Salmos 32

Yulubi xafari fena

1 Dawudaa fala ɲaxumɛna.

Sɛwan na kanna xa

naxan ma matandine bata mafelu

naxan yulubine bata xafari.

2 Sɛwan na adaman xa

Alatala bata diɲa naxan hakɛn ma

e nun mayifu mi naxan yi.

3 N to munma yi n ti n hakɛne ra nun,

fɛriɲɛn gbɛn kutunne yi n nayelefuma.

4 I ya tɔrɔn yi n fari kɔɛɛn nun yanyin na.

Fangan yi ɲan n na

a liga alo n tonbon yiren nin.

Bɛti xuini te.

5 Awa, n yi n ti n yulubine ra i xa.

N mi n ma hakɛ yo luxun i ma.

N naxa, "N na n tima nɛn

n ma matandine ra Alatala xa."

Awa, i yi n hakɛne nun yulubine birin ba n ma.

Bɛti xuini te.

6 Nanara, muxu tɔgɔndiyaxine birin xa i mafan a waxatini,

alogo fufaan na fa,

a nama e li.