João 12

Ato Urushalima a Cheu Yesu

12 Na bungo o bunge udubu one o kore bigenje, taba hoge Yesu e on kore Urushalima. 13 Pa ab a hyangi huma a eʻo shewa a sher zwam a sumbuga Yesu, a be dandaga bigwaba a be zwammagaa, << A dande Onhon! Yibura e tabachi wo bone bo on kore na reze re Botʻbutuwaga, Onhon o tane bugwam bo ato Israila!>>.

14 Na Yesu e hi azhanke a mai pa eb e hyane, ta ob oyo herange,

15 Eta hoga ryansa, Gab shepo o Sihiyona,

Bugwam na buhi a bona kore,

Bu on kore zaat o a ragasu azhanke.>>.

16 Na Jigu, aswabo a bone Yesu a daki iri ni ba, Ama na yesa owaba dando ek, pa ato ani ama butare nezwama shetak she taaje Onhon she zwam nani na reto re eb nani henda ab shagi ek.

17 Na udubu one o yo pane pa Yesu e ogage Li’azaru e sher na so u’uyi, e anshiga ek bando ana a owagi, ab a raga zwammagaa kuchi ne e ab shi. 18 Obo sa udubu o ato okore o sumbuga ek zwam a hoge e shiu yiya hyani ani. 19 Pa Parisiyawa ama zwama hato haba, <<Hyananji! Aza ene e gatu pwasi! Ai, ato duniya kuchi a yo na yensa o eb.>>.