1 KORINTOFOƐ 15

45 Yeti bahworɔ kyɛ: "Adam bɔ oli moa ne yɛle teasefoɛ."*15:45 Anaa "Ɔkra bɔ ɔte ase." Na Adam bɔ ɔpɛ yebo ne te honhom bɔ ɔma ngoa. 46 Nná honhom ne yeɛ oli moa ɔ, mmom anwoɔnaen ne yeɛ oli moa ɔ, ɛhene si kora yeɛ honhom ne ba ɔ. 47 Sona bɔ oli moa ne fi aseɛ he aso, ná nnɛterɛ yeɛ bɛfa bɛyɛle ye ɔ, na sona bɔ ɔtɔ so nyɔ ne fi anwuro. 48 Kyɛbɔ sona bɔ ofi nnɛterɛ nu ne te ne, sɔ ala yeɛ bɛ bɔ bɛfale nnɛterɛ bɛbɔle bɛ ne te ɔ; na kyɛbɔ sona bɔ ofi anwuro ne te ne, sɔ ala yeɛ bɛ bɔ bɛfi anwuro ne te ɔ. 49 Na kyɛbɔ yɛte kyɛ bɔ ofi nnɛterɛ nu ne, sɔ ala yeɛ yɛkɔyɛ kyɛ bɔ ofi anwuro ne ɔ.