1 Guye loo ɠundiɠii nɔnɔi ʋe. Kolé mavofodaiti ta-wuyei. Too ʋelei ɠaaɓaingai.

1 Zɔi é zeini, nii é Anii-Pɛ-Unda, naa ná-dooɠo bosuʋɛ,

naa ɠa looɠosu Zɛbɛi-Pɛ-Maliɠii ná-niinigi wu.

2 Gè ɠɛ ma: «Ɠɔoɠɔ GALAGI, ɗa ɠa è ga dɔ̀ɔɠuzuʋɛ, ta nà-siɠigi,

nà-GALAGI nii gè ɠalivaai ma!»

3 Ungo, tɔ ɠa é è unmɔɔsu, é è ɠula balii ɠa tɛai è luɠɔ,

ta ɗɔfɔ zeeɓɛi, ta ná-faa zuɠoloɠologiti.

4 Toɠa è maalɔɔɠu koʋegiti bu, ɗa lɔɔɠu kpeɠabuʋɛ,

ná-gaamai ɠa ga kɔɔɠɔ zɛpɛgi, kɔɔɠɔ zɔɔlai é è makɛsu.

1 Guye loo ɠundiɠii nɔnɔi ʋe. Ɠɔoɠɔ GALAGI ná-botiɠɛ nui Davide ná-guyei. É niima wuyei looni Ɠɔoɠɔ GALAGI ʋɛ, siɛgi zu naa unmɔɔni da, é kula sili nuiti kpein zeezu, ma un ge la ma mɛɛ ga Sayile.

2 É ɠɛni ma: «È nɛɛʋɛ bɛ̀, Ɠɔoɠɔ GALAGI, nà-zobogi!

3 «Ɠɔoɠɔ GALAGI ɠa ga nà-fasai, nà-siɠigi, ùnmɔɔ nui,

nà-GALAGI, nà-fasai, ʋɛ gè lɔɔɠuzu ná,

nà-kɔɔɠɔ zɛpɛgi, zobogi nii é kìzosu, nà-siɠi gaaɠoozagi!

1 Davide ná-guyei.

Ee, GALA, màkɛ! Mazɔlɔɔ nà lɔɔɠuzu è ʋɔ bɛ.

1 Davide ná-guyei.

Ɠɔoɠɔ GALAGI ɠa é ga nà-wozakalagi, ta nà-kizogi.

Ɓɛ ɠa nà lua ba?

Ɠɔoɠɔ GALAGI ɠa é ga zɛ̀nvui makɛ nui.

Ɓɛ ɠa nà inɛinɛ ba?

2 Siɛgi zu niiti ti faa ɲɔi ɠɛɛzu,

ti maaɓuɠazu la bà, ga ti kpùsɛi mi,

wɔ̀inzeɠe nuiti ta sìli nuiti,

tiya ɠa naazu, ti-ɠɔɠɔi ziɠazu, ti loo.

3 Ni kɔɔɠɔ nua ta wuzeɠena dàalɔɠɔma,

gè la lua zìimaʋɛ ga tago ɓalaa,

ni kɔɔ a wuzeɠena dàalɔɠɔma,

anɛɛ naa ʋe, dàavegɛ ga kitogi.

1 Guye loo ɠundiɠii nɔnɔi ʋe. Davide ná-guyei.

2 Ee, Ɠɔoɠɔ GALAGI, ɗa ɠa gè lɔɔɠuzu è ʋoluʋɛ,

màkɛ eyɛsu pɛ, gè mina lɔ unfegi zu!

Ùnmɔɔ ɗa-lelebodai zu!

3 Woilo gòoi ma, zuvilɛ è ùnmɔɔ!

Ɠɛ bɛ̀ ga dɔɔɠuzu vasai, ta siɠigi, nii a kɛ gè ɠizo!

4 Mazɔlɔɔ ɗa ɠa è ga nà-fasai, ta nà-siɠigi,

è-laaseigi lɛbi vai ma, ɗa lo tùɠɔ, è ɓɔ bà.

5 Ɗa kùla tumɔi zu, nii ti seiɗai tùɠɔ,

mazɔlɔɔ ɗa ɠa è ga siɠigi é màkɛsu.

3 Ɠɛ bɛ̀ ga fasai, nii é bɛ̀ ga dɔ̀ɔɠuzuʋɛ,

è devei veeni zèa, ga gè ʋa ná yeenɔpɛ, nii a kɛ gè ɠizo,

mazɔlɔɔ ɗa ɠa è ga nà-fasai ta nà-siɠigi.

8 Fizɔgɛ nu Ɠɔoɠɔ GALAGI ɠɛ ga lɔɔɠuzuʋɛ,

aisa nu ʋa li ɠalivaazu nui ma.

9 Fizɔgɛ nu Ɠɔoɠɔ GALAGI ɠɛ ga lɔɔɠuzuʋɛ,

aisa nu ʋa li ɠalivaazu seizumaanɛgiti ma.

5 Ti deveiti boga ga ti too, ti kula tosu wolai.

Zɛɛi nɛɛʋɛ ti ʋɛ,

ta tuyai loozu ga ti-laaʋɛ,

ti ɗa foovooi loo ti-ɠoozuʋɛ.

Lo!

6 GALA gila kpegi ʋɔ bɛ ɠa nà ziilɛigi zɔlɔɔ ná,

mazɔlɔɔ tɔ ɠa é ga nà-kitogi.

7 Tɔ ɠila kpegi ɠa é bɛ̀ ga fasai ta kizogi,

nà-siɠigi, gè la ɓunɛga pɛ.

8 Nà-kizogi, nà-lɛbiyai, ti kpein sɛlɛgɛ GALA ba.

Nà-fasai é màkɛsu, dɔ̀ɔɠuzuʋɛ, toɠa ga GALA.

17 Nɔ̀un nà, nà è-zɛbɛi maawuye,

sobui, gè ɗa-wooɠɛɠiladai maamusɛ.

Mazɔlɔɔ ɗa bɛ̀ ga siɠigi,

ʋɛ gè lɔɔɠuzu ná kidaaʋili foloi.

1 GALA nui Moize, ná-GALA falii.

Maliɠii, è ʋɔ bɛ ɠa ná ɠɛni ga gi-zeizuʋɛ,

yeeɠɛɠalaiti pɛ su.

2 Aisa gizeiti ti ʋa zɔlɔɔ,

è ʋa zooi ta eteai ɓɛtɛ,

ɗa ga GALA, ɠɔoɠɔ.

9 Tɔ ɠa é zeini eteai unda ga telebodai,

é ɗa ziiti pɛ tukpɔɠaaleʋe ga sɔledai.

10 Ɠɔoɠɔ GALAGI ɠɛ ga siɠigi maanɔɠɔ nui ʋɛ kae,

é ɠɛ bɛ ga siɠigi kidaaʋili siɛgi zu.

7 Ɗa-lelebodai ɠaaɠoozaʋɛ, eɠɛʋelei gize ɠaaɠoozagiti ti la,

ɗa-leveiti kpoma ɠoozaʋɛ, eɠɛʋelei kpoloɗɛiti buuzeiɗai la,

ee, Ɠɔoɠɔ GALAGI, ɗa ɓaazu nuiti maazu ta suaiti.

7 Ɠɔoɠɔ GALAGI ʋagɛ,

toɠa ga nu lɔɔɠuzu kidaaʋili foloi.

Toɠa ɗa ɓaa naati maazu, zɔiti ti lɔɔɠuzu pɔ bɛ.

4 Mazɔlɔɔ è ɠɛni ga bala nuiti dɔɔɠuzuʋɛ,

ungo, maawɔin nuiti dɔɔɠuzuʋɛ,

siɛgi zu ti ɠɛni la kidaaʋiligi zu.

È ɠɛni ga ti-lɔɔɠuzuʋɛ sabalagi ʋa,

niinigi é ti lɔɔɠuzu foloi ma liegi ʋa.

Mazɔlɔɔ nu ʋaa nuiti daa liegi ɠɛɛʋɛ eɠɛ sabala golai,

é loɠazu siɠigi ʋa,

26 Zɔi é luazu Ɠɔoɠɔ GALAGI ʋa, naa ɠa kito gola zɔlɔɔ,

ná-doun zunuiti ti dɔɔɠuzu zɔlɔɔ pɔ bɛ.

29 Ɠɔoɠɔ GALAGI ná-pelei ɠa ga siɠigi wooɠɛɠila nuiti maaɠoolii zu,

kɛlɛ toɠa ga naati koloɠolo saɓui, niiti ti faa ɲɔi ɠɛɛzu.