Matu 16

Yist wu Áwáfaris wa Áwásadus

5 Dédēwaa wa lò kyānú yii núkù bà zyɛ̄ lá, áwátu lò mòmú wàlò bredi. 6 Yesu zɛ̀ yí’wa la, <<Ni pà di’ni, mazyi ni kó di’ni yiishina yist àwu Áwáfaris wa Áwásadus.>> 7 Wa fá mamá lá wa vyāshé wa di’wa la,<<Yiishina i be wa bredi zukponu yɔ̀ lá.>> 8 Yesu yì wú waa wa hwoi zɛ̀ lá, yimamala u mbye’wa shé la,<<Áyɛ̄ sá waa ni hwoi vyāshé wa di’ni la, ni ba bredi yɔ̀ ní? Ázyíbyɛ̀ wàzōòzō wàni waa ni bā ní! 9 Ni yìkyà ló yɔ̀? Ni kyé bredi ichɔ waa m yí panku idipaichɔndoide kwazɔ̄ ichɔ zyī lá yɔ̀, atikishɛ yi puna waa ni hwo kwazɔ̄ ní? 10 Kwɛɛ bredi isumpyɛ̀ waa panku idipaichɔndoide kwazɔ̄ ini zyī lá yìh, atikishɛ yi puna waa ni kà lò hwo mwɛ̀ kwazɔ̄ ní? 11 Áyɛ̄ sá waa ni hwoi yìkyà yɔ̀ ma hwoi wya sáyìna m ngyi zɛ̀ zyí bredi wàni ní? M zɛ̀ la, ni kó di’ni yiishina yist wu Áwáfaris wa Áwásadus.>> 12 Yiibeli áwátu hwo yìkyà la, u yi bwà’wa vo mazyi wá kó diwa wa yist wàsá buredi ni yɔ̀, dedee ishina wàkó diwa wa wúwàtàtà àwu Áwáfaris wa Áwásadus.