Louvor e adoração

6 Peu pengi kebam leune de RAMPAUBE de twalu.

RAMPAUBE de twalu.

Maleune de peu RAMPAUBE de twalo

1 RAMPAUBE de twalu.

Tinggwang de pe kemci ni gade twalu;

pecu twalu kengkieng tinggimdung gade;

2 Tinggwang de twalu pe bata kedidung ziemne;

pecu twalu pe kedi di tsamceu kecu ziemne.

3 Meurünseu ki kwa sahbak eh pecu twalu;

pecu twalu lute nah leibung teu eh.

4 Tinggwang de twalu tambourinedung kwa eh nah lim eh;

pecu twalu peria ketei leibung na tingkai leibungdung teu eh.

5 Pecu twalu ntwaidung kediang eh;

pecu twalu ntwai dung kediang ntei süt eh.

6 Peu pengi kebam leune de RAMPAUBE de twalu.

RAMPAUBE de twalu.

4 Tinggwang de twalu tambourinedung kwa eh nah lim eh;

pecu twalu peria ketei leibung na tingkai leibungdung teu eh.

3 Helim lim eh pe zi twalu;

peu penuide pe dage tambourine nah leibung kwa eh ketwa leidung teigailu.

RAMPAUBE dage lei keheci ge teigailo

1 RAMPAUBE de twalu.

Lei keheci ge RAMPAUBE dage teigai lu;

kenlumme ngkwa gade pe ketwa lei teilu.*

3 Helim lim eh pe zi twalu;

peu penuide pe dage tambourine nah leibung kwa eh ketwa leidung teigailu.

4 Kedanemene RAMPAUBE pe minadung de pe suila;

pa kehename de kelikelu le tei ndula.

5 Peu kenlummedung de herüt aide gade penui sui yilo;

peu penuide suiyi ziemne penui zeudung gade lei teilu.

RAMPAUBE zi de twa lulo

1 RAMPAUBE de twalu.

RAMPAUBE de twalu, nnui tinggimdung ga kebamme;

pecu twalu, nnui kehudung ga kebamme.

2 Pecu twalu, RAMPAUBE samgwame pelane;

pecu twalu, pe tinggimreugwame pelane.

3 Pecu twalu, naimiak na hekei;

pecu twalu, nnui hegidung baa kebam pelane.

4 Pecu twalu, hutube tinggim

nah nnui dui tinggim ga kebamdungde.

5 Peu penuide RAMPAUBE zi twalu,

kedanemene pa pesam kai, nah penuide damlu.

6 Pa penuide kelungta ziemne tei lu;

pa hezai ge teilu cide madaude kedi lak.

7 Pecu twalu kideu gade,

nnui jaaidi neididung nah dui kedi kecokdung pelane,

8 mi nah tangheu, buising nah hemwadung,

tingkai kaidi pe sam teicang beula.

9 Pecu twalu, kideutudung nah lamlwadung pelane,

matsi bangdung nah cedardung pelane,

10 renaam kaune nah gui kelube,

makaune bwa kelabe nah nruinedung.

11 RAMPAUBE de twalu, kideu ga hegwangmedung nah heleuhdung pelane,

hegwangpei namedung nah kideu ga kedime pelane,

12 rehangmedung nah releimedung,

kecingme nah henamedung de.

13 Peu penui pelane de RAMPAUBE zi twa lo,

pezi rünne teucuh kelu ziemne nah pe kendu kideu reu

nah tinggimdung ga kecang.

15 Anui Khrista dade, Tinggwang dage ketwa ratak* pwapeu mui lugo, cide cai, misam gade pe zi hetwa peu kecu.✝

15 Anui Khrista dade, Tinggwang dage ketwa ratak* pwapeu mui lugo, cide cai, misam gade pe zi hetwa peu kecu.✝

Nsipie eh RAMPAUBE au yi kecu cilulo

1 Ih RAMPAUBE de twa muila zie,

pe ketwa a mui ga lamui zie.

Nsipie eh RAMPAUBE au yi kecu cilulo

1 Ih RAMPAUBE de twa muila zie,

pe ketwa a mui ga lamui zie.

Nsipie eh RAMPAUBE au yi kecu cilulo

1 Ih RAMPAUBE de twa muila zie,

pe ketwa a mui ga lamui zie.

2 Ih RAMPAUBE de twa zie!

Keherei kelame de peu siulu nah penui sui yisütlu.

3 Acu ngngwa eh RAMPAUBE de twalo,

anui nzang eh pe zi teucuh lugo.

14 Dede Ih au nda keregui bammui zie

nah ncu hetwa peu reureu zie.

6 Apui za gade nangne acu ngha zütza gwang;

apui za gade acu ngngwa mpet kebeube au nang;

a hetwa de au n ziemne mui zie.

8 N hetwa le a mui pui dizie,

tingbazie pelane n herüt le.

8 N hetwa le a mui pui dizie,

tingbazie pelane n herüt le.

23 Ih lei tei ncu twa kecudau a muileukung suiyi teu sahbak zie,

a rabe liede, nangne kelikebeu de.

3 Naimiak kepet gade kenlüt kecang,

RAMPAUBE zi twa kerabe.

18 Maleune gade Tinggwang de hetwa peulu. Kedanemene aide Khrista Jisu gade nnui ziemne Tinggwang lungning kecune.

23 Iciuliede, bamdapkak gwangzeu da, nah cu aika bam dida, kesang tei eh reca kelamedung Peibe de rabe nah kesang gade reca dizie, kedanemene Peibe de mina cinzwa pecu reca kelamedung de peei lalu.

24 Tinggwang au Rabe, nah minadung pecu reca kelame rabe nah kesangbe gade reca maisia."

Anui ketwa leidung tei cugo

1 Oh gwanglu, anui lei tei RAMPAUBE de peu go;

anui suiyi leitei anui tsura kelikelube de peugo.

2 Anui suiyi makai teu pe dwaga nlüt go;

anui reca leidung tei pecu peu go.

3 Kedanemene RAMPAUBE au kengkieng Tinggwang lu

nah heradung pelane reu hegwang kengkiengbe.

4 Kideu heni kecokdung RAMPAUBE ba ga bam;

lamlwa gu kecehudung pegu.

5 Jaaidi au pegu, pane cide tei kegai ziemne,

nah pe ba le hangdeu kecanghdung teigai.

6 Oh gwanglu, anui keumie reca go;

anui RAMPAUBE dwaga kwaktung lugo, anuide tei kegaibe:

Pe keku au bam muila

1 RAMPAUBE dage suiyi sah gailu, kideu pelane.

2 Suiyi teu RAMPAUBE gwatei lu;

suiyi lei tei eh pe dwaga gwanglu.

2 Suiyi teu RAMPAUBE gwatei lu;

suiyi lei tei eh pe dwaga gwanglu.

4 Twa eh pe kerecaki kirie ga lütlu,

nah pe kigu ga kerüt teu eh lütlu.

Pecu hetwa peulu nah pe zi de samlam beulu.

Kemci ziuyi gade recalo

1 Oh, leikeheci ge RAMPAUBE dage tei gailu;

RAMPAUBE dage lei tei gailu, kideu pelane.*

2 RAMPAUBE dage lei tei gailu, pezi de peu samlampung kelu teilu;

tingba ramsangne pa kelikelube lie reci beu lu.

3 Heleuhdung kakgage RAMPAUBE kendu zierang rangmci gailu,

mimakecangh pe batadung heleuh pelane kakgage.

4 RAMPAUBE au di nah pe kedi de twasüt kerabe,

heradung keda pelane reu pecu be hing kerabe.

5 Kedanemene heleuhdung pelane rabedung au mamiedung,

dede pa au RAMPAUBE tinggimdung tei kegaibe.

6 Hetwa nah kedi au peda bam,

kengkieng nah hezukeyi au pe kemci kiga bam.

7 RAMPAUBE de peulo, nnui pautsa namedung,

RAMPAUBE de ketwa peulo, pe kendu nah kengkieng ziemne.

8 Kemdu pezi ngaulu kebui RAMPAUBE de peulo.

Makai teugwang eh pe kedi kidung ga lüt lu,

9 Kemci suiyi teu RAMPAUBE dwa keumie lu;

Pe dwa gage henah gai lu, kideu pelane.

3 RAMPAUBE au di nah pe kedi de twa kerabe;

pe kedi au peicang gailak.

3 Dede nang au mci;

Israelme hetwa ngau eh nang hegwangme kengkieng bam.

22 Ih a sinamedung de n zi ndu lia zie,

hemaabe kakga de Ih ncu twa zie.*

23 RAMPAUBE de rüt kelane, pecu twalu!

Pecu rütlu, nnui Jacob leuhme pelane!

Pecu herüt peulu, nnui Israelme leuhme pelane!*

24 Kedanemene pa keherei kelame de mlaidi lama mede malie tadi ma;

RAMPAUBE pe dade pe zu kebai di ma;

keherei kelame pecu qugai kecu dau, pa kingnei lula.

Pa helung keherei kelame de de tei relui beula

1 RAMPAUBE de twalu,

anui Tinggwang dage ketwa lei teigai kecu yilie,

cide au keyi ge, nah ketwa au petau.

3 RAMPAUBE de twalu, kedanemene pa au yilu;

lei tei pezi twalu, kedanemene cide ketei au yilu.

RAMPAUBE Hegwang teibam

1 RAMPAUBE au hegwangbe, peu kideube de pesuiyi lu;

peu duigwadeudung pelane de pe sui yilu.✝

12 RAMPAUBE gade suiyi bamlu, nnui kesamsangmedung,

nah pe kemci nsung keludau ketwa peu lulo.

8 Ih au RAMPAUBE, cide au a zi;

nah a kendu Ih kedame de mzi lak mede a ketwa de tei kelu mamiedung de mzi lak.

16 Peu Khrista sambe de nnuida kepui tei eh bamlu. Maci pelane teu eh hangge gede ledeu nah maranglia lu. Lei, ketwalei nah kereca leidung teu Tinggwang de twa eh nnui lung gade pe dage lei tei gailu.

16 Peu Khrista sambe de nnuida kepui tei eh bamlu. Maci pelane teu eh hangge gede ledeu nah maranglia lu. Lei, ketwalei nah kereca leidung teu Tinggwang de twa eh nnui lung gade pe dage lei tei gailu.

19 hangge ge dage lei nah ketwa lei nah kemci leidung teu eh sam ranglu, nnui lung gade leitei eh nnui suikeyi lei teipwa Rampaube de peulu, 20 ma pelane ziemne anui Rampaube Jisu Khrista zi gade Peibe Tinggwang de hetwa peu muilu.

RAMPAUBE keku bam mui kelade

1 RAMPAUBE da nnui suiyi sütlu, nnui kesamsangme;

ketwa au petau kelame ziemne petau.

2 Leibung teu eh RAMPAUBE de hetwa peulo;

peria kerei kebam leibung teu eh peda ketwa lei tei gailo.*

3 RAMPAUBE da lei keheci ge teigailo;

kwa gapte lulo nah suiyi le lei tei gailo.*

8 David nah Israelme pelane Tinggwang dwa de penui kengkieng pelane teu eh renga bam. Penui au leibung peria keteibe, nsum, ntwai nah teluidung pwa lwe lei tei bam.

9 Pe dage lei tei gailo, lei tei pecu twa lulo;

pa tei kegai mimakecang batadung leune ranglo.

3 RAMPAUBE a mui gage lei keheci ge kaibeu, anui Tinggwang de twa.

Mi kekiee ge cide ngau zie nah pecu herüt peulu

nah RAMPAUBE de nlum luzie.

N batadung daidi dino

1 RAMPAUBE de teikeherei delie cide makeyi ge lie

nah ketwalei teipwa n zi gage kekai, Hutube Tinggwang,

Ih masang eh tet zie

1 Ih samkakkelu kesamsang nah kemzuibe lei teizie,

n dage, RAMPAUBO, Ih ketwa lei teizie.

Ih masang eh tet zie

1 Ih samkakkelu kesamsang nah kemzuibe lei teizie,

n dage, RAMPAUBO, Ih ketwa lei teizie.

25 Tingmui muisum dauge paul penai Silas kekie tei nah Tinggwang de ketwa lei teibam, nah hebaangme kedamedung penai kwa kingnei bam.

25 Tingmui muisum dauge paul penai Silas kekie tei nah Tinggwang de ketwa lei teibam, nah hebaangme kedamedung penai kwa kingnei bam.

21 Pecai hegwangpei Jehoshaphat minadung de ngngwa resiu kelu cai, pa RAMPAUBE da lei tei kegaime de nah pe kemci keyi de ziemne pecu twa kelame de kedetlu, penui reugwame dwa gade tet pet kecudau, ranggai, "RAMPAUBE de hetwa peu lu, kedanemene pe samkakkelu kesamsang de kelunghta bamla." 22 Penui leitei nah pecu twa cuhdi ge, RAMPAUBE minadung de langgai beu eh Ammonme, Moabme, nah Seir Lamlwa ga kelunghme de renia eh gwaketang, Judah de gwaketang kera gwang kelame de. Penuide ngamdi.

20 Ge Job cuhlu, pe suisia eh pe paini hietdi, pe peu taidi, hangdeu ga pe zu ngkum mie zeudi, nah Tinggwang dage hap eh kekie tei recadi. 21 Pa rangdi, "Ih a pui pok gade kempet dau mta eh gwang, nah Ih mta eh tetdai zie. Cide RAMPAUBE ne peu, nah cide RAMPAUBE ne keuteu dai dida. Peu RAMPAUBE zi de samlampung kelube teilo."✝

4 RAMPAUBE dage ketwa lei teigai lu, nnui kesamsangmedung! Nang pe kemci de nsung keludau pecu hetwa peulu.

5 Kedanemene RAMPAUBE rata au tingkak nage gwale sila kemakne; dede pe zai keyi au kelungta bamla.

Kehap au tingmui ziu ge ziemne gwangla, dede tingcang dau suiyi gwangla.

11 Nang a lungrei teipwa misui keyi limge tei dida; nang a sui kesiade keugi dida nah a suiyile peu pui luda.

12 Cine cu a kendu ncu ketwa lei tei zie nah zingde bam dilak; RAMPAUBE a Tinggwang, Ih ncu kelungta hetwa peu lazie!

11 Daitei nang, n suisia lano?

Daitei nang n suisiasüt bamno, a rabo?

Ih Tinggwang da a keregui bam zie, Ih pecu twa daizie kedanemene pa a kelikelube nah a Tinggwang kecune.*

10 Nah pa penui dage rang. "Miecu, maca tyeilu nah kekumbe saklu, nah magede telei nzeu kemakme de kesa pwa peulu, kedanemene henai tingba au mci, anui Rampaube ziemne. Nah nnui lung sia so, kedanemene, Rampaube suiyi de, nnui kengkieng delu."

RAMPAUBE de twalo, O a Rabo

1 Ih RAMPAUBE de twagai a teilung pelane teu eh,

nah a lung ga kebam pelane pezi kemci de de twagai.

RAMPAUBE de twalo, O a Rabo

1 Ih RAMPAUBE de twagai a teilung pelane teu eh,

nah a lung ga kebam pelane pezi kemci de de twagai.

2 Ih RAMPAUBE de twagai a teilung pelane teu eh,

nah Ih pa bata keyi tei kegai leune nsunggai.

RAMPAUBE de twalo, O a Rabo

1 Ih RAMPAUBE de twagai a teilung pelane teu eh,

nah a lung ga kebam pelane pezi kemci de de twagai.

2 Ih RAMPAUBE de twagai a teilung pelane teu eh,

nah Ih pa bata keyi tei kegai leune nsunggai.

3 Pa n mau pelane gibeu;

pa n mateei pelane tei ngkeibeu.

4 Pa n teilung kengkap gade kelibeu;

pa keku na ngaugia teu ncu samlambeu.

2 Ih RAMPAUBE de twagai a teilung pelane teu eh,

nah Ih pa bata keyi tei kegai leune nsunggai.

8 Oh minadung pe samkakkelu samsang de ziemne RAMPAUBE de twa maisia

nah pa mina ziemne miswa kega bata tei kegaidung ziemne.

9 Pa hereu kelame de peu sak set lula

nah kenzeume de ketyeipok keyi le pui lula.*

Pe bata miswakegahdung pelane ha ranglo

1 RAMPAUBE de ketwa peulo, pezi qu eh;

heleuhdung dage pe batadung peu ci gailo.

4 Cipau tingba benai nang lei teizie, "RAMPAUBE de hetwa pwapeu lo nah ncu ngha kera pecu qulu;

pe batadung mina dage ranglia lo, pe zi hetwa pung kelube teu sahlo.✝

Rampaube de Twalu

1 RAMPAUBO, nang au a Tinggwang; Ih ncu rüt zie, Ih n zi de twa zie;

kedanemene nang miswakegahdung teigai, petau cangsiak kecu kenlum gade ndaa ge de riem teu keladung de.

23 A paumedung Tinggwang, Ih ncu twa nah rütla

nang acu ningcing maci nah kengkieng kepeu ne.

Cu au n dade anui kie kebam de nang acu peu cigai da,

hegwangpei dage ranglu kebui nang anui dage liabeu da."

12 Penui sahbak eh ranggai,

"Meurünna daptset kedibe de kengkieng, mahei, maci, kengking, herüt, kendu nah hetwa ngaulu kebuibe lie."✝

13 Pecai dam kegai leune, tinggim ga nah kideu reuga nah kideu kangga, nah jaaidi ga nah cika kebam pelane cu,

"Hegwangbam ga kebambe nah Meurünnabe de peu kelungta twa nah rüt, nah ndu nah ngkieng kelube tei lulo," de kecu Ih siu.

7 Pa sahbak eh ranggai, "Tinggwang de hinglu nah pecu kendu peulo. Kedanemene pa mina tutiak kera ting gwang bamdi delu. Tinggim, kideu, jaaidi, nah duirwakdung tei kegaibe de reca lulo."

5 Pecai hegwangbam gade makwa ge pet eh ranggai,

"Anui Tinggwang de twalu,

pe kilame pelane,

nah pecu hing kelamedung,

keceume nah kedime de."✝

5 Pecai hegwangbam gade makwa ge pet eh ranggai,

"Anui Tinggwang de twalu,

pe kilame pelane,

nah pecu hing kelamedung,

keceume nah kedime de."✝

11 Kedanemene Kesanglaisiu ga ainzwa raupwala,

"Ih ring kelanzwa eh," de eh Rampaube ranggai, "A da mina leune koktung miezie,

nah mina leune Tinggwang de twazie."✝

8 Kamtube, sinamedung, kesangbe, rütlu kebuibe, kemzuibe, kemcibe, hezukeyibe, siu keyibe leune, makeheibe de keyibedung bamcai, nah makeheibe de hetwa peulu kebuibe bamcai, ma aidungde cet bam lulo.

11 Kehing gade RAMPAUBE de reca lu

nah mbeu eh nnui sui yilu.✝

17 Ih RAMPAUBE de pe masang ziemne twala;

Ih RAMPAUBE Hutube Tinggwang da ketwalei teigai zie.

Ih n bata miswakegahdung peei zie

1 Ih RAMPAUBE de a nlung pelane le hetwa pwa peu zie;

Ih miswakegah n tadung ha rang zie.

Ih n bata miswakegahdung peei zie

1 Ih RAMPAUBE de a nlung pelane le hetwa pwa peu zie;

Ih miswakegah n tadung ha rang zie.

2 Ih n ziemne a suiyi süt eh lei teizie;

Ih n zi de twa eh lei tei zie, Hutube Tinggwang!

6 RAMPAUBE de hetwa peulo

kedanemene pa a kengha nggia kwa kingnei kelune!

7 RAMPAUBE a kengkieng nah a hegeu;

a nlung pecu nlumla, nah Ih kengha ngaulu da.

Cine a nlung sui yisütlu,

nah Ih pecu lei tei eh twa zie.

23 Ketwa reca ratak tei kebeube acu twala la,

nah keheibe de lampui kemzuibe ga tet kelame de

Ih Tinggwang kelikelu de lia zie."*

4 Tinggwang dage, pe sam Ih hetwa peu kelabe,

Tinggwang da Ih a kenlum kai pwabam; Ih ngngi di lak;

migede acu daige tei lulai?

17 N dage, a kengkingbe, Ih lei tei twa zie;

kedanemene Tinggwang a tsukwa kehube, samkak kelu kesamsang Tinggwang.

3 Kedanemene n samkak kelu kesamsang au teilung swade yiki,

a muileu ncu twa zie.

4 Cine Ih lungh kebam dau Ih ncu samlam zie;

Ih n zi gade a badung hwacuh zie.

O Tinggwang anuide kelikelu

1 N ziemne, Zion namdi ga Tinggwang, anui ketwa kwabam;

anui samkak de n dage teugwang cangzie.

2 Nang kekie kingneikelabe,

n da pumteihbe pelane gwang zie.*

3 Kesiabedung anui reuga kiee reureu zeu;

anui teimau kedidung ziemne, nang penui mau gibeu zie.

17 Ih a mui le pe dage hap gai,

nah a mleu le pecu hetwa peugai.

20 Samlam Tinggwang da bamlu,

a kekie

mede pe samkak kesamsangbe ada de teunreu dila kemakpe.

3 Dede kesangme de peu pesuiyi lu; Tinggwang dwa gade peu penui suiyi süt lu;

penui de peu renga nah suiyisüt bamlu.

4 Tinggwang da lei teilu! Lei tei pezi twalu!

Jordan Reuki langkam ga langkiedung ga tetka gwang kecube de twalu!

Pe zi au RAMPAUBE! Renga bamlu pe dwaga de!

5 Pa au pe pei kegahme pei, hemipuidung de gumbeu kelabe,

Tinggwang au pa lungh kebam kemci ni* ga bam

4 Tinggwang da lei teilu! Lei tei pezi twalu!

Jordan Reuki langkam ga langkiedung ga tetka gwang kecube de twalu!

Pe zi au RAMPAUBE! Renga bamlu pe dwaga de!

19 Anui reidung cuibeu kelabe, Rampaube depeu samlam pung kelube tei lulo,

anuide kelikebeube Tinggwang. Selah

15 Mina ncu reca au samlampung lie!

RAMPAUBO, penui n keba ga tet la.

N zi de kemdu peuzie

1 Anuide so, RAMPAUBO, anuide so,

dede n zi de peu kemdu peu lo,

keku bammui kelade nah masang de ziemne.

RAMPAUBE masang bam muila

1 RAMPAUBE de twalu, nnui heleuh pelane;

pecu twalu, mina pelane.✝

2 Kedanemene pa anuide pe keku au di,

nah RAMPAUBE de nlumlukebui au kelungta bamla.

RAMPAUBE de twalu.

7 Ih a mlung kemci le teu ncu twazie

Ih n tutiak kemzuidung ci keludau.

13 Nangne a lungnet pelane damgai;

nang ne a pui za gade acu tamtok ncütlu.

14 Ih ncu twa zie,

kedanemene Ih au n bata miswakegah ge kecune.

A rabe ma aide ci hemisüt bam.✝

A Tsura nah a kengkieng bam

1 RAMPAUBE, a tsurabe de peu samlampung kelube teilo,

hereu teikera ziemne a badung ledeu kelabe

nah keregi kera ziemne a zurangpuidung.

Hegwang napei dage n kenlum kaizeu so

1 RAMPAUBE de twa.

RAMPAUBE de twa, a rabo.

2 Ih a teilung pelane teu eh RAMPAUBE de hetwa peula;

Ih a Tinggwang dage ketwa lei teigai zie Ih kelungtane.

14 Dede Tinggwang, Khrista gade anuide ngkieng kelu gage saulia mui kelabe de twa, nah heni leune ga pe maci ha kehengui de peu anui dade cila dida.

5 pe lungning keyi de nzwa pa anuide Jisu Khrista gade pe name tei zielie mrai riem pwala. 6 Pa pe na pe Kube gade pe ngaugia kendu mta mapeu anuide kepeu ziemne pecu twa go.

16 Ih peu pe kendu kedi gade nnui lung tei ntiplu kera pe Rabe gade kengkieng nnuide peulo kie bamla,

9 Dede nnui au kedetkelume, hegwang cingkuleuh ge, heleuh kemci ge, Tinggwang minadung, iciu eh Tinggwang ne nnuide kemui gade qu mpet mimakecangh pe kebaa gage kai kelube bata keyidung nnui mi dage ranglialu kerane.✝

9 Dede nnui au kedetkelume, hegwang cingkuleuh ge, heleuh kemci ge, Tinggwang minadung, iciu eh Tinggwang ne nnuide kemui gade qu mpet mimakecangh pe kebaa gage kai kelube bata keyidung nnui mi dage ranglialu kerane.✝

10 Ndaa au nnuide masipei ma,

dede cu au nnui Tinggwang mina dida.

Piage nnui ngaugia ngau luma,

dede cu au nnui ngaugia ngau luda.✝

4 Ih RAMPAUBE de qu gaizie, pecu au hetwa peu bui siak lie,

nah acu a ngauraume dade kelilu zie.

50 Ciziemne Ih ncu hetwa peuzie, RAMPAUBO, heleuhdung kakga de;

Ih n zi de ketwalei tei zie.✝

21 Nnui pecu twalu, nah pa nnui Tinggwang da, nnui ziemne ma kedi nah kehingdung tei kebeube, nnui miak le ngau kelude.

3 Pa Israel reugwame dage rang zie, ‘Kingneilu, Israelme, nnui mie hereu ga nnui ngauraume de regi lauda. Nnui mlung peu ceu diso. Nnui ngngi di mede mbeu diso. Penuide hing diso.

10 Muige gade samlam nah reset petla. A sinamedung, ma aidungde teidi maisia ma.

18 Nah Ih n dage rangla, nang au Peter,* nah aipau tsurareu gage Ih a ngqwaki teizie. Hades* riekidung cide reu ngkieng dilak.

3 Jisu Khrista reugwa keyime ge nzwa keherei kecuga acu ngngwa n qwa pwalu.

4 Reugwame pe ta teikela gade kideu aika bata keda gede teisi lama, iciu eh pa pecu qu kelube suiyi teilu kerane.

12 Kenlum regi de ga laikai tei regi saplu, kelungta kering de kerak ntiprip lu,* kedanemene zierangme kekiee dwade n kenlum aide rang kegaidau, Tinggwang ncu teilung aikage qu gailu delu.

14 Henamedung, Ih nnui dage raugai da, kedanemene nnui Peibe Tinggwang de ci bamlu. Mipeimedung, Ih nnui dage raugai da, kedanemene nnui raitu gade kelabe de cibam lu. Rehangmedung, Ih nnui dage raugai da, kedanemene nnui au ngking, nah Tinggwang samde nnui da bam, nah nnui kesiabe de ngamlu delu.

Tinggwang de ci kemakme kemau nah kekap

3 Akumedung, Ih nnui dage anui kelikelu hade laikai tei eh raugai kera ketei dau, Ih Tinggwang pe kemcime de piage gage kenlum kepeu de renia lulo nnuide kecung nah raugai maisiadi.

46 Penui tingba ramsang ne kerecaki ga gwang ngkwala, nah penui kidung gade tangku tei poplwe penui suiyi nah ket tei eh ngngwa ketak tyeila, 47 Tinggwang de twa nah mina pelane de ngngwa kezuyi bamdi. Nah Rampaube Tingba ramsangne kelikelume de penui maa gage si gaibeu bamdi.