Salmos 149

RAMPAUBE dage lei keheci ge teigailo

1 RAMPAUBE de twalu.

Lei keheci ge RAMPAUBE dage teigai lu;

kenlumme ngkwa gade pe ketwa lei teilu.*149:1 Keu. 5:9; 14:3.

2 Peu Israel de penuide tei kegaibe Tinggwang de penui suiyi lo;

peu Zion medung de penui gwangpei de penui suiyi lo.

3 Helim lim eh pe zi twalu;

peu penuide pe dage tambourine nah leibung kwa eh ketwa leidung teigailu.

4 Kedanemene RAMPAUBE pe minadung de pe suila;

pa kehename de kelikelu le tei ndula.

5 Peu kenlummedung de herüt aide gade penui sui yilo;

peu penuide suiyi ziemne penui zeudung gade lei teilu.

6 Tinggwang de ketwa de penui muiga bam kelube teilu

nah kingtie ge pemui lule ailam kebam penui baga bam

7 heleuhdung de hekum peei eh mmau kera

nah minadung de saja peu kera.

8 Penui penui gwangpei dungde hegeuriadung le kang luzie

nah penui muiteumedung de hegeukapdung le kap luzie.

9 Penui hetutiak kera rauteu kela cide teizie.

Aide le pwane pecu kenlummedung pelane ziemne herüt ge zie.

RAMPAUBE de twalu.