1 Ala Batu Banxi yisiga bɛtina.

Alatala, n bata n xui ramini i ma tɔrɔni.

2 Marigina, n xuiin namɛ,

i yi i tuli mati n ma maxandi xuiin na.

3 Alatala, xa i nxu suxu nxu hakɛne ra,

Marigina, nde luma a yalagitaren na?

4 Koni i tan nan nxu mafeluma nxu hakɛne ra,

nxu yi gaxu i yɛɛ ra.

5 N yengi saxi Alatala nan ma,

n niin taxuxi a ra,

n xaxili tixi a falan nan na.

6 N yengi tixi Marigin na

alo taa kantanne yengi kuye yibaan ma kii naxan yi.

7 Isirayila, i yengi ti Alatala ra,

amasɔtɔ a hinan, a nɔɛ i xunbɛ nɛn.

8 A tan nan Isirayila rakisima a hakɛn birin ma.