Lucas 19

Zakaayi miyaka Yisu hu nzo a nde

1 Yisu akoti mu musyenge a Yeriko na ataangili nde. 2 Huuna hwaba na bahala limosi la nduhi a Zakaayi. Nde aba mukuutu bakambi baa limandu na nde aba isina. 3 Nde akasaha umono Yisu, ka nde a hakatwala ve mu tooni a konge a baatu. Zakaayi aba mukusi. 4 Nde ayeni tiinu hu busu, na avati hu yulu muti wa sikomore mana nde amono Yisu wu akavyohele ŋana.

5 Bu Yisu hatoodi ŋa mbuha mo yiina, nde asuuli miisu na aleeli nde: «Zakaayi, sutaha mawasa! Loloyi me apfwana uba hu nzo a we.» 6 Zakaayi asutihi mu mawasa na ayaki nde na kinya yoosi. 7 Baatu bamono buuna, boosi baakaŋono na baakaleele: «Muutu mo wunuuwu miyabala mupaaku huli wu asumaha.» 8 Ka Zakaayi, mu tele, ŋa busu bwa Pfumu, ni uleele nde: «Pfumu! Me tsapa ibadi hi busina bwa me huli biyaha. Tso me apolo mbongo yindahi huli muutu ŋa me akakamba limandu, me tsapfutala nde byetso bina ŋa yulu a bi me apoli.» 9 Yisu aleeli nde: «Loloyi Nzambi miiyobolo baatu babali mu nzo moyi, mu tooni ati muutu mo wunuuwu ka li wu imbisa hya Abrahami. 10 Eye, Mwana a muutu aya mu usaha na uyobolo ba baadimbala.»