ರಾಜಾ ಸಾತ್ವ್ಯಾ ದಿಸಿ ವ್ಹಾಯ್ನ್ ಫಿವ್ನ್ ಲೈ ಉಮ್ಮೆದಿತ್ ರ್‍ಹಾತಾನಾ, ಅಪ್ನಾಚಿ ಸೆವಕಾ ಮೆಹುಮಾನ್, ಬಿಜೆತ್, ಹರ್ಬೊನ್, ಬಿಗೆತ್, ಅಬಗೆತ್, ಜೆತೆರ್ ಅನಿ ಕರ್ಕಸ್ ಮನ್ತಲ್ಯಾ ಸಾತ್ ಕಂಚುಕಿಯಾಂಚ್ಯಾಕ್ಡೆ, 11 ಲೈ ಸುಂದರ್ ಹೊತ್ತ್ಯಾ ವಸ್ಟಿ ರಾನಿಕ್ ಲೊಕಾಕ್ನಿ ಅನಿ ಅಧಿಕಾರಿಯಾಕ್ನಿ ದಾಕ್ವುಚೆ ಮನುನ್ ರಾಜ್ ಮುಕುಟ್ ನೆಸುನ್ ಘೆವ್ನ್ ರಾಜಾಚ್ಯಾ ಇದ್ರಾಕ್ ಯೆವ್ಕ್ ಸಾಂಗಾ ಮನುನ್ ಹುಕುಮ್ ದಿಲ್ಯಾನ್. 12 ಖರೆ ಕಂಚುಕಿಯಾನಿ ರಾಜಾಚೆ ಹುಕುಮ್ ಸಾಂಗಲ್ಲೆ ಆಯ್ಕುನ್, ವಸ್ಟಿ ರಾನಿನ್ ಮಿಯಾ ಯೆಯ್ನಾ ಮನುನ್ ಜವಾಬ್ ದಿಲಿನ್, ಹೆಚ್ಯಾ ವೈನಾ ರಾಜಾಕ್ ಲೈ ರಾಗ್ ಯೆಲೊ. 13 ರಾಜಾಚ್ಯಾ ಘರ್‍ಹಾತ್ ಘಡಲ್ಲಿ ಸಂಗತಿಯಾ ಬುದ್ವಂತಾಂಚ್ಯಾ ಇದ್ರಾಕ್ ಸಾಂಗ್ತಲಿ ಪದ್ದತ್ ಹೊತ್ತಿ, ತಸೆ ಹೊವ್ನ್ ಅಪ್ನಾಚ್ಯಾ ಸಲಹಾ ಕಾರಾಕ್ನಿ ಬಲ್ವುಲ್ಯಾನ್, ತೆನಿ ಕೊನಿ ಕಾಯ್ ಕರುಚೆ ಮನ್ತಲೆ ಕಳ್ವಳ್ತಾತ್. 14 ರಾಜಾ ಅಹಶ್ವೆರೊಶಾಚ್ಯಾ ಇದ್ರಾಕ್ ಸೆವಕಾ ಅನಿ ಮುಖಂಡಾ ಹೊವ್ನ್ ಹೊತ್ತೆ ಕರ್ಶೆನ್, ಶೆಥೆರ್, ಅಡಮಥಾ, ತಾರ್ಶಿಸ್, ಮೆರೆಸ್, ಮರ್ಸೆನ್ ಅನಿ ಮೆಮುಕನ್ ಮನ್ತಲಿ ಸಾತ್ ಪಾರಸಿ ಅನಿ ಮೆದ್ಯಾತ್ಲಿ ಮೊಟಿ ಲೊಕಾ ಹೊತ್ತಿ. 15 ತೆನಿ ತೆಂಕಾ ಬಲ್ವುನ್, ಮಿಯಾ ಜೆರಸ್ ರಾಜಾ, ಮಾಜ್ಯಾ ಕಂಚುಕಿಯಾನಿಕ್ನಾ ರಾನಿ ವಸ್ಟಿಕ್ ಯೆ, ಮನುನ್ ಸಾಂಗುನ್ ಹುಕುಮ್ ದಿಲ್ಲೊ, ಖರೆ ತಿ ಯೆವ್ಕ್ ನಾ, ಕಾಯ್ ಕರುಚೆ ಮನ್ತಲೆ ಖಾಯ್ದೊ ಸಾಂಗ್ತಾ? ಮನುನ್ ಇಚಾರ್‍ಲ್ಯಾನಿ. 16 ತನ್ನಾ ಮೆಮುಕಾನ್, ರಾನಿ ವಸ್ಟಿನ್ ಕರಲ್ಲಿ ಹಿ ಚುಕ್, ರಾಜಾ ಎಕ್ಲ್ಯಾಕುಚ್ ವಿರೊಧ್ ಹೊವ್ಕ್ ನಾ, ರಾಜಾಚ್ಯಾ ರಾಜ್ವಟ್ಕಿತ್ಲ್ಯಾ ಹರ್ ಎಕ್ ಘೊಮಾನ್ಸಾಕ್ಬಿ ವಿರೊಧ್ ಹೊಲ್ಲಿಚ್ ಹಾಯ್. 17 ರಾನಿಚ್ಯಾ ಹ್ಯಾ ಚಲ್ನುಕಿ ವೈನಾ ಸಗ್ಳಿ ಬಾಯ್ಕಾ ಮಾನ್ಸಾಬಿ ಅಪ್ನಾಚ್ಯಾ ಘವಾಕ್ನಿ ಮಾನ್ ದಿನಾ ಸಾರ್ಕೆ ಹೊವ್ಕ್ ಕಾರನ್ ಹೊತಿಲ್ ಕಶ್ಯಾಕ್ ಮಟ್ಲ್ಯಾರ್, ರಾಜಾ ಅಹೆಶ್ವರೊಶನಾನ್ ರಾನಿ ವಸ್ಟಿಕ್ ಬಲ್ವುಕ್ ಧಾಡಲ್ಯಾ ತನ್ನಾ ತಿಚ್ ಜಾವ್ಕ್ ನತ್ತಿ ನ್ಹಯ್ ಮನ್ತಾತ್. 18 ರಾನಿಚಿ ಹಿ ಗೊಸ್ಟಿಯಾ ಆಯ್ಕಲಿ ಪಾರಸಿ ಅನಿ ಮೆದ್ಯಾ ಕುಳಿಚಿ ಬಾಯ್ಕಾಮಾನ್ಸಾ ಹ್ಯಾ ಎಳಾರುಚ್ ತೆ ರಾಜ್ಯಾಚ್ಯಾ ಸಗ್ಳ್ಯಾ ಸೆವಕಾಕ್ನಿಬಿ ಸಾಂಗ್ತಾತ್, ಹೆಚ್ಯಾ ವೈನಾ ಕಠೊರ್ ರಾಗ್ ಅನಿ ತಿರಸ್ಕಾರ್ ಹೊಯ್ ಸಾರ್ಕೆ ಹೊತಾ. 19 ರಾಜಾನ್ ಒಪ್ಕಿ ದಿಲ್ಯಾರ್ ವಸ್ಟಿ ಅನಿ ಪರ್‍ತುನ್ ಅಹಶ್ವೆರೊಶ್ ರಾಜಾಚ್ಯಾ ಇದ್ರಾಕ್ ಯೆತಲೆಚ್ ನಕ್ಕೊ ಮನ್ತಲೆ ರಾಜಾಚೊ ಹುಕುಮ್ ಪರ್ಗಟ್ ಹೊವ್ನ್ ತೊ ಕನ್ನಾಬಿ ರದ್ದ್ ಹೊಯ್ ನಸ್ತಾನಾ ಪಾರಸಿ ಅನಿ ಮೆದ್ಯಾ ಶಾಸನಾತ್ನಿ ಲಿವ್ನ್ ಥವಲ್ಲೊ ರಾವ್ಚೊ, ರಾಜಾನ್ ತಿಚ್ಯಾ ಜಾಗ್ಯಾರ್ ತಿಚ್ಯಾಕಿಂತಾಬಿ ಬರಿ ಹೊತ್ತ್ಯಾ ದುಸ್ರಿ ಎಕ್ಲಿಕ್ ನೆಮ್ಸುಚೆ. 20 ರಾಜಾಚೊ ಹೊ ನಿರ್ದಾರ್ ತೆಜ್ಯಾ ಲೈ ಮೊಟ್ಟ್ಯಾ ರಾಜ್ಯಾತ್ ಕಳಲ್ಲ್ಯಾ ತನ್ನಾ ಸಾವ್ಕಾರ್ ಅನಿ ಗರಿಬ್ ಹೊತ್ತಿ ಸಗ್ಳಿ ಬಾಯ್ಕಾಮಾನ್ಸಾಬಿ ಅಪ್ನಾಚ್ಯಾ ಘವಾಕ್ನಿ ಸಮಾ ಮಾನ್ ದಿತಾತ್. 21 ರಾಜಾಕ್ ಅನಿ ತೆಜ್ಯಾ ಸಗ್ಳ್ಯಾ ಮುಖಂಡಾಕ್ನಿ ಮೆಮುಕಾನ್ ಸಾಂಗಟಲ್ಲಿ ಹಿ ಗೊಸ್ಟ್ ಬರಿ ದಿಸಲ್ಲ್ಯಾ ಸಾಟ್ನಿ ರಾಜಾನ್ ತೆಜ್ಯಾ ಸಲಹಾ ಸಾರ್ಕೆ ಕರ್ಲ್ಯಾನ್. 22 ಅನಿ ಅಪ್ನಾಚ್ಯಾ ಸ್ವತ್ಯಾಚ್ಯಾ ಲೊಕಾಂಚಿಚ್ ಭಾಶಾ ವಾಪ್ರುಕ್ ಹೊವ್ಚೆ ಮನುನ್ ಪುರಾ ರಾಜ್ವಟ್ಕಿತ್ ಚಿಟಿಯಾ ಲಿವ್ನ್ ಪರ್ಗಟಲ್ಯಾನ್, ಹಿ ಚಿಟಿಯಾ ಹರ್ ಎಕ್ ಪ್ರಾಂತ್ಯಾಚ್ಯಾ ಬರ್ವನ್ಗಿತ್ ಅನಿ ಹರ್ ಎಕ್ ಲೊಕಾಂಚ್ಯಾ ಭಾಶಾತ್ನಿ ಲಿವ್ನ್ ಹೊಲಿ. ಕುಳಿಯಾಂಚ್ಯಾ ಲೊಕಾಕ್ನಿ ತೆಂಚ್ಯಾ ತೆಂಚ್ಯಾ ಭಾಶೆತ್ ಕಳಿ ಸಾರ್ಕೆ ಚಿಟಿ ಲಿವ್ನ್, ಹರ್ ಎಕ್ ಕುಟ್ಮಾತ್, ಘೊಮನುಸ್ ಮುಖಂಡ್ ಅನಿ ತೆನಿ ಸಾಂಗಲ್ಲೆ ಆಯ್ಕುನ್ ಚಲುಚೆ ಮನುನ್ ಹುಕುಮ್ ದಿಲ್ಯಾನಿ.