1 ಹೆಚ್ಯಾ ಮಾನಾ ರಾಜ್ಯಾ ಅಹಶ್ವೆರೊಶಾನ್, ಅಗಾಗ್ ಕುಳಿಚ್ಯಾ ಹೆಮ್ಮೆದಾಚೊ ಲೆಕ್ ಹಾಮಾಕ್ ಅಪ್ನಾಚೊ ಪ್ರಧಾನ್ ಮಂತ್ರಿ ಹೊವ್ನ್ ಎಚುನ್ ಘೆಟ್ಲ್ಯಾನ್. 2 ರಾಜಾನ್ ಅಪ್ನಾಚ್ಯಾ ಸಗ್ಳ್ಯಾ ಅಧಿಕಾರಿಯಾಕ್ನಿ, ಹಾಮಾಕ್ ಡಿಮ್ಮಿ ಘಾಲುನ್, ಬಾಗುನ್ ಮರ್ಯಾದ್ ದಿವ್ಚೆ ಮನುನ್ ಹುಕುಮ್ ದಿಲ್ಯಾನ್, ಖರೆ ಮೊರ್ದೆಕೈಯಾನ್ ಹ್ಯೊ ಹುಕುಮ್ ಪಾಳುಕ್ನಾ. 3 ತನ್ನಾ ರಾಜಾಚ್ಯಾ ಘರಾತ್ಲ್ಯಾ ಅಧಿಕಾರಿಯಾನಿ ತೆಕಾ ತಿಯ್ಯಾ ರಾಜಾಚೊ ಹುಕುಮ್ ಕಶ್ಯಾಕ್ ಪಾಳುಕ್ ನ್ಹಯ್ ಮನುನ್ ಇಚಾರ್ಲ್ಯಾನಿ. 4 ಹರ್ ಎಕ್ ದಿಸಾಬಿ ತೆಕಾ ಹ್ಯಾ ವಿಶಯಾತ್ ಹುಶಾರ್ಕಿ ದಿಲ್ಯಾನಿ, ಖರೆ ತೊ ತೆಂಕಾ ಭಾಗುಕ್ ನಾ, ತಸೆ ಹೊವ್ನ್ ತೆನಿ ಮೊರ್ದೆಕೈಕ್ ಅಪ್ನಿ ಜುದೆವಾಂಚೊ ಮನ್ತಲಿ ಬಡಾಯ್ ಅನಿ ಹಠಮಾರಿಪಾನ್ ಕವ್ಡ್ಯಾ ಪತರ್ ಚಲ್ತಾ ಬಗುಂವಾ ಮನುನ್, ತಿ ವಿಶಯಾ ಹಾಮಾಕ್ ಕಳ್ವುಲ್ಯಾನಿ. 5 ಮೊರ್ದೆಕೈಯ್ ಅಪ್ನಾಕ್ ಮರ್ಯಾದ್ ದಿಯ್ನಾ ಹೊಲಾ ಮನ್ತಲೆ ಹಾಮಾನ್ ಬಗ್ಲ್ಯಾನ್, ತನ್ನಾ ತೊ ರಾಗಾನ್ ಪೆಟ್ಲೊ. 6 ಹಾಮಾಕ್, ಮೊರ್ದೆಕಾಯ್ ಜುದೆವಾಂಚೊ ಮನುನ್ ಕಳ್ಳೆ, ತನ್ನಾ ತೆನಿ ಪೆರ್ಸಿಯಾತ್ಲ್ಯಾ ಸಗ್ಳ್ಯಾ ಜುದೆವಾಕ್ನಿ ಜಿವ್ ಕಾಡುಚೆ ಮನುನ್ ಯೆವ್ಜನ್ ಕರ್ಲ್ಯಾನ್. 7 ರಾಜಾ ಅಹಶ್ವೆರೊಶಾಚ್ಯಾ ರಾಜ್ವಟ್ಕಿಚ್ಯಾ ಬಾರಾವ್ಯಾ ವರ್ಸಾಚ್ಯಾ ಪೈಲ್ಯಾ ಮೈನ್ಯಾತ್, ಹಾಮಾಚ್ಯಾ ಇದ್ರಾಕ್ ಖಲೊ ಬರೊ ದಿಸ್ ಅನಿ ಬರೊ ಮೈನೊ ಕಳ್ವುನ್ ಘೆವ್ಕ್ ಸಾಟ್ನಿ ಚಿಟಿ ಘಾಲ್ತಾನಾ, ತಿ ಚಿಟ್ ಬಾರಾವ್ಯಾ ನಿಸಾನ್ ಮೈನ್ಯಾಚ್ಯಾ ತೆರಾವ್ಯಾ ದಿಸಾತ್ ಪಡ್ಲಿ. 8 ತನ್ನಾ ಹಾಮಾನ್ ರಾಜಾ ಅಹೆಶ್ವೆರೊಶಾಕ್ ತುಜ್ಯಾ ರಾಜ್ಯಾತ್ ಎಕ್ ಎಗ್ಳ್ಯಾ ಕುಳಿಚಿ ಲೊಕಾ ಸಗ್ಳ್ಯಾಕ್ಡೆ ಪಗ್ಳಲ್ಲಿ ಹಾತ್, ತೆನಿ ಅಪ್ನಾಚೊಚ್ ಕಾನುನ್ ಕರುನ್ ಘೆವ್ನ್ ಹಾತ್, ಅನಿ ತೆನಿ ರಾಜಾಚೊ ಹುಕುಮ್ ತರ್ ಕನ್ನಾಚ್ ಪಾಳಿನ್ಯಾತ್, ತಿಯ್ಯಾ ತೆಂಕಾ ಅಸೆಚ್ ಸೊಡ್ತಲೆ ಬರೆ ನ್ಹಯ್ , 9 ರಾಜಾನ್ ಮನ್ ಕರುನ್ ತೆಂಕಾ ನಾಶ್ ಕರುಚೆ ಮನುನ್ ಹುಕುಮ್ ದಿವ್ಚೆ, ತಸೆ ಕರಲೆಚ್ ಹೊಲ್ಯಾರ್ ಮಿಯ್ಯಾ ರಾಜಾಚ್ಯಾ ಹುಂಡಿತ್ ಧಾ ಹಾಜಾರ್ ಚಾಂದಿಚೆ ಪೈಸೆ ಮೆಜುನ್ ತುಜ್ಯಾ ಸೆವಕಾಂಚ್ಯಾ ಹಾತಿತ್ ಒಪಸ್ತಾ ಮಟ್ಲ್ಯಾನ್. 10 ತನ್ನಾ ರಾಜಾ ಅಹೆಶ್ವೆರೊಶಾನ್, ಅಪ್ನಾಚ್ಯಾ ಹಾತಿತ್ಲಿ ಛಪ್ಪ್ಯಾಚಿ ಮುದ್ದಿ ಕಾಡುನ್, ಅಗಾಗಾಚ್ಯಾ ಕುಳಿಚೊ, ಅನಿ ಜುದೆವಾಂಚೊ ವಿರೊಧಿ ಹೊಲ್ಲ್ಯಾ ಹಾಮಾಕ್ ದಿಲ್ಯಾನ್. 11 ತಿ ಲೊಕಾ, ಅನಿ ತೆ ಪೈಸೆ ತುಜ್ಯಾ ತಾಬೆತ್ ದಿತಾ, ತಿಯ್ಯಾ ತೆಂಕಾ ತುಜ್ಯಾ ಮನಾಕ್ ಯೆತಾ ತಶಿ ಕರ್ ಮಟ್ಲ್ಯಾನ್. 12 ಪೈಲ್ಯಾ ಮೈನ್ಯಾಚ್ಯಾ ತೆರಾವ್ಯಾ ದಿಸಿ ರಾಜ್ಯಾಚಿ ಚಿಟಿಕಾರಾ ಮಿಳುಚೆ ಮನುನ್ ಹುಕುಮ್ ಹೊಲೊ, ತೆನಿ ಹಾಮಾಚ್ಯಾ ಹುಕುಮಾ ಸಾರ್ಕೆ ಬಾರ್ಕ್ಯಾ ರಾಜಾಕ್ನಿ, ಸಗ್ಳ್ಯಾ ಅಧಿಕಾರಿಯಾಕ್ನಿ, ಅನಿ ಕುಳಿಚ್ಯಾ ಮುಖಂಡಾಕ್ನಿ ಅನಿ ತೆಂಚ್ಯಾ ಭಾಶೆತ್, ಜೆರಸ್ ರಾಜಾಚ್ಯಾ ನಾವಾರ್ ಚಿಟಿ ಲಿವ್ಲ್ಯಾನಿ, ತೆಚೆ ವರ್‍ತಿ ರಾಜಾಚ್ಯಾ ಮುದ್ದಿಚೊ ಛಪ್ಪೊ ಮಾರಲ್ಲೊ ಹೊತ್ತೊ. 13 ಚಿಟಿಯಾ ರಾಜ್ಯಾಚ್ಯಾ ಸಗ್ಳ್ಯಾ ಸಂಸ್ಥಾನಾಕ್ನಿಬಿ ಧಾಡುನ್ ಹೊಲಿ ತ್ಯಾತುರ್ ಎಕುಚ್ ದಿಸಾತ್ ಮಟ್ಲ್ಯಾರ್, ಆಧಾರ್ ಮೈನ್ಯಾಚ್ಯಾ ತೆರಾವ್ಯಾ ದಿಸಾತ್ ದಾಂಡ್ಗೆ, ಮ್ಹಾತಾರೆ, ಬಾಯ್ಕಾ ಮಾನ್ಸಾ ಅನಿ ಪೊರಾ ಮನುನ್ ಬಗಿನಸ್ತಾನಾ ಸಗ್ಳ್ಯಾ ಜುದೆವಾಂಕ್ನಿ ಜಿವ್ ಕಾಡಾ, ನಾಶ್ ಕರಾ, ತೆಂಚಿ ಪಿಳ್ಗಿ ನಾತ್ರಾ ಅನಿ ತೆಂಚಿ ಆಸ್ತಿ ಕಾಡುನ್ ಘೆವಾ ಮನುನ್, 14 ಅನಿ ಸಗ್ಳೆಬಿ ತ್ಯಾದಿಸಿ ತಯಾರ್ ರಾಯ್ ಸಾರ್ಕೆ ಹಿ ಚಿಟ್ ಸಗ್ಳ್ಯಾ ಸಂಸ್ಥಾನಾಕ್ನಿಬಿ ರಾಜಾಚೊ ಹುಕುಮ್ ಹೊವ್ನ್ ಸಗ್ಳ್ಯಾ ಲೊಕಾಕ್ನಿ ಪರ್ಗಟುಚೆ ಮನುನ್ ಲಿವಲ್ಲೆ ಹೊತ್ತೆ. 15 ಹ್ಯೊ ನಿರ್ದಾರ್ ಸುಸಾ ರಾಜಧಾನಿತ್ ಪಗಳಲ್ಲೊ, ಅನಿ ಸಂದೆಶ್ಕಾರಾ ಚಿಟಿ ವಾಟುಕ್ ಸುಟ್ಲ್ಯಾನಿ, ತನ್ನಾ ರಾಜಾ ಜೆರಸ್ ಅನಿ ಹಮಾನ್ ಧಾರು ಫಿವ್ನಗೆತ್ ಬಸಲ್ಲೆ, ಖರೆ ಫುರಾ ಸುಸಾಚಿ ಲೊಕಾ ಕಂಗಾಲ್ ಹೊವ್ನ್ ಹೊತ್ತಿ.