33 Mu tooni imiinu, bo baabiingili matsi ma batumi, bo baasalili butsiitsa, na baayaki bi Nzambi haasiidi lahi. Bo baadibuhi minywa mi bakosi11.33 Bnz 14.6; 1Sa 17.34; Dan 6.23. 34 Bo baadimisi mambaahu ma mifudi, baafuuhi mu lipfu la sabila. Hu mbisa bubeedu, bo baabahi mifudi; bo baamonihili balwani ba tsisu hutso midiingu na baabingisi makonge ma balwani ma byenyi. 35 Bakaasu baamoni bamvumbi ba bo mu usuuha mu babaakwa11.35 Dan 6.
Baanyongisi bakima mu iteesi hi lipfu. Bo baabisi ti bafuuhasa bo, mana bo basuuha mu babaakwa na babaha idiingu hi hyalutahala bubwe. 36 Bakima kaka baakuundi mukwede na bikooti, bamosi baahadi mapaanga na baabwahi bo mu kondaayi. 37 Bamosi baadubi mu mamanya, bakima baatabuli mu bitudu byole mu bikwakwa, buuve baadubi mu sabila. Bakima kaka baakayene mutele-mutele, baalwata bikutu bi baatuunga mu bibaanda bi mandombo, buuve bi bataba. Hutso buyaha, baakatsuta na baakakwamisa bo11.37 1Pf 22.26-27; 2Mi 18.25-26; Yel 20.2; 37.15. 38 Tsi a yaaba a yaahwama na baatu mo baana ve! Bo baakayene mutele-mutele mu makumu ma nzala na mu yulu bisyelo. Bo baakatsahala mutso mirali, na mutso biyuna bya mu toto.
39 Nzambi asilisi baatu mo baana boosi mu tooni imiinu hya bo. Ka bo a baayaki bi Nzambi haasiidi bo lahi ve.