Usobo mbiili na ukangama mu Nzambi
1 Mu taangu mo yiina, baatu baayayabisa Yisu buni mutumi Pilaato hatumi uduba bisu Ngalili bamosi ba baakatsuhala Nzambi bungodu. 2 Yisu ni ufutala bo bu: «Benu litsimi ti bisu Ngalili mo baana aba baaluta bisu Ngalili boosi mu masumu, mu ubwana na tsundusu yi lipfu ya pila yina? 3 Naana, me ndeele benu! Ka livelesobo mbiili, benu ka sa likwa we bo. 4 Buuve kuumi poombo la baatu ba baakwidi ŋa ibaanga hinene hya Silowa hyahudihi bo. Benu litsimi ti bubi bwa bo bwaba bwaluta bwa baatu ba musyenge a Yeruselemi? 5 Naana, me ndeele benu! Ka benu livelesobo mbiili, benu ka sa likwa boosi we bo.»