ವಿಮೊಚನಕಾಂಡ 36

1 ಬೆಚಲೆಲನ ಒಹೊಲೀಯಾಬ ಕ್ಹಾರುಜ಼ ಯಹೊವಾ ಅಗನ್ಯಾ ದಿದಲ ನಿಂಗತಜ಼಼ ಕರಸ; ವರಿ ಬಿಜಾ಼ ಗ್ಯಾನಿಯೊ ಕ್ಹಾರಾ, ಕದ್ಯಾಮ ಯಹೊವಾಕ್ಹುಜ ಗ್ಯಾನಾ ವಿವೆಕೊನೆ ಹೊಂದಿಲಿನ ಕ್ಹುದಾನಾ ಮಂದಿರನೆ ಕರಾನಾ ಕಾಮನಾ ಹುತಿ ಪವಿತ್ರ ಗುಡಾರ ಭಾಂದಾನೆ ಚಾ಼ಯೆ ಥಯಲ ಬಿಜಾ಼ಬಿಜಾ಼ ಸಾಮ್ನೊನೆ ಕರಾನೆ ಗ್ಯಾನ ತಿಳ್ದಲವಾಲಾ, ತ್ಯುನಾ ಕ್ಹಾತೆ ಕಾಮ ಕರಸ ಕೈನ ಕದ್ಯೊ.

ಮನಕ್ಹೊ ಲಾಯಲ ಘನ್ನಿ ಕಾಣಿಕೆ

2 ಬೆಚಲೆಲಬಿ ಒಹೊಲಿಯಾಬನೆಬಿ ವರಿ ಕಿನಾ ಕಿನಾ ಮನಸಮಾ ಯಹೊವಾ ಗ್ಯಾನ ಮ್ಹೆಲ್ಯೊತೊ ಕಿನೆಕಿನೆಬಿ ಎ ಕಾಮ ಕರಾನಾಹುತಿ ಮನಸ ನರಮ ತೆ ಗ್ಯಾನಿಯೊ ಕ್ಹಾರಾವೊನೆ ಮೊಶೆ ತಿನಾ ಕ್ಹಾಮೊ ಬಲಾಯೊ. 3 ತ್ಯುನೆ ಕ್ಹುದಾನು ಪವಿತ್ರ ಗುಡಾರ ಕರಾನಾ ಕಆಮನೆ ಇಸ್ರಾಯೆಲೊ ಲಾಯಲ ಪೂರಾ ಕಾಣಿಕೆ ಮೊಶೆನೆ ಹತ್ಮಾತು ಕಾಳ್ಳಿದ್ಯಾ. ಇಸ್ರಾಯೆಲೊ ಹರ ದಿನ್ನೆ ಹೊತ್ತಾರೆಮಾ ಮಶೆಕನ ಐನ ಜಾಸ್ತಿ ಕಾಣಿಕೆ ತ್ಯುನಾ ಮನಸಕ್ಹು ದಿವಾಡಾತಾ. 4 ತೆಳಾಮಾ ಕ್ಹುದಾನಿ ಮಂದಿರನೆ ಕಾಮ ಕರಾಲಾ ತೆ ಗ್ಯಾನಿಯೊ ಕ್ಹಾರಾ ತ್ಯುನಾ ತ್ಯುನಾ ಕಾಮೊ ಛೊಡಿನ ಮೊಶೆಕನ ಐನ ತಿನೆ 5 ಯಹೊವಾ ಆಗನ್ಯಾ ದಿದಲ ಕಾಮನೆ ಚಾ಼ಯೆ ಥಯಲ ಅಕ್ಲುತಿ ಘನ್ನು ಹೆಚ್ಕಿಜ ಲಾವಾಡಾತಾ ಮನಕ್ಹೊ ಕಾಣಿಕೆ ಲಾವಾಡಾಸ ಕೈನ ಕತಾಮಾ ಮೊಶೆ

6 ಕ್ಹುದಾನಾ ಮಂದಿರನಾ ಮಾನಾಹುತಿ ಕಯೊ ದಾಣ್ಗೊ ರ‍್ಹೈತಬಿ ಬಾಕ್ಡಿ ರ‍್ಹೈತಬಿ ಹಜಿ ಲಕ್ಕಾ ಕ್ಹಾಮೊ ಕಯುಜ಼ ಸಿದ್ದ ಕರು ನೈ ಕೈನ ಅಪ್ಪಣೆ ಕರಿನ ಪಾಳೆಮಾ ಪ್ರಕಟ ಕರಲ ಮನಕ್ಹೊನಾ ಕಾಣಿಕಿಯೊನೆ ಹುಬ್ರೈಪಡೊ. 7 ಕಾಮ ಕರಾನಾಹುತಿ ಬಸ ಥಯೆಲಕ್ಕಾ ಹೆಚ್ಚ ಸಾಮ್ನೊ ವ್ಹತ್ತಾ.

ಯಹೊವಾನಿ ಸನ್ನಿದಿನು ಗುಡಾರ ಕರಾನು

8 ಎ ಕಾಮವಲಾವೊಮಾ ಕ್ಹಾರಾ ಗ್ಯಾನಿಯೊ ನವಾ ನಾರಿನ ವಣ್ಣಾವೊಕ್ಹು ಝೊಪ್ಡು ಕರಿನ ತೆ ದಕ್ಹ ವಣ್ಣಾವೊಮಾ ನಿಲಿ ದುಮ್ರ ರಗತ ನಿಂಗತ ದೊರಾವೊಕ್ಹು ಕೆರುಬಿಯೊನೆ ಚಮ್ಕಾರ ಥೈನ ಕಸೂತಿ ಘಾಲಿನ ಕರ‍್ಯಾ. 9 ಹರಯಕ್ಕ ಫಡ್ಕು 28 ಮಾರ ಲಾಂಬಾಮಾಬಿ 4 ಮಾರಬಿ ರುಂದಬಿ ವ್ಹತ್ತು.ಕ್ಹಾರಾ ವಣ್ಣಾ ಯಕ್ಕಜ ಅಳತಿ ಥಯಾತಾ. 10 ಪಾಂಚ ಪಾಂಚ ವಣ್ಣಾಬಿ ಯಕ್ಕಜ ಥೈನ ಜೊಡಶ್ಯಾತಾ. 11 ಎ ಬೆ ಜೊಡಿಮಾ ಯಕ್ಕಯಕ್ಕನೊ ಕೊನೊ ವಣ್ಣಾನಾ ಉಪ್ಪರ ನಿಲಿ ದೊರಾಕ್ಹು ಘೊಂಡಾನೆ ಕರ‍್ಯಾ; 12 ತೆ ಘೊಂಡಾವೊನೆ ಐವತ್ತ ಐವತ್ತನಾ ಉಪ್ಪರ ಯಕ್ಕ ಯಕ್ಕನೆ ಕ್ಹಾಮಾ ಮ್ಹೆಲ್ಯಾ. 13 ತೆನೈಸೊ ಐವತ್ತ ಕ್ಹೊನಾನಾ ಕೊಂಡಿಯೊನೆ ಕರಿನ ತೆ ವಣ್ಣಾವೊನೆ ಯಕ್ಕನೆ ಯಕ್ಕ ಜೊಡಸ್ಯಾ; ಅಮ್ಮ ಯಕ್ಕ ಝೊಪ್ಡು ಥಯು.

14 ಆ ಝೊಪ್ಡಾನಾ ಉಪ್ಪರ ಝಾಕಾನಾಹುತಿ ಬಕ್ರಾನಾ ಬಾಲೊನು ಗ್ಯಾರಾ ತಿನಾ ಫಡ್ಕಾವೊಕ್ಹು ತೆ ಝೊಪ್ಡಾನಾ ಉಪ್ಪರಲಿ ಗದಿಗಿ ಕರ‍್ಯಾ. 15 ಯಕ್ಕಯಕ್ಕ ಪಡ್ಕು ಮೂವತ್ತ ಮೊಳಾ ಲಾಂಬುಬಿ ಚಾರ ಮೊಳಾ ರುಂದಬಿ ವ್ಹತ್ತು; ಕ್ಹಾರಾ ಫಡ್ಕಾ ಯಕ್ಕಜ ಅಳತಿ ಥಯಾತಾ. 16 ಪಾಂಚ ಫಡ್ಕಾಬಿ ಯಕ್ಕ ಥೈನ ಜೊಡಸಿನ ಉಗ್ರಲ ಛೆ ಫಡ್ಕಾವೊನೆ ಯಕ್ಕ ಥೈನ ಜೊಡಸ್ಯಾ. 17 ಯಕ್ಕ ಯಕ್ಕ ಫಡ್ಕಾನಾ ಲಾಸ್ಟನಾ ಮೂಲಾಮಾ ಐವತ್ತ ಐವತ್ತ ಘೊಂಡಾವೊನಾ ಕರ‍್ಯಾ. 18 ಯಕ್ಕಜ ಗುಡಾರ ಥಯಲ ನಿಂಗತ ಪೂರಾ ಮಳಾವಾನಾಹುತಿ ತಾಂಬಾನಾ ಐವತ್ತ ಕೊಂಡಿಯೊ ಕರ‍್ಯಾ. 19 ತೆನೈಸೊ ಹದನ ಕರಲ ಬಕ್ರಾನು ಚಾಮ್ಡಾಕ್ಹು ಯಕ್ಕ ಉಪ್ಪರ ವರಾಡಾನು ರಾನ ಡುಕ್ಕುರನಾ ಚಾಮ್ಡಾಕ್ಹು ವರಿಯಕ್ಕ ಉಪ್ಪರ ವರಾಡಾನೆ ಕರ‍್ಯಾ. 20 ಝೊಪ್ಡಾನೆ ಚೌಕಟ್ಟೊ ಕಾಟಾವೊನಾ ಝಾಡಕ್ಹು ಕರ್ಯಾ. 21 ಹರಯಕ್ಕ ಚೌಕಟ ದಕ್ಹ ಮೊಳಾ ಲಾಂಬು ದೆಡ ಮೊಳಾ ರುಂದ ವ್ಹತ್ತು. 22 ಹರಯಕ್ಕ ಚೌಕಟಿನಿ ಅಡ್ಡ ಪಟ್ಟಿಕ್ಹು ಜೊಡಸಾಯಲ ಬೆ ಕ್ಹಾಚಾವೊಕ್ಹು ವ್ಹತ್ತು; ಝೊಪ್ಡಾನಾ ಕ್ಹಾರಾ ಚೌಕಟೊನೆ ತಿನಾ ನಿಂಗತಜ಼಼ ಕರ‍್ಯಾ. 23 ಝೊಪ್ಡಾನಾ ದಕ್ಷಿಣ ದಿಕ್ಕಮಾ ಇಕ್ಹ ಚೌಕಟೊ ಕರ‍್ಯಾ; 24 ಚಾಳಕ್ಹ ರುಪ್ಪಾನಾ ಗದಿಗಿನಾ ದಗ್ಡಾ ಕರಿನ ತೆ ಇಕ್ಹ ಚೌಕಟೊನಾ ಹೆಟಾ ಮ್ಹೆಲ್ಯಾ; ಯಕ್ಕ ಯಕ್ಕ ಚೌಕಟಮಾ ರ‍್ಹಯಲ ಬೆ ಕ್ಹಾಚಾವೊನಾ ಹೆಟು ಯಕ್ಕ ಯಕ್ಕ ಗದಗಿನೊ ದಗ್ಡೊ ಮ್ಹೆಲ್ಯಾ. 25 ತಿಮ್ಮಜ಼ ಝೊಪ್ಡಾನಾ ಉತ್ತರ ದಿಕ್ಕಮಾಬಿ ಇಕ್ಹ ಚೌಕಟೊ 26 ವರಿ ಹರಯಕ್ಕಚೌಕಟನೆ ಬೆ ಬೆ ಗದಗಿನಾ ದಗ್ಡಾವೊಕನ ಚಾಳಕ್ಹ ರುಪ್ಪಾನಾ ಗದಗಿನಾ ದಗ್ಡಾ ಕರ‍್ಯಾ. 27 ಝೊಪ್ಡಾನಾ ಪಾಚಾ ಕದ್ಯಾಮ ಪಶ್ಚಿಮ ದಿಕ್ಕಮಾ ಛೆ ಚೌಕಟೊ ಕರ್ಯಾ. 28 ಝೊಪ್ಡಾನಾ ಪಾಚಾ ಬೆ ಮೂಲಾವೊನೆ ಬಿಜಾ಼ ಬೆ ಚೌಕಟೊ ಕರ್ಯಾ 29 ತೆ ಹೆಟಾತು ತುದಿಲಕ್ಕಾ ಕದ್ಯಾಮ ಪಸ್ಟನಿ ಬಾಂಗ್ಡಿಲಕ್ಕಾ ಜೊಡಸಲ ವ್ಹತ್ತಾ; ತಿಮ್ಮಜ಼ ಬೆ ಮೂಲಾವೊನೆಬಿ ಕರ‍್ಯಾತಾ. 30 ಇಮ್ಮ ಆಟ ಚೌಕಟೊ ವರಿ ಹರಯಕ್ಕ ಚೌಕಟನೆ ಬೆ ಬೆ ರುಪ್ಪನಾ ಗದಗಿನಾ ದಗ್ಡಾ ತೆಕ್ಲಾಬಿ ಕ್ಹೊಳಾ ಗದಗಿನಾ ದಗ್ಡಾ ವ್ಹತ್ತಾ. 31 ಕಾಟಾವೊನಾ ಝಾಡಕ್ಹು ಚಲ್ಕಾ ಕರ‍್ಯಾ. 32 ಝೊಪ್ಡಾನಾ ಭಂಬಿ ಬನಿ ಚೌಕಟೊನೆಬಿ ತಿನಾ ಪಾಚಾ ಕದ್ಯಾಮ ಪಶ್ಚಿಮ ದಿಕ್ಕನಾ ಚೌಕಟೊನೆಬಿ ಪಾಂಚ ಪಾಂಚ ಅಗಳಿಯೊ ಕರ‍್ಯಾ. 33 ಚೌಕಟೊನಾ ವಚ್ಮಾ ರ‍್ಹಯಲ ಅಗಳಿ ಯಕ್ಕ ಮೂಲಾತಿ ವರಿಯಕ್ಕ ಮೂಲಾಲಕ್ಹಾ ಮುಟ್ಟಲ ನಿಂಗತ ಕರ‍್ಯಾತಾ. 34 ತೆ ಚೌಕಟೊನೆ ಕ್ಹೊನಾನಾ ತಗಡೊ ಲಾಗಾಡಿನ ತ್ಯುನಾಮಾ ತೆ ಅಗುಳಿಯೊನಾಹುತಿ ಕ್ಹೊನಾನಾ ಬಾಂಗ್ಡಿಯೊ ಕರ‍್ಯಾ. ತೆ ಅಗುಳಿಯೊನೆ ಕ್ಹೊನಾನಾ ತಗಡೊಕ್ಹು ಲಾಗಾಡ್ಯಾ.

35 ಉಲನನಾ ಫಡ್ಕಾಮಾ ನಿಲಿ ಲಾಲ ಜಾ಼ಮ್ಳನು ಕಲರನಾ ದೊರಾವೊಕ್ಹು ಕೆರುಬಿವಾಲಾವೊನಾ ಯಕ್ಕಪಡ್ದಾಪರ ಡ್ರಾಯಿಂಗ ಪಾಡ್ಯಾ. 36 ತಿನೆ ಕಾಟಾವೊನಾ ಝಾಡಕ್ಹು ಚಾರ ಕ್ಹಂಬಾ ಕರಿನ ಕ್ಹೊನಾನಾ ತಗಡೊ ಲಗಾಡ್ಯಾ; ತ್ಯುನಾಮಾ ಕ್ಹೊನಾನಿಯೊ ಕೊಂಡಿಯೊ ಕರಿನ ಚಾರ ರುಪ್ಪಾನಾ ಗದಗಿನಾ ದಗ್ಡಾ ಲಗಾಡಿನ ಮ್ಹೆಲ್ಯಾ. 37 ಝೊಪ್ಡಾನಾ ಬಾಕಲನೆ ಉಲನನಾ ಫಡ್ಕಾಮಾ ನಿಲಿ ಲಾಲ ಜಾ಼ಮ್ಳನು ಕಲರನಾ ದೊರಾಕ್ಹು ಡ್ರಾಯಿಂಗ ಕಾಡಿನ ಪಡ್ದೊ ಕರ‍್ಯಾ. 38 ತೆ ಪಡ್ದೊ ಜೊತ ಪಾಡಾನಾಹುತಿ ಪಾಂಚ ಕ್ಹಂಬಾ ತಿನಾ ಕೊಂಡಿಯೊ ಕರಿನ ತಿನಾ ಸುತ್ತ ಮುತ್ತ