Yisu apfuuti nzila na bayihi boole ba baakayene hu bula bwa Emawusi
13 Ilumbu mo hina, bayihi boole baakayene hu bula bumosi nduhi Emawusi. Taha mu uto hu musyenge a Yeruselemi, mangunga moole mu dwe la miilu. 15 Bu bo baakalelesene na baakatsotso mambu mo, Yisu nde mwakulu ayidi bebele na bo na apfuuti nzila na bo. 16 Bo baakamono nde, ka Nzambi asi bo muyungu ti bo baveledihula nde.
30 Nde atsahili ŋa metse na bo, nde avoli lipa, asambili na asyemi lo. Titswene nde abukili lo na aviidi bo lo. 31 Buuna, miisu ma bo maadibumi na bo baadihuli Yisu. Ka nde adimbili ŋa busu bwa bo. 32 Na bo baalelisini: «Bisu laamono kinya we mbaahu hutso mitima mya bisu, ŋa nde akayambilanga na bisu mu nzila yoosi. Bisu laamono ka kinya ŋa nde akabindulanga bisu Mabasonehe ma Ngidi.»