Mateus 20

Wándó wàhwoi sá kolo yiifu dā

1 << <Àchɔ̀wàsáàsá wàyii dɔ lá yi mamá. Nyunu zu àwàsendo zumyɛ pupunɔ mazyi ú hwo wándó sákolo àwu banji wàsá’u kolo yiifu dā’a. 2 U zɛ̀ndɛ̀ wàhwā’wa tɔ̄ banji waa wa hwoi hāwātɔ̄ àwu nyunu zukponu lá, ma lò’wa sù ya hwoi sá’u kolo yiifu dā’a.

3 Dédēwaa shɔ́ isùngyɔ̀ sá lá, u zumyɛ ma dò wándó wanati sā hwoi ti hwoi sá wuzukponu yɔ̀. 4 Andó dā zɛ̀ yí wa la,< Awuni dedee ni ya dā’m mazyi ni sá kolo, m ngyi hwa’nitɔ wàsàsà. > 5 Yimamala wa lò ya.

<< Andó kà mbya’a zumyɛ nyitò wa shɔ́ isā, ma hwo wándó kolo. 6 Gbógbó shɔ́ ichɔ̄ wànyizɔ u kà mbyā wàzumyɛ ma wya panku sā hwoili. U mbye’wa shé la, < Áyɛ̄ sá wa ni sā hwoili kyaakya hwoi sá wuzukponu yɔ̀ ní?>

7 Wa zɛ̀ yí’u la, << Yiishina pazukponu yí’i kolo yɔ̀ lá,>

<<U zɛ̀ yí’wa la, < Áwuni dedee ni ya sá kolo yii dā’m.>

8 << Dédēwaa nyunu lò kwò la, ándó wàbā dā lá zɛ̀ yí ápà wàyi jā’uzú yii dā lá la, <Bá wándó sákolo ndɛ̀ mazyi ú hwa’watɔ̄ banji’wa, hwātɔ̄ zu ishina wándó kɛɛkɛ lá bē ishina wándó wàkɛ́pyɛ̀.>

9 <<Áwándó sá kolo waa wa lò’wa yiifu àshɔ́ ichɔ̄ lá ánɔ́nɔ̄ be pà banji kolo àwu nyunu zukpo. 10 Yimamala dédēwaa áwándó waa wa lò’wa kolo kɛ́pyɛ̀ lò be lá, wa lò nwú sā ni la, wa hwoi pà banji wàbuu. Dedee, abanji’wa kà yi zunkponu wa wándó waa wa hwo wa kɛɛkɛ lá. 11 Dédēwaa wā lò banji pà lá, wa nwínwí yii niki wàsendo’wa. 12 < Ápà hwoila waa wa hwō’wa kɛɛ̀kɛ lá, sá kolo àwu shɔ́ zukponu kɛ̀ló,> wa zɛ̀ la, <o hwa’watɔ̄ kà gyegye wa’i, áwui wàtò betò sá kolo wa bàpyù yii nyunu kwò nyunu lá.>

13 U zɛ̀ yí pà zu yiifu áwándó sá kolo lá la, << Abugɛ’m, m gba zyī bētò’o yɔ̀. Abanji kolo wu nyunu waa o zɛ̀ndɛ̀ lá waa m hwā’otɔ̄ ní yɔ̀? 14 Pà banji’o mazyi ó ya’o. M shó wàhwā ndó waa m kōlò’u kɛ̄ɛ̀kɛ̄ lá gyēgyē wa wuo. 15 M ba gba wa sá wú waa nwú m shó wa banji m yɔ̀? Kwɛɛ o yi sápa wa m yishina m ba nwú wa sásɔ̀ la?>

16 << Yimamala, wàkɛɛkɛ lò kā wàkɛ́pyɛ, wàkɛ́pyɛ̀ lò kà wàkɛɛkɛ.>>