Yaburin Sora 87

Siyane birin yigin Yerusalɛn nin

1 Koraa diine tantun bɛtina. Sigi sariɲanxina.

Ala bata a taan ti Geya Sariɲanxin fari.

2 Siyon taan nafan Alatala ma

Yaxuba bɔnsɔnna taane birin xa.

3 Muxune Alaa taan matɔxɔma han!

Bɛti xuini te.

4 Ala naxa,

"N Misiran kaane nun Babilɔn kaane sama nɛn

n kolon muxune fari e nun Filisiti kaane

nun Tire kaane nun Kusi kaane."

N yi a fala, n naxa,

"Itoe fan barixi Siyon taan nin."

5 E a falama nɛn Siyon taan ma

fa fala siyani itoe fan barixi mɛnna nin,

Kore Xɔnna Ala yɛtɛɛn yi a rasabati.

6 Alatala na siyane xinle sɛbɛ,

a a falama nɛn ndee ma, a naxa,

"Itoe fan barixi Siyon taan nin."

Bɛti xuini te.

7 E bodonma nɛn, e bɛtin ba.

E naxa, "Nxu yigin birin i tan nin."