Mateus 17

Yesu lò di’a zá

1 Yii niki ishinzyi, Yesu lò Bitrus lò wa’u, wa Yakubu wa Yohana ngoyī Yakubu ma lò’wa lò ya dɔdɔ yii ishina gā, wa hwoi beli tànwú’wa. 2 Yiibeli u lò zu pàzu kɛkɛ yii pyɛ̀’wa. Azú’a lò nyànyà sáyìna nyunu, átúkpá’a lò mombo sáyìna beyá. 3 Yiibebeli áwátu’a isa hwoila wya Musa wa Iliya hwoi vyāshé wa Yesu. 4 Yimamala Bitrus zɛ̀ yí Yesu la, <<Adandō, u sàsà waa i hwoi maa lá, nyunu waa u ma vyā’odì ní, m ngyi dá dáwà isa, zu, wuo, zu wu Musa, zu wu Iliya.>> 5 U yii fu zyí wàzɛ̀zɛ̀, ábèhwa wànghálá-nghálá tòli be’wa, ahuna zyí yiifu bèhwā lá yi zɛ̀ la, <<Ango’m gbaa yiinì, ándó waa m ngyi shó lá; m fá vyā’a lò kādɔ. Ni fá zyí’a!