11 Ka Kristo amonihili na biita li mukuutu bangaanga ba Nzambi, wu mabwe moosi maamiimonehele. Nde akoti hutso a nzo a ngooto yi yaalutahala tsoongo na usupaha, yi baaveletuunga mu myoho mya baatu, buuve yi yaavele ya tsi mo yiniiyi. 12 Ŋa Kristo haakoti ndulu koto limosi nzyeni hu mbuha yi yaafulala bungidi, nde a haayehuli makila ma balumi ba bataba, na ma balumi ba bangombe9.12 makila ma balumi ba bataba, na ma balumi ba bangombe makila ma balumi ba bataba na ma baana ba bangombe (Lev 16.18). ve. Ka nde makila ma nde mwakulu haayehuli, na nde ayobili bisu mu masumu ma bisu mu bilima na bilima. 13 Makila ma balumi ba bataba na ma balumi ba bangombe, na mufutu wa mwana a ngombe wu baakudasa9.13 Lev 16.14-16; Mat 19.9,17-19, bi bubaapuupala ŋa yulu a baatu ba baasumaha, bibaatsyemese bo mu masumu ma bo. 14 Ka umono ti ni buuna, na ki pila mifudi mi myafulala, makila ma Kristo muubweba! Mu Livupu li bilima na bilima li laakasala mu nde, Kristo ayehuli nde mwakulu huli Nzambi hwavele ipiha, we bungodu bu bwasupaha. Makila ma nde muutsyemese matsimi ma bisu mu mavaanga ma mabi, mana bisu a benu likuundaani Nzambi a moonyi.
Publicidade