6 Ka bunuubu, Yisu li mu usa isalu hi hyalutahala isalu hi bangaanga ba Nzambi. Mu tooni ati, nde ni sabu la nzuhisini yi yaalutahala bubwe, yi yaatsahala ŋa yulu malahi ma maalutahala bubwe.
7 Tso mbuli nzuhisini8.7 nzuhisini Ni nzuhisini yi baasiidi hu Sinayi. yatsomi a yaaba na ipiha ve, a hwakiiba na tsoongo mu ukiisa yo mu ya moole ve. 8 Ka Nzambi li mu usyembe baatu ba nde na uleele:
«Mu bilumbu bi byuya hu busu, huleeli Pfumu,
me ukuta nzuhisini yi nyatihi
na bisu Isereli, na bisu Yuda.
9 Yo a yuuba we nzuhisini yi me akuti na bakaaha ba bo ve,
mu ilumbu hi me apalisi bo, mu tsi a Ngipiti mu hooho hwa me.
Bo a baabeedi ngetetee mu nzuhisini mo yiina ve,
Ni mu buuna, me apelimbwemonele bo lingebe, buleeli Pfumu.
10 Ka mono buni nzuhisini yi me ukuta na bisu Isereli yuuba,
hu mbisa bilumbu mo biina buleeli Pfumu:
Me utsonehe matumili ma me mutso matsimi ma bo,
me ukiratana mo mutso mitima mya bo:
me umba Nzambi a bo, na bo buuba baatu ba me!
11 Muutu tso mumosi a huubwebila ulongese wuna, buuve mwana a ngu a nde ve,
na uleele: "Yaaba Pfumu!"
Mu tooni ati, boosi buuyaaba me,
umata wu afulala bukenyi,
natee wu afulala bukuutu.
12 Me utsa kolo-kolo mu ma mabi ma bo,
na me a humbwenzibuhala moonyi mu masumu ma bo ve8.12 Yel 31.31-34.»
13 Bu Nzambi haayambili mu nzuhisini yi nyatihi, nde miikitusa yatsomi yiba yi kulu. Ka hi ikulu na hi himiinuna, byaka bebele mu udimbala.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)