ಉದನೆ ಬಾಳಾನು ಬಲಿನೊ ಕಟ್ಟೊ
1 ತೆನೈಸೊ ಬಾಸನಾ ತೆಲಕ್ಹು ಕಾಟಾವೊನಾ ಝಾಡನು ಉದನೊ ಧವಾಂಡೊ ದಿವಾನಾಹುತಿ ಯಕ್ಕ ಕಟ್ಟೊ ಭಾಂದ. 6 ಚೊಕಾ ಪಡ್ದಾನಾ ( ಒಡಂಬಡಿಕೆನಾ ಪಟ್ಟಗಿನಾ ಸೆುತ್ತೆ ರ‍್ಹಯಲ) ಕ್ಹಾಮಲ್ಯಾ ಬಾಗಮಾ ಧವಾಂಡಾನಾ ಕಟ್ಟಾನಾ ಮ್ಹೆಲ. ಧವಾಂಡಾನಾ ಕಟ್ಟಾನಾ ಒಡಂಬಡಿಕೆನಾ ಪೆಟಗಿನಾ ಕೃಪಾಸನನಾ ಕ್ಹಾಮಲ್ಯಾ ಭಾಗಮಾ ರ‍್ಹವಸ. ಆ ಮಿ ತುನೆ ದಿವಾನಿ ಜ಼ಗಾ ಥಯಿಸ. 7 ಆರೊನ ದಿನ್ನೆ ಪಾಟೆ ಕಟ್ಟಾನಾ ಉಪ್ಪರ ಚೊಕು ಬಾಸನು ಉದ ಘಾಲು. ತಿನಾ ದಿವಾವೊನೆ ಕರೆಟ್ಟ ಕರಾನೆ ಆತಾಮಾ ಆ ಕರುಸ. 8 ಫರಿನ ಕ್ಹಾಂಜ಼ನಾ ಟೈಮಾ ಉದನೆ ಘಾಲು. ಆ ಕ್ಹಾಂಜ಼ನಾ ಟೈಮೊಮಾ ತೆ ದಿವಾ ಲಗಾಡಾನೊ ಟೈಮ ಥಯಲ ರ‍್ಹವಸ. ಅಮ್ಮಜ ದಿನ್ನೆಬಿ ಯಹೊವಾನಾ ಕ್ಹಾಮೂ ಚೊಕು ರ‍್ಹಯಲ ಉದನೂ ಧೂವಾಂಡೊ ರ‍್ಹವಸ. 10 ಆರೊನ ವರಕ್ಹಾ ಯಕ್ಕೆಮ ಯಹೊವಾನೆ ಚೊಕು ಯಜ್ಞನೆ ಚಡೌ. ಮನಕ್ಹೊನಾ ಪಾಪನ ಪಶ್ಚಾತಾಪನಾ ಹುತಿ ಆರೊನಬಿ ದೊಷನಾ ಪರಿಹಾರನಾಹುತಿ ಯಜ್ಞನಾ ರಗತನೆ ಉಪಯೊಗ ಕರಸ. ಆರೊನ ಆ ಯಜ್ಞವೆದಿಕೆನಾ ಶಿಂಗ್ಡಾವೊಮಾ ಕರಸ. ತೆ ದಿನ್ನೆ ದೊಷಪರಿಹಾರನಾ ದಿನ ವ್ಹೈ ಕೈನ ಕವೈಲಿವಸ. ಯಹೊವಾನೆ ಆ ಅತಿ ಪರಿಶುದ್ದ ಥಯಲ ಚೊಕೊ ದಿನ ಥಯೊಸ.