Salmos 95

Anui ketwa leidung tei cugo

1 Oh gwanglu, anui lei tei RAMPAUBE de peu go;

anui suiyi leitei anui tsura kelikelube de peugo.

2 Anui suiyi makai teu pe dwaga nlüt go;

anui reca leidung tei pecu peu go.

3 Kedanemene RAMPAUBE au kengkieng Tinggwang lu

nah heradung pelane reu hegwang kengkiengbe.

4 Kideu heni kecokdung RAMPAUBE ba ga bam;

lamlwa gu kecehudung pegu.

5 Jaaidi au pegu, pane cide tei kegai ziemne,

nah pe ba le hangdeu kecanghdung teigai.

6 Oh gwanglu, anui keumie reca go;

anui RAMPAUBE dwaga kwaktung lugo, anuide tei kegaibe:

7 Kedanemene pa au anui Tinggwang,

nah pa anui mapie kela pe minadung nah pe ba ga kebam meurün,

Henai, oh, nnui pe kwa kingneilu kera!*95:7 Tet. 17:7

8 "Meribah*95:8 Meribah: pekie keregi ga nnui paumedung nzwa, nnui nlung tak diso,

mede hetaideu ga Massah*95:8 Massah: pekie kedak kecu tingba benai nzwa.*95:8 Tet. 17:1-7; Pum. 20:1-13; Hez. 6:16; 33:8

9 Cikade nnui paumedung acu kedei

nah acu kedakpie, penui a batadung ngau liede.

10 Mmi riakdai ge ziemne Ih cipau ceheu dede a rata di

eh rang, ‘Mina aidungde penui mlungdung gade pak mdei la; penui a lampuidung cilu meda.’

11 Cine a rata le Ih sampet teigai

penui madaude a kemtakni de ga nlüt gailak."*95:11 Heb. 3:7-19