Salmos 2

RAMPAUBE keniakkelube Hegwangpei

1 Daitei eh heleuhdung*2:1 Heleuhdung: Tinggwang de ci kemakmedung. makehebwak ga lano,

nah daitei minadung teigai kelakbe riem kecu tei lano?

2 Kideu hegwangmedung penui sap keu ncütlu

nah mina reu kengkieng teu kelame mariem ncüt eh

RAMPAUBE nah pa ne keniak kegaibe*2:2 Pa ne keniak kegaibe: Pe Messiah de mmaudi, nah penui ranggai,✝2:2 Keu. 11:18, Bat. 4:25-26;19:19

3 "Penui ne anuide kangpwa kebam de teipang digo

nah penui gu hegeuria keu keliengi digo."

4 Tinggim ga kebambe penuide nui zie;

Rampaube penuide teu henui teibam.

5 Pecai pe rata le penuide rangzie

nah pe lunghop le penuide keheu eh cuh,

6 Tinggwang ranggai "Ih akatei a hegwangpei de keniak luda

a lamlwatu kemci, Zion gade."

7 Ih RAMPAUBE gu hezai de ranglia zie.

Pa a dage rangdi, "Nang a napei!

Henai gade Ih n pei dida.✝2:7 Mat. 3:17;17:5, Mrk. 1:11;9:7, Luk. 9:35, Jhn. 1:49, Bat. 13:33, Heb. 1:5;5:5, 2 Pet. 1:17

8 A da kielu, iciude Ih ncu n mapwa ziemne heleuhdung ha zie

nah n mabam tei kera kideu cuikui dihtubedung peu zie.✝2:8 Heb. 1:2

9 Nang penuide hegeutie gele dappop zie;

li keteibe li nzwa, nang penuide dap kecai dizie."✝2:9 Keu. 2:27;12:5;19:15

10 Cine cu, nnui hegwangmedung, mriaklu;

petau teilu, nnui kideu reu kengkieng teu kelame.

11 Kehing gade RAMPAUBE de reca lu

nah mbeu eh nnui sui yilu.✝2:11 Php. 2:12

12 Nabe de kemamlu mecai Tinggwang ncu pe rata dizie,

nah pa tingkak nage Tinggwang pe rata kegai gade nang tsai dizie.

Pe da gwang nsiu kelume samlam pungtu.