Bisina na Ipfumu hya Nzambi
18 Mumosi mu bakuutu ba Bayudaayo afuuli Yisu: «Mulongisi wu mubwe, hima me apfwana usa, mana Nzambi ava me moonyi wu bilima na bilima?» 22 Bu Yisu hayuhi maana, nde aleeli: «Hyamiivele huli we isiha imosi: sumbasa byosi bi we li na byo, kaba kaluha a fwanda huli biyaha. Vanga buuna, we ubaha busina bwa hu mayulu. Titswene yaanga na duukala me.» 23 Bu muutu mo wunuuwu hayuhi mambu mo maana, nde akoti mu lingebe mu tooni ati, nde aba isina hiinene. 24 Yisu amono ti nde ka mu lingebe, nde aleeli: «Huli na pasi yindahi huli bisina mu ukoto mu Ipfumu hya Nzambi! 25 Hwaleenge huli buuru nga irunga mu uvyoho ŋa vulu la tsongi. Ka hwafula pasi huli isina mu ukoto mu Ipfumu hya Nzambi.» 26 Ba baakayuha nde, baaleeli: «A li buni! Ka na utwala uyoboho?» 27 Yisu akaali: «Mambu ma baatu bu ukondo, Nzambi ubaatwala.»