ಎಸ್ತೆರ್ 5

ಎಸ್ತೆರಾನ್ ರಾಜಾಕ್ ಅನಿ ಹಾಮಾಕ್ ಜೆವ್ನಾಕ್ ಬಲ್ವಲ್ಲೆ

1 ತಿನ್ವ್ಯಾ ದಿಸಿ ಎಸ್ತೆರ್, ರಾನಿಚೆ ಕಪ್ಡೆ ನೆಸುನ್ಗೆವ್ನ್, ರಾಜಾಚ್ಯಾ ಘರಾಚ್ಯಾ ಇದ್ರಾಕ್ ಭುತ್ತುರ್ಲ್ಯಾ ಭಾಗಾತ್ ಗುಸುನ್ ರಾಜಾಚ್ಯಾ ಇದ್ರಾಕ್ ಇಬೆರಾಲಿ, ಥೈ ರಾಜಾ ದಾರಾಚ್ಯಾ ಇದ್ರಾಕ್ ಸಿವಾಸನಾವರ್‍ತಿ ಬಸಲ್ಲೊ ಹೊತ್ತೊ. 2 ತೆನಿ ಭುತ್ತುರ್ ಯೆವ್ನ್ ಇಬೆ ಹೊತ್ತ್ಯಾ ಎಸ್ತೆರ್ ರಾನಿಕ್ ಬಗುನ್, ತಿಚ್ಯಾ ವರ್‍ತಿ ಕುರ್ಪೆ ದಾಕ್ವುನ್ ಅಪ್ನಾಚ್ಯಾ ಹಾತಿತ್ಲೊ ಸುವರ್ನ್ ದಾಂಡೊ ತಿಚ್ಯಾಕ್ಡೆ ಬಾಗ್ವುಲ್ಯಾನ್, ತನ್ನಾ ಎಸ್ತೆರಾನ್ ಜಗ್ಗೊಳ್ ಜಾವ್ನ್ ತ್ಯಾ ದಾಂಡ್ಯಾಚ್ಯಾ ತುದಿಕ್ ಅಪಡ್ತಾನಾ, 3 ರಾಜಾನ್ ತಿಕಾ, "ಎಸ್ತೆರ್ ರಾನಿ ತುಕಾ ಕಾಯ್ ಪಾಜೆ? ತುಜಿ ಮಾಗ್ನಿ ಖಲಿ? ತಿಯಾ ಮಾಜೊ ಅರ್ದೊ ರಾಜ್ ಮಾಗ್ಲ್ಯಾರ್ಬಿ ಮಿಯಾ ದಿತಾ" ಮಟ್ಲ್ಯಾನ್. 4 ತನ್ನಾ ಎಸ್ತೆರಾನ್, "ರಾಜಾಚ್ಯಾ ಮನಾಕ್ ಯೆಲ್ಯಾರ್ ಆಜ್ ಮಿಯಾ ತುಮ್ಚ್ಯಾ ಸಾಟ್ನಿ ತಯಾರ್ ಕರಲ್ಲ್ಯಾ ಜೆವ್ನಾಕ್ ಹಾಮಾಚ್ಯಾ ವಾಂಗ್ಡಾ ಯೆವ್ಚೆ," ಮನುನ್ ಮಾಗ್ನಿ ಕರ್‍ಲಿನ್. 5 ರಾಜಾನ್ ತಡೊ ಕರಿನಸ್ತಾನಾ, ಎಸ್ತೆರಾಚಿ ಮಾಗ್ನಿ ಫುರಾ ಕರುಕ್ ಸಾಟ್ನಿ ಹಾಮಾಕ್ ತಯಾರ್ ಹೊವ್ಕ್ ಹುಕುಮ್ ದಿವ್ನ್, ತೆಜ್ಯಾ ವಾಂಗ್ಡಾ ಎಸ್ತೆರ್ ರಾನಿನ್ ತಯಾರ್ ಕರಲ್ಲ್ಯಾ ಜೆವ್ನಾಕ್ ಗೆಲೊ. 6 ವಾಯ್ನ್ ಫಿವ್ನ್ಗೆತ್ ರ್‍ಹಾತಾನಾ, ರಾಜಾನ್ ಅನಿಬಿ ಪರ್‍ತುನ್ ಎಸ್ತೆರ್ ರಾನಿಕ್, "ಕಾಯ್ ತುಜಿ ಮಾಗ್ನಿ, ತೆ ಮಿಯಾ ಫುರಾ ಕರ್ತಾ, ತಿಯಾ ಮಾಜೊ ಅರ್ದೊ ರಾಜ್ ಮಾಗ್ಲ್ಯಾರ್ಬಿ ಮಿಯಾ ತುಕಾ ದಿತಾ", ಮನ್ತಾನಾ, 7 ಎಸ್ತೆರ್ ರಾನಿನ್ ರಾಜಾಕ್, ಮಿಯಾ ಇಚಾರ್ತಲೆ, ಅನಿ ಮಾಜಿ ಮಾಗ್ನಿ ಕಾಯ್ ಮಟ್ಲ್ಯಾರ್, 8 ಮಿಯಾ ತುಜ್ಯಾ ಸಾಟ್ನಿ ತಯಾರ್ ಕರಲ್ಲ್ಯಾ ಜೆವ್ನಾಕ್ ಉದ್ದ್ಯಾಬಿ ಹಾಮಾಚ್ಯಾ ವಾಂಗ್ಡಾ ಯೆವ್ಚೆ, ತನ್ನಾ ರಾಜಾನ್ ಸಾಂಗಲ್ಲ್ಯಾ ಸಾರ್ಕೆಚ್ ಮಿಯಾ ಕರ್ತಾ, ಮಟ್ಲಿನ್.

ಹಾಮಾನ್ ಮೊರ್ದೆಕೈಕ್ ಮರ್ನಾಚಿ ಶಿಕ್ಷ್ಯಾ ದಿವ್ಚೆ ಮನುನ್ ನಿರ್ದಾರ್ ಕರಲ್ಲೆ

9 ತ್ಯಾ ದಿಸಿ ಹಾಮ್, ಲೈ ಖುಶಿ ಅನಿ ಬರ್ಯಾ ಉಮ್ಮೆದಿತ್ ರಾವ್ನ್ ಘರಾಕ್ ಜಾಯ್ತ್ ರ್‍ಹಾತಾನಾ, ಮೊರ್ದೆಕೈನ್ ಉಟುನ್ ಇಬೆರಾವ್ಕ್ ಬಿ ನಾ, ಅನಿ ಮರ್ಯಾದ್ ದಿವ್ಕ್ ನಸ್ತಾನಾ, ರಾಜಾಚ್ಯಾ ಘರಾಚ್ಯಾ ಇದ್ರಾಕ್ ಬಸಲ್ಲೆ ಬಗುನ್ ತೆಕಾ ಲೈ ರಾಗ್ ಯೆಲೊ. 10 ಹೊಲ್ಯಾರ್ಬಿ ಅಪ್ನಾಕ್ ಅಪ್ನಿ ಸಂಬಾಳುನ್ಗೆವ್ನ್ ಘರಾಕ್ ಜಾವ್ನ್, ಅಪ್ನಾಚ್ಯಾ ವಾಂಗ್ಡಿಯಾಕ್ನಿ ಅನಿ ಬಾಯ್ಕೊ ಜೆರೆಶಿಕ್ ಬಲ್ವುನ್, 11 ತೆಂಚ್ಯಾ ಇದ್ರಾಕ್ ಅಪ್ನಿ ರಾಜಾಕ್ನಾ ಕಸೆ ಸನ್ಮಾನ್ ಕರುನ್ಗೆಟ್ಲ್ಯಾನ್ ಅನಿ ಅಪ್ನಿ ಕವ್ಡೊ ಸಾವ್ಕಾರ್, ಅನಿ ಕವ್ಡಿ ಲೆಕಾ ಹಾತ್ ಅನಿ ರಾಜಾನ್ ಅಪ್ನಾಕ್ ಸಗ್ಳ್ಯಾ ಸೆವಕಾತ್ನಿ ಶ್ರೆಸ್ಟ್ ಮನುನ್, ಮಾನ್ ದಿಲ್ಲೆ ಸಗ್ಳೆ ಸಾಂಗ್ಲ್ಯಾ ಮಾನಾ, 12 ಆಹಾ, ಆಹಾ, ಎಸ್ತೆರ್ ರಾನಿನ್ ರಾಜಾಚ್ಯಾ ವಾಂಗ್ಡಾ ಜೆವ್ನಾಕ್ ಅಪ್ನಾಕ್ ಸೊಡುನ್ ಅನಿ ಕೊನಾಕ್ಬಿ ಬಲ್ವುಕ್ ನಾ, ಅನಿ ಉದ್ದ್ಯಾಬಿ ಜೆವ್ನಾಕ್ ಬಲ್ವುಲಾ. 13 ಖರೆ ಮೊರ್ದೆಕೈ ಮನ್ತಲೊ ಜುದೆವಾಂಚೊ ಮಾನುಸ್ ರಾಜಾಚ್ಯಾ ಘರಾಚ್ಯಾ ಇದ್ರಾಕ್ ಮಾಕಾ ಬಗುನ್, ಉಟುನ್, ಮರ್ಯಾದ್ ದಿಯ್ನಸ್ತಾನಾ ಹೊತ್ತ್ಯಾ ಸಾಟ್ನಿ ಮಾಕಾ ಹೆ ಸಗ್ಳೆ ಸಮಾಧಾನ್ ಹೊಯ್ನಾ ಹೊಲಾ ಮಟ್ಲ್ಯಾನ್. 14 ತನ್ನಾ ತೆಚಿ ಬಾಯ್ಕೊ ಜೆರೆಶಿ ಅನಿ ತೆಜ್ಯಾ ವಾಂಗ್ಡಿಯಾನಿ, ಉದ್ದ್ಯಾಚ್ ಪನ್ನಾಸ್ ಹಾತ್ ಉಪ್ಪರ್ ಪಾಸೊದಿತಲೊ ಖಾಂಬೊ ತಯಾರ್ ಕರುನ್, ರಾಜಾಚಿ ಒಪ್ಕಿ ಘೆವ್ನ್ ತೆಕಾ ಪಾಸಿ ಘಾಲ್ಸುಚೆ, ತನ್ನಾ ತಿಯಾ ಲೈ ಖುಶಿನ್ ರಾಜಾಚ್ಯಾ ಘರಾಕ್ ಜೆವ್ನಾಕ್ ಜಾವ್ಕ್ ಹೊತಾ ಮಟ್ಲ್ಯಾನಿ, ಹಾಮಾನ್ ತೆಂಚ್ಯಾ ಗೊಸ್ಟಿಕ್ ಒಪ್ಪುನ್ ಪಾಸ್ಯಾಚೊ ಖಾಂಬೊ ತಯಾರ್ ಕರ್ಲ್ಯಾನ್.