Yaburin Sora 110

Alaa manga sugandixina

1 Dawudaa bɛtina.

Alatalaa falan ni ito ra n marigin xa,

a naxa, "Dɔxɔ n yiifanna ma,

han n yi i yaxune sa i sanna bun ma."

2 Alatala xa i ya mangayaan sɛnbɛn gbo ayi

fɔlɔ Siyon ma,

i yi i yaxune nɔ i rabilinni.

3 I na i ya ganla xili,

i ya yamana a sɔbɛ soma nɛn.

I ya banxulanne yi fa i ma xunna kenla nun sariɲanni

alo xiila subaxani.

4 Alatala bata a kɔlɔ,

a mi a xuiin maxɛtɛma, a naxa,

"Saraxaraliin nan i ra habadan,

alo Mɛlikisedeki yi kii naxan yi."

5 Marigina i xɔn.

Xa a xɔlɔ lɔxɔn naxan yi,

a mangane halagima nɛn.

6 A siyane makitima nɛn,

binbine yi lu yiren birin yi.

A dunuɲa mangane birin nɔma nɛn.

7 Mangana a minma nɛn xudeni kira yi,

a xunna keli.