1 Sɛwan na kanna xa,

naxan mi muxu ɲaxine maxadi xuine suxuma,

naxan mi birama yulubitɔne kiraan fɔxɔ ra,

naxan mi a sama magele tiine fari.

2 Na kanna sɛwama nɛn

Alatalaa sariyan suxudeni,

a a xaxili lu Alaa sariyan xɔn kɔɛɛn nun yanyin na.

3 A sabatima nɛn

alo wudi binla naxan xude dɛni,

a bogima nɛn a waxatini,

a dɛɛne mi xarɛ.

Na kanna na fefe suxu,

a sɔnɔyama nɛn a xa.

4 Koni muxu ɲaxine mi na kiini mumɛ,

e luxi nɛn

alo foyen se dagin naxan xalima.

5 Nanara, muxu ɲaxine yalagima nɛn kiti sa waxatini,

yulubitɔne mi tiyɛ tinxin muxune yɛ.

6 Alatala a ɲɔxɔ luma nɛn tinxin muxune xɔn,

koni muxu ɲaxine kiraan sigama gbalon nin.