Mateus 5

Áwútàtà Yesu ishina Wàshó Wàzé

43 <<Ni kàpyɛ̀ fá Shidɔ zɛ̀ yí panku ndii la, <Ni shó áwábugɛ’ni mazyi ni zé áwáwàzé’ni.> 44 Dedee tàma m ngyi zɛ̀ yí’ni la, ni shó áwáwàzé’ni mazyi ni jāndɛ̀ wè wándó wàhwoi tà’ni fyì lá, 45 mazyi ni hwo kà ázyē Ada’ni wàyii dɔ lá. Dizyi u yí nyunu’a yi vyì ya dɔ yiishina ápanku wàbɛbɛ wa ápanku wàsàsà, ma yí fyù yi tā yí wándó sá wúwàsàsà wa wándó sá wúwàbɛbɛ. 46 Nyunuwaa ni ma shó ákèké wándó wàshó’ni lá ní, Shidɔ yi hwa’ni tɔ̄ mamánī ní? Kwā wándó pà gbā hwoi sá mamá. 47 Nyunuwaa ni ma hwoi tá mamgba wa ákèké áwábugɛ’ni ní, ni sá wúzu kɛ̄kɛ̄ wa yiiyi waa wa hwoi sá gbɛ̀n lá mánì? Kwā áwándó wá wúhwɔ̀ hwoi sá mamá. 48 U lò kà kɛ́n mazyi ni lò kà ápanku wàgyīlà sáyìna yiiyi waa Ada’ni wàyii dɔ gyīlà lá!