1 Tantunna Ala xa!

Ɛ tan Alatalaa walikɛne,

ɛ a matɔxɔ,

ɛ Alatala xinla matɔxɔ!

2 Alatala xinla xa tantun

fɔlɔ iki ma han habadan!

3 Sa fɔlɔ sogeteden mabinna ma

han sa dɔxɔ sogegododen binna ra,

birin xa Alatala xinla matɔxɔ.

4 Alatala nan siyane birin xun na.

A binyen tema han kore xɔnna.

5 Nde luxi alo Alatala,

a tan naxan dɔxi ariyanna yi,

6 a tan naxan a yigodoma,

a kore xɔnna nun bɔxɔ xɔnna mato?

7 A sɛnbɛtarene rakelima,

a tɔrɔ muxune ba e tɔrɔni.

8 A yi e radɔxɔ muxu gbeene fɛma a yamani.

9 A gbantan findi dii barin na,

a yi a findi dii nga sɛwaxin na.

Tantunna Alatala xa!