Acaki 36

Ëkwaë k’Ecau

1 Man ënë ëkwaë k’Ecau (ecwodo thon nï Edom).

2 Ecau önyömö mon mërë kï both jö Kanaan: Ada nyaka Elon n’obedo dhanö më Kit, ëka Okolibama nyaka Ana akwar Jibeon dhanö më Kibi— 3 ën thon önyömö Bacemat nyaka Icimael ëka amïn Nebayot.

4 Ada önywölö n’Ecau Elipaji, Bacemat önywölö Reuel, 5 ëka Okolibama önywölö Jeuc, Jalam ëka Kora. Man awope k’Ecau n’ënywölögï kï ï lobo Kanaan.

6 Ecau otero mon mërë, ëthïnö awope ëka anyira, jö kïbëc më ödë, leeni mërë, ëka jami kïbëc na ën onwongo kï ï lobo Kanaan, cë öcïdhö ködë ï lobo nökënë kï both ömïn mërë Jakob. 7 Pïën jamigï onwongo pol rwök na gïn ba römö bedo kanya acël; lobo n’onwongo gïn bedo ïë onwongo ba römögï pïën leenigï onwongo pol. 8 Cë Ecau (manön, Edom) öcïdhö obedo ï Ceir ï lobo n’otingere malö.

9 Man ënë ëkwaë k’Ecau, kwarö ka jö Edom na bedo gïnï ï lobo n’otingere më Ceir.

10 Man ënë nyïng awope k’Ecau:

Elipaji, wod ka dhakö k’Ecau n’ecwodo nï Ada, ëka Reuel, wod ka dhakö k’Ecau n’ecwodo nï Bacemat.

11 Awope ka Elipaji onwongo obedo:

Teman, Omar, Jepo, Gatam ëka Kenaj.

12 Wod k’Ecau n’ecwodo nï Elipaji, onwongo thon tye kï dhakö nökënë n’ecwodo nï Timna n’önywölö nïnë Amalek. Man onwongo obedo ëkwaë ka dhakö k’Ecau n’ecwodo nï Ada.

13 Awope ka Reuel onwongo obedo:

Nakat, Jera, Camma ëka Mija. Man onwongo obedo ëkwaë ka dhakö k’Ecau n’ecwodo nï Bacemat.

14 Awope ka dhakö k’Ecau n’ecwodo nï Okolibama nyaka Ana akwar Jibeon, na ën önywölö n’Ecau ënë:

Jeuc, Jalam ëka Kora.

15 Man ënë ëkwaë k’Ecau n’obino ödökö gïnï rwodhi:

Awope k’Elipaji n’obedo kaö k’Ecau:

rwoth Teman, rwoth Omar, rwoth Jepo, rwoth Kenaj, 16 rwoth Kora, rwoth Gatam ëka rwoth Amalek. Man onwongo obedo rwodhi n’öya kï both Elipaji kï ï lobo Edom; gïn onwongo obedo ëkwaë ka Ada.

17 Man ënë awope ka Reuel wod k’Ecau:

rwoth Nakat, rwoth Jera, rwoth Camma ëka rwoth Mija. Man ënë onwongo obedo rwodhi n’öya kï both Reuel kï ï lobo më Edom. Gïn onwongo obedo ëkwaë ka dhakö k’Ecau n’ecwodo nï Bacemat.

18 Awope ka dhakö k’Ecau n’ecwodo nï Okolibama:

rwoth Jeuc, rwoth Jalam ëka rwoth Kora. Man ënë onwongo obedo rwodhi n’öya kï both dhakö k’Ecau Okolibama nyaka Ana.

19 Man ënë onwongo obedo awope k’Ecau (manön, Edom) ëka man ënë onwongo obedo rwodhigï.

20 Man ënë onwongo obedo awope ka Ceir dhanö më Kori, n’onwongo bedo gïnï ï lobo nön:

Lotan, Cobal, Jibeon, Ana, 21 Dicon, Ejer ëka Dican. Man ënë onwongo obedo rwodhi ka jö Kori, ëkwaë ka Ceir më lobo Edom.

22 Awope ka Lotan onwongo obedo:

Kori ëka Emam. Timna onwongo obedo amïn Lotan.

23 Man ënë onwongo obedo awope ka Cobal:

Alban, Manaat, Ebal, Cepo ëka Onam.

24 Man ënë onwongo awope ka Jibeon:

Aia ëka Ana. Man Ana n’obino onwongo pii na lyeth kï ï thim ï karë na ën tye ka kwaö kene k’apap mërë Jibeon.

25 Man ënë onwongo ëthïnö ka Ana:

Dicon ëka Okolibama nyaka Ana.

26 Man ënë onwongo obedo awope ka Dicon:

Kemdan, Eciban, Itran ëka Keran.

27 Man ënë onwongo obedo awope ka Ejer:

Bilan, Jaaban ëka Akan.

28 Man ënë onwongo obedo awope ka Dican:

Uj ëka Aran.

29 Man ënë onwongo obedo rwodhi ka jö Kori:

rwoth Lotan, rwoth Cobal, rwoth Jibeon, rwoth Ana, 30 rwoth Dicon, rwoth Ejer, ëka rwoth Dican. Man ënë onwongo obedo rwodhi ka jö Kori, na lübërë kï kite na kakagï tye ködë ï lobo Ceir.

Rwoth më Edom

31 Man ënë rwodhi n’ölöö gïnï löc ï lobo më Edom na bara rwoth mörö më Icarael ölöö löc.

32 Bela wod ka Beor obino ödökö rwoth më Edom. Pacö mërë ebino ëcakö nyïngë Dinkaba.

33 Ï karë na Bela öthöö, Jobab wod ka Jera n’öya kï ï Bojra oleo ka tyënë na calö rwoth.

34 Ï karë na Jobab öthöö, Kucam n’öya kï ï lobo ka jö Teman oleo ka tyënë na calö rwoth.

35 Ï karë na Kucam öthöö, Kadad wod ka Bedad, n’ölöö Midian ï lobo më Moab, obino oleo ka tyënë na calö rwoth. Pacö mërë ebino ëcakö nyïngë Abit.

36 Ï karë na Kadad öthöö, Camla n’öya kï ï Macireka oleo ka tyënë na calö rwoth.

37 Ï karë na Camla öthöö, Caul n’öya kï ï Rekobot na tye ï dhö kulo më Euparate oleo ka tyënë na calö rwoth.

38 Ï karë na Caul öthöö, Baal Kanan wod ka Akbor oleo ka tyënë na calö rwoth.

39 Ï karë na Baal Kanan wod ka Akbor öthöö, Kadad oleo ka tyënë na calö rwoth. Pacö mërë ebino ëcakö nyïngë Pau, ëka nyïng dhakö mërë onwongo ecwodo nï Meketabel nyaka Matred, nyaka Mejaab.

40 Man ënë rwodhi n’öya kï both Ecau, kï nyïng-gï, na lübërë kï kakagï ëka lobogï:

rwoth Timna, rwoth Alba, rwoth Jetet, 41 rwoth Okolibama, rwoth Ela, rwoth Pinon, 42 rwoth Kenaj, rwoth Teman, rwoth Mibjar, 43 rwoth Magdiel ëka rwoth Iram. Man ënë onwongo obedo rwodhi më Edom, na lübërë kï kite na gïn obedo ködë ï lobo n’obedo mëgï.

Man ënë Ecau akwar jö Edom.