20 Kinge abwal pii, Noa obino ödökö apur ëka opuro pwodho ölök. 21 Ï nïnö mörö acël ën ömadhö köngö ölök cë ömër ökö, ëka obuto kotula ï öd këma mërë. 22 Ï karë na Kam, apap ka Kanaan, önënö apap mërë na tye kotula, ën öcïdhö okobo both omego mërë n’onwongo tye gïnï yökö. 23 Cë Cem ëka Yapec otero gïnï böngü cüka n’otingo ï wi baagï, cë öcakö woth gïnï ayongec, ëka oumo gïnï kom apapgï n’onwongo tye kotula. Terinyimgï onwongo nënö yo kanya path, naka ba dök önënö gïnï kom apapgï n’onwongo tye kotula. 24 Ï karë na Noa oco kï ï wang nïnö na köngö ölök dong othum ökö kï ï wie, cë opo ï kom gin na wode na tïdï ötïmö ï kome, 25 ën okobo nï,
"Cen obed ï kom Kanaan!
Ën obed opii na rwöm mërë tïdï
ï kin opii k’omego mërë."