Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
የሱስ ሄዋና አደ ብያ ዎደ፥ ላኡ ቆቃቱ ባረንቱ ቃላ ቁ ኦደ፥ "ዳዊተ ናአዉ፥ ኑና ማራርኪ" ያጊደ አ ካሌድኖ።
የሱስ ጎለ ገሌዳ ዎደ፥ ቆቃቱ አኮ ዬድኖ፤ የሱስ ኡንቱንታ፥ "ታን ሀዋ ኦናዉ ዳንዳይያዋ አማኒቴ?" ያጌዳ።
ኡንቱንቱ፥ "ኤ ጎዳዉ" ያግ ዛሬድኖ።
ሄዋፐ ጉይያን፥ የሱስ ኡንቱንቱ አይፍያ ባረ ኩሽያን ቦቺደ ኡንቱንታ፥ "ህንተዉ ህንተንቱ አማኑዋዳን ሀኖ" ያጌዳ። ኡንቱንቱ አይፊ ዶየት አጌዳ፤ የሱስ ኡንቱንቶ፥ "ሀዋ ኦስነ ኦዶፕተ" ያጊደ ምንሲደ ኦዴዳ። ሽን ኡንቱንቱ ቢደ፥ ሄ ጋድያ ኡባን የሱሳባ ኦዴድኖ።
የሱስነ አ ካልያዋንቱ እያርኮፐ ከስሽን፥ ዳሮ አሳይ ኡንቱንታ ካሌዳ። ላኡ ቆቃ አሳቱ ኦግያ ዶናን ኡቴዳዋንቱ የሱስ ሄዋና አያዋ ስሲደ፥ ባረንቱ ኮሻ ቁ ኦደ፥ "ጎዳዉ፥ ዳዊታ ናአዉ፥ ኑዉ ቃረታርኪ" ያጌድኖ።
ዳሮ አሳይ ኡንቱንታ፥ "ሀይዝተ" ጊደ ሀንቀቴዳ፤ ሽን ኡንቱንቱ ባረንቱ ኮሻ ዳሪ ቁ ኦደ፥ "ጎዳዉ፥ ዳዊታ ናአዉ፥ ኑና ማራርኪ!" ያጌድኖ።
የሱስ ኦግያን ኤቂደ፥ ኡንቱንታ ጼሲደ፥ "ታን ህንተንቶ አያ ኦና ማላ ኮዪቴ?" ያጌዳ።
ቆቃቱ፥ "ጎዳዉ፥ ኑ አይፍያ ፓርኪ" ያጌድኖ።
የሱስ ኡንቱንቶ ቃረቲደ፥ ኡንቱንቱ አይፍያ ቦቼዳ፤ ኤለካ ኡንቱንቱ አይፊ ጼል አግና፥ አ ካል አጌድኖ።
የሱስነ አ ካልያዋንቱ ቤተሳይዳ ግያ ካታማ ቤድኖ፤ አሳቱ ቆቃ ብታንያ የሱሳኮ አሂደ፥ ሄ ብታንያ ቦቻና ማላ፥ አ ዎሴድኖ። የሱስ ቆቃ ብታንያ ኩሽያ ኦይቂደ፥ ሄራፐ ጋጻ ከሴዳ፤ አ አይፍያን ጩቺደ፥ ባረ ኩሽያ አ ቦላ ዎደ፥ "ነዉ አየንቶ ቤቲ?" ያጊደ ኦቼዳ።
ብታኒ ቂደ፥ "ታን አሳ በአይ፤ ሽን አሳይ ሀመቲደ፥ ም ማላቴ" ያጌዳ።
ሄዋፐ ጉይያን፥ የሱስ ሽረቲደ ብታንያ አይፍያን ባረ ኩሽያ ዎዳ። አ አይፊ ፓጼዳ፤ ብታኒካ ሎይ ጼሌዳ፤ ቃይ ኡባባካ ጌሺደ በኤዳ። የሱስ ብታንያ፥ "ሄራ ገሎፓ" ያግ አ ሶይ የዴዳ።
የሱስ ጺሮሳ ጋድያፐ ከሲደ፥ ሲዶናናነ ታሙ ካታማ ግያ ጋድያና ካንደ፥ ጋሊላ አባኮ ቤዳ። አሳይ ቱለነ ዱደ ግዴዳ ብታንያ የሱሳኮ አሂደ፥ ባረ ኩሽያ አ ቦላን ዎና ማላ፥ የሱሳ ዎሴድኖ። የሱስ ባረካ ሄ ብታንያ ጮራ አሳፐ ጋጻ ከሲደ፥ ባረ ብራያ አ ሀይን የዴዳ፤ ቃይ ጩቻ ጩቺደ፥ አ እንጻርሳ ቦቼዳ። ሳሉዋ ፑደ ጼሊደ፥ ቶክ ሸምፒደ፥ "ኤፍታህ" ያጌዳ፤ ሄዋ ግያዌ ዶየታ ግያዋ። ብታንያ ሀይይ ኤለካ ዶየት አጌዳ፤ ቃይ አ ሃሳየና እንጻርሳይካ ብለት አጌዳ፤ ብታኒ አይነ ዋየተናን ሃሳዪ አጌዳ።
የሱስ አሳዉ፥ "ሀዋ ኦስነ ኦዶፕተ" ያጊደ ኦዴዳ፤ ሽን እ ዳርስ ምንስ ኦድና፥ አሳይ ቃይ ኦዱዋ ያ ዳርሴዳ። ሄዋ ስሴዳ አሳይ ኡባይ ዳሮ ማላለቲደ፥ "ኡባባካ እ ሎይ ኦ። ሀራይ አቶ ቱልያካ ስሴ፤ ቃይ ዱድያካ ሃሳይሴ" ያጌድኖ።
ኡንቱንቱ እያርኮ ግያ ካታማ ቤድኖ፤ የሱስ ባረና ካልያዋንቱናነ ጮራ አሳና እያርኮፐ ከስሽን፥ ጽሞሳ ናአይ ቆቃይ፥ ባርጻሞሳ ግያዌ፥ ኦግያ ዶናን ዎሲደ ኡቴዳ። ባርጻሞስ ናዝሬትያ የሱሳ ግዴዳዋ ስሲደ፥ ባረ ኮሻ ቁ ኦደ፥ "ዳዊተ ናኣ የሱሳ፥ ታና ማራርኪ!" ያጉሳ ዶሜዳ።
ጮራ አሳይ አ፥ "ሀይዛ!" ጊደ ሀንቀቴዳ።
ሽን፥ እ ባረ ኮሻ ካሰዋፐካ ዳርስ ቁ ኦደ፥ "ዳዊተ ናአዉ፥ ታና ማራርኪ!" ያጌዳ።
የሱስ ኦግያን ኤቂደ፥ "አ ሃ ጼስተ" ያጌዳ።
ኡንቱንቱ ቆቃ፥ "አይነ ባዋ፤ ደንዳ ኤቃ፤ ኔና ጼሴ" ያጊደ ጼሴድኖ። ቆቃይ ባረ ማዩዋ ኦል አጊደ፥ ጉፕ ደንድ ኤቂደ፥ የሱሳኮ ቤዳ።
የሱስ አ፥ "ታን ነዉ አያ ኦናዉ ኮያይ?" ያጌዳ።
ቆቃይ፥ "ታማርስያዎ፥ ታን ጼላናዋ ኮያይ" ያጌዳ።
የሱስ አ፥ "ባ፤ ነ አማኑ ኔና ፓዳ" ያጌዳ። ኤለካ አ አይፊ ጼል አግና፥ ኦግያን የሱሳ ካል አጌዳ።
የሱስ እያርኮኮ ማቴዳ ዎድያን፥ እት ቆቃ ብታኒ ዎሲደ ኦግያ ጋጻን ኡቴዳ። ጮራ አሳይ አያዋ ስሲደ፥ "ሀዌ አዬሻ?" ያግ ኦቼዳ። አሳይካ አዉ፥ "ናዝሬትያ የሱስ ሀዋና አ ደኤ" ያግ ዛሬድኖ።
እካ፥ "ዳዊተ ናኣ የሱሳ፥ ታና ማራርኪ" ጊደ ዋሴዳ። አፐ ስንና ቢደ ደእያዋንቱካ፥ ጮኡ ጋናዳን ሀንቀቴድኖ። እ ቃይ፥ "ዳዊተ ናአዉ፥ ታና ማራርኪ" ጊደ ዳሪ ዋሴዳ።
የሱስካ ኤቂደ፥ ባረኮ አሀናዳን አሳዉ ኦዴዳ። የሱሳኮ እ ጼቱዋ ዎድያን፥ የሱስ፥ "ታን ነዉ አያ ኦናዳን ኮያይ?" ያጊደ አ ኦቼዳ።
እካ ዛሪደ፥ "ጎዳዉ፥ ጼላናዉ ኮያይ" ጌዳ።
የሱስካ፥ "ጼላ፥ ነ አማኑ ኔና ፓዳ" ያጌዳ። ሄ ዎድያንካ ጼል አጌዳ፤ ጾሳካ ቦንቺደ አ ጌዱዋ ካሌዳ።
አሳይ ኡባይ ብታንያ ጼሊደ፥ ጾሳ ጋላቴድኖ።
የሱስ ቢደ፥ የለቶደፐ ቆቃ ግዲደ ደእያ እት ብታንያ በኤዳ። የሱሳ ካልያዋንቱ የሱሳ፥ "ታማርስያዎ፥ ሀ ብታኒ ቆቃ ግዲደ የለታናዳን፥ ናጋራ ኦዳዌ ኦኔ? እ ኦዴየ? ዎይ አ የሌዳዋንቱ ኦድኖ?" ያጊደ ኦቼድኖ።
የሱስ፥ "ጾሳ ኪታይ አ ቦላን ቆንጫና ማላ ቆቄዳፐ አትን፥ እ ዎይ አ ዳያነ አ አቡ ናጋራ ኦበይክኖ። ኑን ሳአይ ቃመናን ደእሽን፥ ታና ኪቴዳዋ ኦሱዋ ኦናዉ በሴ። ኦንነ ኦናዉ ዳንዳየና ቃማይ ዬ። ታን አላምያን ደኣደ አላመዉ ፖኦ" ያጌዳ።
የሱስ ሄዋ ጊደ፥ ሳኣን ጩቼዳ፤ ባረ ጩቻን ጉ ኡርቃ ሹግሲደ፥ ሄ ኡርቃን ቆቃ ብታንያ አይፍያ ኦኪደ፥ "ባደ ሳልሆማ ግያ ዳጋቴዳ ሃን ነ አይፍያ ሜጫ" ያጌዳ። "ሳልሆማ" ግያዌ "ኪተቴዳዋ" ጉሳ። ሄዋ ድራዉ፥ ብታኒ ቢደ፥ ባረ አይፍያ ሜጨቲደ፥ ጼሊደ ስሜዳ።
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ሄ ዎደ ኦሉ ኦይቄዳ እት ብታኒ የሱሳኮ ይ አ ስንን ጉልባቲደ፥ "ጎዳዉ፥ ነ ሸነ ግዶፐ፥ ታና ፓደ ጌሻናዉ ዳንዳያ" ያጌዳ።
የሱስ ባረ ኩሽያ የድ አ ቦቺደ፥ "ታን ኮያይ፤ ፓጻደ ጌያ!" ያጌዳ። ኤለካ ኦሉ ብታንያ የድ አጌዳ። የሱስ አ፥ "ስም ሀዋ ኦስነ ኦዶፓ፤ ሽን ቄሳኮ ባደ ነ ፓጻደ ጌዬዳዋ አ በሳ፤ ነ ፓጻደ ጌዬዳዋ አሳ ኤርሳናዉ ሙሴ አዛዜዳ ያርሹዋ ጾሳዉ ያርሻ" ያጌዳ።
አማሬዳ አሳይ ቦላይ ጉንዴዳ እት ብታንያ ሻንቻማን ቶኪደ፥ የሱሳኮ አሄድኖ፤ የሱስ ኡንቱንቱ አማኑዋ በኢደ፥ ቦላይ ጉንዴዳ ብታንያ፥ "ታ ናአዉ፥ ያዮፓ፤ ነ ናጋራይ አቶ ጌተቴዳ" ያጌዳ።
ህግያ ታማርስያዋንቱፐ እቱ እቱ ባረንቱ ዎዛናን፥ "ላ ሀ ብታኒ ጾሳ ቦላ ኢታባ ሃሳዬቴ!" ያግ ቆፔድኖ።
የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ "ህንተንቱ ህንተ ዎዛናን ሀዋ ማላ ኢታባ አያዉ ቆፒቴ? ‘ነ ናጋራይ አቶ ጌተቴዳ’ ያግያዌ ማቴዬ? ዎይ፥ ‘ደንዳ ኤቃደ ሀመታ’ ያግያዌ ማቴ? ሽን ሳኣ ቦላን ናጋራ አቶ ጋናዉ ታዉ፥ አሳ ናአዉ፥ ማታይ ደእያዋ ታን ህንተና ኤርሳና" ያጊደ፥ ሄዋፐ ጉየ እ ሄ ቦላይ ጉንዴዳ ብታንያ፥ "ደንዳ ኤቃ፤ ያታደ ነ ሻንቻማ ቶካደ፥ ነ ጎለ ባ" ያጌዳ።
ጉንዴዳ ብታኒካ ደንድ ኤቂደ፥ ባረ ጎለ ቤዳ።
ሄዋን ኩሺ ጉንዴዳ እት ብታኒ ደኤ፤ የሱሳ ሞታናዉ ጋሱዋ ኮይያ አሳቱ፥ "ሳምባታን፥ ሀርጋንቻ ፓያዌ ዎጌ?" ያጊደ አ ኦቼድኖ።
የሱስ ኡንቱንታ፥ "ህንተንቱ ግዶን እት ዶርሳይ ደእያ ኡራይ፥ ሄ ዶርሳይ ሳምባታ ጋላስ ኦላን ኩንዶፐ፥ ኦይቂደ ከሰናዌ ኦኔ? ያትና፥ አሳይ ዶርሳፐ ዎት ሎይደ ዳረኔ! ሄዋ ድራዉ፥ ሳምባታ ጋላስ ሎኦባ ኦያዌ ዎጋ" ያጌዳ። ሄዋፐ ጉይያን ብታንያ፥ "ነ ኩሽያ ፕድ ኦ" ያግና ብታኒ ፕድ ኦዋፐ ጉይያን፥ አ ኩሺ የኮ ኩሽያዋዳንካ ፓጽ አጌዳ።
ስሞና ቦሎታታ ቆጹዋ ሀርጋደ ግሴዳዉንባ እ ያ ጋኮሳናካ አዉ ኦድ አጌድኖ። እ እዝኮ ሺቂደ፥ እዝ ኩሽያ ኦይቂደ፥ እዞ ደን ኤሴዳ፤ ቆጹ እዞ አግና፥ እዛ ኡንቱንቶ ኦዱ።
ኦሉ ኦይቄዳ እት ብታኒ የሱሳኮ ዪደ፥ አ ስንን ጉልባቲደ፥ "ኔን ኮዮፐ፥ ታና ጌሻ ፓናዉ ዳንዳያ" ያጊደ ዎሴዳ።
የሱስ አዉ ቃረቴዳ፤ ባረ ኩሽያ የድ፥ አ ቦቺደ፥ "ታን ኮያይ፤ ጌያ፤ ፓጻ!" ያጌዳ። ኤለካ ኦሉ ብታንያ የድ አግና፥ ብታኒ ጌይ ፓጽ አጌዳ።
ኦይዱ አሳቱ ቦላይ ስሌዳ እት ብታንያ ቶኪደ፥ አኮ አሄድኖ። አሳይ ጮሬዳ ድራዉ፥ ብታንያ የሱሳኮ አፋናዉ ኡንቱንቶ ዳንዳየተናን እጽና፥ የሱስ ደእያ ባጋና ጎልያ ቃሪደ፥ ካራ ሉኬድኖ፤ ሄ ሉኬዳሳና ብታንያ እ ግሴዳ ሻንቻማና ዱገ ዎድኖ። የሱስ ኡንቱንቱ አማኑዋ በኢደ፥ ሄ ቦላይ ስሌዳ ብታንያ፥ "ታ ናአዉ፥ ነ ናጋራይ አቶ ጌተቴዳ" ያጌዳ።
ህግያ ታማርስያዋንቱፐ ሄዋን ኡቴዳ እቱ እቱ ባረንቱ ዎዛናን፥ "ላ ሀ ብታኒ ሀዋ ማላ ኢታባ ጾሳ ቦላ አያዉ ሃሳዪ? ጾሳ ጻላላፐ አትን፥ ሀራይ ኦኔ ናጋራ አቶ ጋናዉ ዳንዳይያዌ?" ያጊደ ቆፔድኖ።
ኡንቱንቱ ባረንቱ ዎዛናን ሄዋዳን ቆፖዋ የሱስ ኤለካ ባረ አያናን ኤሪደ፥ ኡንቱንታ "ህንተንቱ ህንተ ዎዛናን አያዉ ሄዋዳን ቆፒቴ? ቦላይ ስሌዳ ብታንያ፥ ‘ነ ናጋራይ አቶ ጌተቴዳ’ ግያዌ ማቴዬ? ዎይ፥ ‘ደንዳ ኤቃደ ነ ሻንቻማ ቶካደ ሀመታ’ ግያዌ ማቴ? ሽን ታን፥ አሳ ናአዉ፥ ሳኣ ቦላን ናጋራ አቶ ጋናዉ ማታይ ደእያዋ ታን ህንተንታ ኤርሳና" ያጊደ ሄ ቦላይ ስሌዳ ብታንያ፥ "ኔና ጋይ፤ ደንዳ ኤቃ፤ ያታደ ነ ሻንቻማ ቶካደ ነ ሶይ ባ" ያጌዳ።
ብታኒ ኤለካ ደንድ ኤቂደ፥ ባረ ሻንቻማ ቶኪደ፥ አሳይ ኡባይ ጼልሽን ቢና አሳይ ኡባይ ማላለቲደ፥ "ኑን ሀዋ ማላባ ኡባካ በእ ኤሮኮ" ያጊደ ጾሳ ጋላቴድኖ።
የሱስ አይሁዳ ዎሳ ጎልያ ሽረትካ ገሌዳ፤ ሄዋን ኩሺ ስሌዳ እት ብታኒ ደኤ። እት እት አሳይ የሱሳ ሞታናዉ ኮዪደ፥ ኩሺ ስሌዳ ብታንያ ሳምባታን እ ፓፐ በአናዉ ናጌ። የሱስ ሄ ኩሺ ስሌዳ ብታንያ፥ "ደንዳ ኤቃደ ስንዉ ሃያ" ያጌዳ። ሄዋፐ ጉይያን አሳ፥ "ሳምባታን ሎኦባ ኦያዌ ዎጌየ ኢታባ ኦያዌ ዎጌ? አሳ ሸምፑዋ አሽያዌ ዎጌየ ዎያዌ ዎጌ?" ያጊደ ኦቼዳ።
ሽን አሳይ ጮኡ ጌዳ። የሱስ ሀንቀቲደ፥ ኡንቱንታ ዩሽ አ ጼሊደ፥ ኡንቱንቱ ኦድና ስሰናዋንታ ግድያ ድራዉ፥ ኡንቱንቶ ዳሪ ካዮቴዳ፤ ሄ ብታንያ፥ "ነ ኩሽያ ፕድ ኦ" ያጌዳ፤ ብታኒ ፕድ ኦና፥ አ ኩሺ ፓጽ አጌዳ።
የሱስ ካታማቱዋፐ እቱዋን ደእሽን ኦሉ ቦላ ኡባ ሜዳ ብታኒ ደእያዌ የሱሳ በኢደ አ ስንንካ ኩንዲደ፥ "ጎዳዉ፥ ኔን ኮዮፐ ታና ፓናዉ ዳንዳያ" ያጊደ ዎሴዳ።
የሱስካ ባረ ኩሽያ የድ ቦቺደ፥ "ዶሳይ ጌያ!" ጌዳ። ሄማንእያንካ ኦሉ አ የዴዳ።
ሄ ዎደ ቦላይ ስሌዳ እት ብታንያ አማሬዳ አሳይ ሻንቻማን ቶክ አህ ጎለ ገልሲደ የሱሳ ስንን ዎናዉ ኮዬድኖ። አሳ ጮራተፐ ደንዴዳዋን የሱሳኮ ሺቃናዉ ዳንዳይበይክኖ። ሄዋ ድራዉ ቦላዉ ግእ ጎልያ ካራ ቃሪደ አ፥ ሻንቻማና አሳ ግዶን የሱሳ ስንን ዎድኖ።
የሱስካ ኡንቱንቱ አማኑዋ በኢደ፥ "ሀ ብታነዉ፥ ነ ናጋራይ አቶ ጌተቴዳ" ያጌዳ።
ሙሴ ህግያ ታማርስያዋንቱነ ፓርሳዋቱ፥ "ሀዌ ጾሳ ቦርያዌ ኦኔ? እት ጾሳፐ አትን ናጋራ አቶ ጋናዉ ኦን ዳንዳዪ?" ያግ ቆፋ ዶሜድኖ።
የሱስካ ኡንቱንቱ ቆፋ ኤሮ ድራዉ ሀዋዳን ጌዳ፥ "አያዉ ህንተንቱ ዎዛናን ሀዋዳን ቆፒቴ? ‘ነ ናጋራይ አቶ ጌተቴዳ’ ጋናዋፐነ ‘ደንዳደ ባ’ ጋናዋፐ ሀቃዌ ማቴ? የዉዋን ቃይ ሀዋ ታን ጌዳዌ፥ አሳ ናአይ ቢታ ቦላን ናጋራ ማራናዉ ማታይ ደእያዋ ህንተንቱ ኤራናዳና።" ሄዋፐካ ጉንዴዳ ብታንያ፥ "ደንዳ ነ ሻንቻማ ቶካደ ነ ጎለ ባ ጋይ" ያጌዳ።
ጉንዳይካ አሳ ስንን ደንዶዋሽን ባረ ሻንቻማ ቶኪደ ጾሳ ጋላቲደ ባረ ሶይ ቤዳ።
ሀራ ሳምባታ ጋላሳን የሱስ አይሁዳቱዋ ዎስያ ጎልያ ገሊደ ታማርስ ደኤ። ሄዋንካ ኡሸቻ ኩሺ ስሌዳ ብታኒ ደኤ። ህግያ ታማርስያዋንቱነ ፓርሳዋቱ የሱሳ ሞትያ ጋሱዋ ደማናዉ እ ሳምባታን አሳ ፓፐ በአና ጊደ ናግ ደኢኖ። እካ ኡንቱንቱ ቆፋ ኤሪደ ኩሺ ስሌዳ ብታንያ፥ "ደንዳ አሳ ግዱዋን ኤቃ" ያጌዳ። ብታኒካ ደንድ ኤቄዳ።
ሄዋፐ ስሚደ የሱስ፥ "ሀንንቶነ ሳምባታ ጋላሳን ሎኦባ ኦናዉ በሲዬ ኢታባ ኦናዉ በሲ? ሸምፑዋ አሻናዉ በሲዬ ዎናዉ በሲ?" ያጌዳ። የሱስ ባረ ዩሹዋን ደእያ አሳ ኡባ ጼሎዋፐ ጉይያን ብታንያ፥ "ነ ኩሽያ ምጫ!" ያጌዳ። እካ ምጪደ ፓጼዳ።
የሱስካ ሀዋ ኡባ አሳ ስንን ሃሳይ ዉርሶዋፐ ጉይያን ህን ቅፍርናሆማ ቤዳ። ሄዋንካ እት ጼቱዋ ካፑ ደኤ። እ ዳሮፐ ዶስያ አ ቆማይ ሀርጊደ ሀያናዉ ማቴዳ። እካ የሱሳባ ስሴዳ ዎደ፥ ባረ ቆማ ዎሲደ ፓና ማላ ይሁዳ ጭማቱዋ ህን አኮ ኪቴዳ።
ኡንቱንቱካ የሱሳኮ ዪደ፥ "ሀ ብታኒ፥ ኔን አ ማዳናዳን ዳሮፐ ኮዬዳ፤ ጋሱካ ኑ አሳ እ ዳሮፐ ዶሲደ አይሁዳቱዋ ዎስያ ጎልያ ኬጽሶዌካ አ" ያጊደ ዳሮፐ ዎሴድኖ።
የሱስካ ኡንቱንቱና እትፐ ቤዳ። እካ ህን ጎልያ ሄራ ጋኬዳ ዎደ ጼቱዋ ካፑ ባረ ላገቱዋ ባረኮ ጼሲደ፥ "ታ ጎዳዉ፥ ዳቡሮፓ፤ አያዉ ጎፐ፥ ኔና ታ ጎልያ ካራፐ ጋርሳ ባጋና ገልሳናዉ ታዉ በሰና። ሀዋ ድራዉ ነ ስንን ኤቃናዉካ ሀራይ አቶ በስያዋ ግድከ። ሽን ኔን ቃላ ጻላላ ኦዳ፤ ታ ቆማይካ ፓጻናዋ። ታን ታፐ ቦላና ማታይ ደእያዋንቶ ኤኖ ጋደ ደእያ አሳ። ታፐ ጋርሳናካ ታን ኪትስያ ዎታዳራቱ ደኢኖ። እቱዋ፥ ‘ባ’ ያግያ ዎደ፥ ቤ፤ ሀራካ ቃይ፥ ‘ሃያ’ ጎፐ ዬ። ታ ቆማይካ፥ ሀዋ ‘ኦ’ ግያ ዎደ አዛዘቴ፤ ኦ" ያጌዳ።
የሱስካ ሀዋ ስሲደ አ የዉዋን ማላለቴዳ፤ ጉየ ስሚደ አ ካልያ ዳሮ አሳ፥ "ታን ህንተንቶ ቱሙዋ ጋይ፤ ታን ሀዋ ማላ አማኑዋ ሀራይ አቶ፥ እስራኤልያ ጋርሳንካ በአበይከ" ያጌዳ። ካሰ ኪተቴዳ አሳቱካ ጼቱዋ ካፑዋ ጎለ ጉየ ስምያ ዎደ፥ አ ቆማይ ፓጾዋ በኤድኖ።
ሄዋንካ ታማነ ሆስፑን ላይ ኩመን ቱና አያናይ ቁንሴዳ ምሽራታ ደአዉ። እዛካ ሱራደ ኤቃናዉ አይነ ዳንዳያበይኩ። የሱስካ እዞ በኤዳ ዎደ ጼሲደ፥ "ሀ ምሽራቴ፥ ነ ሀርግያፐ ፓጻዳ" ያጌዳ። የሱስ ባረ ኩሽያ እዝ ቦላ ዎና፥ ሄ ዎደ ሱራ ስት ጋ ኤቃደ ባረ ጾሳ ጋላታዱ።
ሳምባታ ጋላስ ፓርሳዋቱዋ ሱንቱዋፐ እቱዋ ጎለ የሱስ ቁማ ማናዉ ገሌዳ ዎደ፥ አያ ኪተትንቶ በአናዉ አሳቱ ናግ ደኢኖ። ቦላይ ጋፍና መቶትያ እት ብታኒ የሱሳፐ ስንና ደኤ። የሱስ ህግያ ታማርስያዋንታነ ፓርሳዋቱዋ፥ "ሳምባታን ፓናዉ ዳንዳየት ዳንዳየተኔ?" ጊደ ኦቼዳ።
ኡንቱንቱካ ጮኡ ጌድኖ። እ ሄ ብታንያ ቦላ ቦች ፓደ አ ሞይዜዳ።
የሱስ የሩሳላመ ቢደ፥ ጋሊላፐነ ሳማርያ ግያ ጋዳቱዋፐ ግዱዋና አዳ። እ እት ጉ ካታማቶ ገልያ ዎድያን፥ ሃኩዋን ኤቄዳ ታሙ ኦሉዋን ኦይቀቴዳዋንቱ አ በኤድኖ። ኡንቱንቱካ ሃኩዋን ኤቂደ፥ ባረንቱ ኮሻ ቁ ኦደ፥ "የሱሳ፥ ጎዳዉ፥ ሀያ ጎዶ ኑና ፓርኪ!" ያጌድኖ።
የሱስ ኡንቱንታ በኢደ፥ "ቢደ፥ ህንተንቱ ቦላ ቄሳቱዋ በስተ" ያጌዳ።
ኡንቱንቱካ ቄሳቱዋኮ ብደኢደ ኦሉዋፐ ፓጼድኖ።
ኡንቱንቱፐ እቱ ባረ ሀርግያፐ ፓጼዳዋ በኢደ፥ ባረ ኮሻ ቁ ኦደ፥ ጾሳ ቦንቺደ ስሜዳ። ጋላቲደካ የሱሳ ገድያ ማታን ጉልባቴዳ። ሄ ብታኒ ሳማርያ አሳ።
የሱስ ዛሪደ፥ "ታሙ ፓጽበይክኖ? ያትና ኡዱፑናቱ ሀቃን ደኢኖ? አይሁዳ አሳ ግደና ሳማርያ ብታንያፐ አትን፥ ጾሳ ቦንቻናዉ ስሜዳዋንቱ ባዋ ጉሴ?" ያጌዳ። የሱስ አ፥ "ደንዳ ባ፤ ነ አማኑ ኔና ፓዳ" ያጌዳ።
ሄዋፐ ጉይያን፥ የሱስ አይሁዳቱ ቦንችያ ባላዉ የሩሳላመ ቤዳ። የሩሳላመን ዶርሳ ፐንግያ ማታን እብራይስጸ ቃላን ቤተሳይዳ ጌተትያ ዳጋት ኡቴዳ ሃይ ደኤ፤ ሄ ዳጋት ኡቴዳ ሃ ዩይ አዳ እቼሹ ካሻይ ደኤ። ሄዋን ጮራ ሀርጋንቻቱ፥ ቆቃቱ፥ ዎባቱነ ስሌዳዋንቱ ግሴድኖ። [ሃይ ቃጽያዋ ናጊኖ። አያዉ ጎፐ፥ እት እት ገደ ጎዳ ኪታንቻይ ሄ ዳጋቴዳ ሃኮ ገሊደ፥ ሃ ቃ፤ ሃይ ቃጼዳዋፐ ጉይያን፥ ኮይሮ ገሌዳ ኡራይ ባረና ኦይቄዳ አይ ሀርግያፐካ ፓጼ።] ሄዋን ሀታማነ ሆስፑን ላይ ሳከቴዳ እት ብታኒ ደኤ። ሄ ብታኒ ሄዋን ግሴዳዋ የሱስ በኢደ፥ ዳሮ ዎድያ ሳከቴዳዋካ ኤሪደ ብታንያ፥ "ፓጻናዉ ኮያይ?" ያጌዳ።
ሳከትያ ብታኒ ዛሪደ፥ "ጎዳዉ፥ ሃይ ቃጽያ ዎደ፥ ታና ሃን የግያ አሳይ ዬዳ፤ ታን ገላና ሀንያ ዎደ፥ ሀራ ኡራይ ታፐ ካሰቲደ ገል አጌ" ያጌዳ።
የሱስ አ፥ "ደንዳ ኤቃ፤ ኔን ግሶዋ ቶካደ ባ" ያጌዳ። ብታኒ ኤለካ ፓጽ አጌዳ፤ ባረ ግሱዋ ቶኪደ ቤዳ።
ሄዌ ሀኔዳዌ ሳምባታ ጋላሳና።
የሱስ ሃ ዎይንያ ኡሻ ከሴዳ፥ ጋሊላን ደእያ ቃና ካታማ ቤዳ። ቅፍርናሆማን አ ናአይ ሳከትያ፥ ካትያ ጎለን ኦያ እት ካፑ ደኤ። የሱስ ይሁዳፐ ጋሊላ ዬዳዋ ሄ ካፑ ስሲደ፥ አኮ ዪደ ሀይቃናዉ ማቴዳ ባረ ናኣ ቢደ ፓና ማላ፥ የሱሳ ዎሴዳ።
የሱስ ሄ ካፑዋ፥ "ጾሳይ ኦያ ማላታነ ሄቾ ጊስያባ በኤናን ደኢደ፥ ህንተንቱ አይነ አማንክታ" ያጌዳ።
ሄ ካፑ ዛሪደ፥ "ጎዳዉ፥ ታ ናአይ ሀይቀናን ደእሽን፥ ታናና ባርኪ" ያጌዳ።
የሱስ፥ "ባ፤ ነ ናአይ ፓጻ ደአናዋ!" ያጌዳ።
ሄ ካፑ የሱስ ጌዳዋ አማኒደ ቤዳ። እ ባረ ጎለ ቢሽን፥ አ ቆማቱ አናና ኦግያን ጋከቲደ አ፥ "ነ ናአይ ፓጻ ደኤ" ጌድኖ።
እ ባረ ቆማቱዋ ባረ ናአዉ አይ ሳትያን ኬኬደንቶ ኦችና ኡንቱንቱ፥ "ዝኖ ላፑ ሳትያን ቆጹ አ አጌዳ" ያጌድኖ። ናኣ አዉ የሱስ ባረዉ፥ "ነ ናአይ ፓጻ ደአናዋ" ጌዳዌ ሄ ሳትያና ግዴዳዋ ሀሳዬዳ። ሄዋ ድራዉ፥ እነ አ ሶይ አሳይ ኡባይ አማኔድኖ።
ሀዌ የሱስ ይሁዳፐ ጋሊላ ዪደ ኦዳ ላኤን ማላታ።
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ሄ ዎደ ታማነ ላኡ ላይ ኩመን፥ እዝ ቦላፐ ሱይ ጎግያ እት ምሽራታ ጉየና ሺቃደ፥ የሱሳ ማዩዋ ማጫራ ቦቻዱ። ሀዋ እዛ ኦዌ፥ እዛ ባረ ዎዛናን፥ "ታን አ ማዩዋ ጻላላ ቦቻንቶ ፓጻና" ያጋደ ቆፓዱ።
ሽን የሱስ ዩይ እዞ ጼሊደ፥ "ታ ናቴ፥ ያዮፓ፤ ኔና ነ አማኑ ፓዳ" ያጌዳ። ሄ ማንእያን ምሽራታ ፓጻ አጋዱ።
ታማነ ላኡ ላይ ኡባ እዝ ቦላፐ ሱይ ጎግያ እት ምሽራታ ደአዉ። ጮራ አክማቱ እዞ አክምሽንካ፥ እዛ ፓጻ ካኤታዱ፤ ባረ ሚሻ ኡባ ዉርስናካ እዝዉ ሃ ኢቴዳዋፐ አትን፥ አይነ እዞ ማድቤና። ሄ ምሽራታ የሱሳባ ስሳደ፥ አሳ ግዶና የሱሳፐ ጉየና ያደ፥ አ ማዩዋ ቦቻዱ። አያዉ ጎፐ እዛ፥ "ታን ሀራይ አቶ፥ አ ማዩዋ ቦቾፐካ ፓጻና" ያጋደ ቆፓዱ።
ኢፐ ጎግያ ሱይ ኤለካ ኤቂ አጌዳ፤ እዛ ባረ ዋይያፐ ፓጼዳዋ ባረ ቦላን ኤራ አጋዱ።
ሄ አሳ ግዶን ሄ ዎድያን ታማነ ላኡ ላይ ኡባ ሱይ ጎግያ ምሽራታ ደአዉ። ባረ ደእያ ሻሉዋ ኡባ ልያ ኤርያዋንቶ ዉርስናካ ፓናዉ ዳንዳዮዌ ኦንነ ባዋ።
ጉየና ያደ አ ማዩዋ ማጫራ ቦቻዱ፤ ሄ ማንእያን ኢፐ ጎግያ ሱይ ኤቂ አጌዳ። የሱስ፥ "ኦኔ ታና ቦቾዌ?" ያጌዳ።
ኡባይ ካድና ጰጽሮስ፥ "ጎዳዉ፥ አሳይ ሱገቲደ መቶትያ ዎደ፥ ‘ኦኔ ታና ቦቾዌ’ ያጋይ?" ጌዳ።
ሽን የሱስ፥ "እት አሳይ ታና ቦቼዳ፤ ዎልቃይካ ታፐ ከሶዋ ታን ኤራይ" ያጌዳ። ምሽራታካ፥ የሱሳ እዛ ቦቾዌ ኤረተናን አትቤናዋ ኤራደ፥ ኮኮራደ ዮና የሱሳ ስንን ኩንዳ አጋዱ። አያ ጋሱዋን የሱሳ ቦቻደንቶ እዛ ፓጾዋ ኡባ አሳ ስንን ኦዳዱ።
እካ እዝዉ፥ "ሀ ምሽራቴ! ነ አማኑ ኔና ፓዳ፤ ሳሮ ባ" ያጌዳ።
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
የሱስ ኡንቱንቶ ሄዋ ኦድሽን፥ አይሁደ ዎሳ ጎለ ካፓቱዋፐ እቱ አኮ ይ አ ስንን ጉልባቲደ፥ "ታ ናታ ሀእ ሀይቃዱ፤ ሽን ኔን ያደ ነ ኩሽያ እዝ ቦላ ዎርኪ፤ እዛ ደኡዋን ደአናዉኑ" ያጌዳ።
የሱስ ደንዲደ፥ ባረና ካልያዋንቱና እትፐ ብታንያ ካሊደ ቤዳ።
የሱስ አይሁዳ ዎሳ ጎለ ካፑዋ ሶይ ጋኬዳ ዎደ፥ ዬኩዋን ድንካ ፑንያ አሳነ ዬክያ አሳ በኢደ፥ "ካረ ከስተ፤ ጉ ናታ ገምእሻዱፐ አትን፥ ሀይቃበይኩ" ያጌዳ። ሄዋፐ ጉይያን አሳይ አ ቦላ ዳሪ ሚጬዳ። ሽን ጮራ አሳ ካረ እ ከሴዳዋፐ ጉይያን፥ ጎለ ገሊደ፥ ናት ኩሽያ ኦይቄዳ፤ ናታካ ደንዳ አጋዱ።
ያእሮሳ ግያዌ፥ አይሁዳ ዎሳ ጎልያ ካፓቱዋፐ እቱ፥ የሱሳ በኤዳ ዎደ አኮ ይ አ ገድያን ኩንዲደ፥ "ታ ናታ ሀርጋደ ሀይቃናዉ፤ እዛ ፓጺደ ሎኦ ደአና ማላ፥ ያደ ነ ኩሽያ እዝ ቦላ ዎርኪ" ያጊደ የሱሳ ምንሲደ ዎሴዳ።
የሱስ ያእሮሳና ቤዳ፤ እ ቢሽን ጮራ አሳይ አ ካሊደ መቶድኖ።
ኡንቱንቱ አይሁዳ ዎሳ ጎልያ ካፑዋ ሶይ ጋኬዳ ዎደ፥ የሱስ አሳይ ሎይ ዬክያዋነ ዝላልያዋ በኤዳ። ገሊደ አሳ፥ "አያዉ ሎይ ዬኪቴ? ናታ ገምእሻዱፐ አትን፥ ሀይቃበይኩ" ያጌዳ።
ሄዋፐ ጉየ አሳይ አ ቦላ ሚጬዳ፤ ሽን አሳ ኡባ ካረ ከሲደ፥ ናት አዉዋነ አቶ ሄዋን ባረናና ደእያ አ ካልያዋንታነ አኪደ፥ ናታ ደኢያሳ ገሌዳ። የሱስ ናት ኩሽያ ኦይቂደ፥ "ጻልታ፥ ቁሚ" ያጌዳ፤ ሄዋ ብለይ፥ "ጉ ናቴ፥ ታን ኔና ደንዳ ጋይ" ግያዋ።
ናታ ኤለካ ደንዳ ኤቃደ ሀመታዱ፤ እዛ ታማነ ላኡ ላይ ናቶ፤ ሄዌ ሀንያዋን አሳይ ዳሮ ማላለቴዳ።
የሱስ፥ "ስም ታን ሀ ዎድያ አሳ አያና ሌምሶ? ኡንቱንቱ አያ ማላቲኖ? ኡንቱንቱ ገያሳን ኡቲደ እቱ እቱዋ ጼሲደ፥ ‘ሱሱልያ ህንተንቶ ፑንናካ
ካእበይክታ፤
ዬኩዋ የ ከሴዶሽንካ
ዬክበይክታ
ያገትያ ናና ማላቲኖ’ ጌዳ።
ጻማቅያ ዮሃንስ ቁማ ሜናን ዎይንያ ኤሳካ ኡሸናን ዪና፥ ‘አ ቦላን ጋሌናይ ደኤ’ ያጌድታ። ታን አሳ ናአይ ማደነ ኡሻደ ዪና፥ ‘ሀዌ ናፍሳማ፤ ዎይንያ ኤሳካ ኡሽያዋ፤ ቃራጽያዋንቶነ ናጋራንቻቶ ዳቡዋ’ ያጊታ። ግዶፐ አትን ጾሳ አ ኤራተይ ባረ ኦሱዋን ቱማ ግዲደ ቤቴዳ" ያጌዳ።
ፓርሳዋቱዋፐ እቱ ባረናና ቁማ ማና ማላ ሾቢና፥ የሱስ አ ሶይ ቢደ ማናዉ ኡቴዳ። ሄ ካታማን ናጋራንቻ ጌተቴዳ እት ምሽራታ ደኤዉና፥ የሱስ አ ሶይን ኡቴዳዋ ስሳደ፥ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ሽቱዋ አካ ያዱ።
ሄ ዎደ፥ አይሁደ አሳ ዎሳ ጎለዉ ሱን ግዴዳ ያእሮሳ ያገትያ ብታኒ አኮ ዬዳ። እካ የሱሳ ገድያ ስንን ኩንዲደ፥ ባረ ጎለ ገላና ማላ ዎሴዳ። ጋሶተይካ ታማነ ላኡ ላይይ ኩሜዳ አዉ ደእያ እት ናታ ሀይቃናዉ ማታ ኡቶ ድራሳ።
የሱስ ብያ ዎደ ጮራ አሳይ አ ዩሹዋን ሱገቲደ መቶድኖ።
የሱስ ሃሳይ ደእሽን፥ አይሁዳ አሳ አማንያዋንቱ ሱን ሶይፐ እት ብታኒ ዬዳዌ፥ "ነ ናታ ሀያዱ፤ ስም ታማርስያዋ መቶፓ" ያጌዳ።
የሱስ ሀዋ ስሲደ፥ "ያእሮሳ፥ አማናፐ አትን፥ ያዮፓ! እዛ ፓጻናዉኑ" ያግ ዛሬዳ።
ሶይ ገሊደ: ጰጽሮሳፐ፥ ያቆባፐ፥ ዮሃንሳፐ፥ ናት አቡፐነ ናት ዳይፐ አትን፥ ኦንነ ገላናዳን ኤኖ ግቤና። ኡባይ ሄ ናትዉ ዬኪደነ ካዮቲድ ደኢኖ። ሽን የሱስ፥ "ዬኮፕተ፥ ግሳዱፐ አትን ሀያበይኩ" ያጌዳ።
እዛ ሀይቄዳዋ ኤሪደ አ ቦላ ሚጬድኖ። ግዶፐ አትን የሱስ እዝ ኩሽያ ኦይቂደ፥ "ሀ ናቴ፥ ቤጎታ!" ያጌዳ። እዝ ሸምፑካ ስምና ኤለካ ደንዳ ኤቂና ማናባ እማና ማላ፥ የሱስ አዛዜዳ። እዝ አቡነ እዝ ዳያ ማላለቴድኖ፤ ሽን የሱስ ኡንቱንታ፥ ሀኖ የዉዋ ኦስነ ኦደና ማላ አዛዜዳ።
ቢታንያ ግያ ቄር ካታማን አልኣዛራ ግያ እት ብታኒ ሀርጌዳ፤ ሄ ካታማይ ማይራማነ እዝ ምቻታ ማርታ ደኤዳ ካታማ። ጎዳ ገድያ ሽቱዋ ኦካደ፥ ባረ ብናናን አ ገድያ ቁጬዳዉና ሄ ማይራሞ፤ ሀርጌዳዌ ቃይ እዝ እሻ አልኣዛራ። ሄዋ ድራዉ፥ ምቻቱ፥ "ጎዳዉ፥ ኔን ሲቅያዌ ሀርጌዳ" ጊደ የሱሳዉ ኪቴድኖ።
የሱስ ሄዋ ስሴዳ ዎደ፥ "ታን ጾሳ ናአይ ሀርግያ ጋሱዋን ቦንቼታና ማላ፥ ጾሳ ቦንቾ ሀ ሀርጊ አልኣዛራ ኦይቄዳፐ አትን፥ ዎያ ሀርግያ ግደና" ያጌዳ።
የሱስ ማርቶ፥ እዝ ምቻቶነ አልኣዛራ ሲቄ፤ አልኣዛር ሀርጌዳዋ የሱስ ስሴዳ ዎደ፥ ባረ ደእያ ሳኣን ላኡ ጋላሳ ፔሼዳ። ሄዋፐ ጉይያን፥ የሱስ ባረና ካልያዋንታ "ላኤንዋ ይሁዳ ጋድያ ቦይተ" ያጌዳ።
የሱሳ ካልያዋንቱ ዛሪደ፥ "ታማርስያዎ፥ ጉ ዎድያፐ ካሰ አይሁዳቱ ኔና ሹቻን ጫዳናዉ ኮዬድኖ፤ ቃይካ ያ ባኒ?" ያጌድኖ።
የሱስ፥ "እት ጋላሳን ታማነ ላኡ ሳቲ ደኤኔየ? ጋላስ ሀመትያ አሳይ በተና፤ አያዉ ጎፐ፥ እ ሀ ሳኣ ፖኡዋ በኤ። ሽን ቃማ ሀመትያ ኡራይ ደኦፐ፥ ፖኡ አን ባይና ድራዉ፥ በቴ" ያጌዳ። የሱስ ሄዋ ጌዳዋፐ ጉይያን፥ ቃይካ ኡንቱንቶ፥ "ኑ ዳቡ አልኣዛር ገምእሼዳ፤ ሽን ገምእሹዋፐ አ ደንናዉ ታን ባይ" ያጌዳ።
የሱሳ ካልያዋንቱ ዛሪደ፥ "ጎዳዉ፥ እ ገምእሼዳዋ ግዶፐ፥ አዉ ሎአናዋ" ያጌድኖ።
አልኣዛር ሀይቄዳዋ የሱስ ኦዴዳ፤ ሽን አልኣዛር ገምእሺደ ግሴዳዋ ኦዴዳ ጊደ፥ ኡንቱንቱ ቆፔድኖ። ሄዋ ድራዉ፥ የሱስ ጌሺደ ኡንቱንታ፥ "አልኣዛር ሀይቄዳ።
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
የሱስ ዎንግርያን ገሎደ፥ አ ካልያዋንቱ አናና ቤድኖ። ቤታይ ዎንግርያ ምታና ጋካናዉ፥ አባን ዎልቃማ ሆቢ ደንዴዳ፤ ሽን የሱስ ገምእሼዳ። አ ካልያዋንቱ አኮ ቢደ፥ ገምእሹዋፐ ደንድኖ፤ ሄዋፐ ስሚደ አ፥ "ጎዳዉ፥ ኑን ዬቶ፤ ኑና አሻርኪ" ያጌድኖ።
የሱስ ኡንቱንታ፥ "ሀ አማኑ ፓጬዳዋንቶ፥ አያዉ ያዪቴ?" ያጌዳ። ሄዋፐ ጉይያን ደንዲደ፥ ጎቱዋነ ቤታ አግተ ጊና፥ ጎቱነ ቤታይ ጮኡ ጌዳ።
አሳይ ማላለቲደ፥ "ሀዌ ላ ሀራይ አቶ፥ ጎቱነ ቤታይ አዛዘትያዌ አይባ አሴ?" ያጌድኖ።
ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ "ሀዌ ሳአይ አሳይ ባይናሳ፤ ሀእ ሳአይ ቃም ድጌዳ፤ አሳይ ኡባይ ቄር ካታማቱዋ ቢደ፥ ባረንቶ ቁማ ሻማና ማላ፥ አሳ ሞይዛ" ያጌድኖ።
ሽን የሱስ ኡንቱንታ፥ "አሳይ ባናዉ ኮሸና፤ አሳዉ ሜተትያባ ህንተንቱ እምተ" ያጌዳ።
ኡንቱንቱ ዛሪደ አ፥ "ኑዉ ሀዋን እቼሹ ኡክፐነ ላኡ ሞልያፐ አትን፥ ሀራይ ባዋ" ያጌድኖ።
የሱስ ኡንቱንታ፥ "ሄዋንታ፥ ሃ ታኮ አህተ" ያጌዳ። አሳይ ማታን ኡታና ማላ፥ የሱስ አዛዜዳ፤ እቼሹ ኡክነ ላኡ ሞልያ ኦይቂደ፥ ሳሉዋ ፑደ ጼሊደ፥ ጾሳ ጋላቴዳ፤ ሄ ኡክ መንደ፥ ባረና ካልያዋንቶ እምና፥ ኡንቱንቱ ጮራ አሳዉ ግሼድኖ። አሳይ ኡባይ ሚደ ካሌዳ፤ አቴዳ ሱፓ ዶካ ታማነ ላኡ ዛምቤልያ ኩሜዳዋ ደንድኖ። ሜዳ አሳይ ማጫ አሳነ ናና ፓይደናን፥ እቼሹ ሻኣ ግድያዋ ኬና።
ባይራ ኩቱ ዋስ ስምና፥ የሱስ አባ ቦላ ሀመቲደ፥ ኡንቱንቱኮ ዬዳ።
የሱስ ባረና ካልያዋንታ ባረኮ ጼሲደ፥ "ሀ ጮራ አሳይ ታናና ሄዙ ጋላሳይ ጋካናዉ ጋምኤዳ ድራዉ፥ ታን ሀ አሳዉ ቃረታይ፤ ኡንቱንቶ ሀእ ምያዌ ባዋ። ቃይ ኡንቱንቱ ኦግያን ዳቡሪደ ኩንደና ማላ፥ ቁማ ምዘናን ኡንቱንታ መላ የዳናዉካ ኮይከ" ያጌዳ።
አ ካልያዋንቱ ዛሪደ የሱሳ፥ "ኑን ሀ ባዙዋን ሀዋ ኬና አሳ ካልስያ ቁማ ሀቃፐ ደማኔ?" ያጌድኖ።
ቃይ የሱስ ኡንቱንታ፥ "ህንተንቶ አፑን ኡክይ ደኢ?" ያጊደ ኦቼዳ።
ኡንቱንቱ፥ "ላፑ ኡክይነ ሞለቱዋፐ አማሬዳዋንቱ ደኢኖ" ያጌድኖ።
የሱስ አሳ፥ "ሳኣን ኡትተ" ያጌዳ። ሄ ላፑ ኡክነ ሞልያ ኦይቂደ፥ ጾሳ ጋላቴዳ፤ መንሬደ ባረና ካልያዋንቶ እሜዳ፤ ቃይ ኡንቱንቱ ጮራ አሳዉ እሜድኖ።
አሳይ ኡባይ ሚደ ካሌዳ፤ ሚና አቴዳ ላፑ ዛምቤልያ ኩሜዳ ሱፓ አ ካልያዋንቱ ደንድኖ። ሜዳ አሳይ ማጫ አሳነ ናና ፓይደናን፥ ኦይዱ ሻአ አቱማ አሳ።
የሱስነ አ ካልያዋንቱ ቅፍርናሆማ ካታማ ዬዳ ዎደ፥ ጌሻ ጎልያስ ቃራጻ አክያዋንቱ ጰጽሮሳኮ ዪደ፥ "ህንተንታ ታማርስያዌ ጌሻ ጎልያ ጊራ ጊረኔ?" ያጌድኖ።
እ ዛሪደ፥ "ጊሬ" ያጌዳ።
ጰጽሮስ ሶይ ገሌዳ ዎደ፥ የሱስ ካሰቲደ አ፥ "ስሞና፥ ነ ቆፋይ አዬ? ሀ ሳኣ ካታቱ ቃራጻ ዎይ ጊራ ኦፐ አኪኖ? ባረንቱ ጋድያ አሳፐ አኪኖ ዎይ ሀራ ጋድያ አሳፐ አኪኖ?" ያጌዳ።
ጰጽሮስ፥ "ሀራ ጋድያ አሳፐ አኪኖ" ያጌዳ።
የሱስ ጰጽሮሳ፥ "ያቶፐ፥ ጋድያ አሳይ ጊራናዉ በሰና። ሽን ኑን ሀ አሳቱዋ ሀንቀናዉ ኮዮኮ፤ ኔን አባ ባደ አን ዳባ የጋ፤ ያታደ ኮይሮ ከስያ ሞልያ ኦይቃደ፥ አ ዶና ፖቅያ ዎደ፥ ጊራዉ ግድያ ሚሻ ኔን ደማና። ሄዋ አካደ፥ ታ ጊራነ ነ ጊራ ኡንቱንቶ እማ" ያጌዳ።
የሱስ ዎንታ ጉራና ካታማ ቤዳ ድራዉ ኮሻቴዳ። ኦግያ ዶናን እት ባላስያ ጌተትያ ምቶ በኢደ፥ ኢኮ ቤዳ፤ ብ ጋክያ ዎደ ሄ ምትን ሀይ ጻላላፐ አትን፥ አይፍያ አይነ ደምቤና፤ እዞ፥ "ላኤንዋ መናዉካ አይፎፓ" ያግና፥ ሄ ባላሳታ ኤለካ መላ አጋዱ።
አ ካልያዋንቱ ሄዋ በኢደ ማላለቲደ፥ "ሀ ባላሳታ ዋናደ እት ኩን መላ አጋዴ?" ያጌድኖ።
የሱስ ዛሪደ፥ "ታን ህንተንቶ ቱሙዋ ጋይ፤ ህንተንቱ አማኑ ደእያዋንታነ ስናዋንታ ግዶፐ፥ ሀ ባላሳቶ ታን ኦዳዋ ማላ ጻላላ ኦክታ፤ ሽን ሀራይ አቶ ህንተንቱ ሀ ደርያ፥ ‘ደንዳደ አባን ኩንዳ’ ግንቶካ ሀናና፤ ህንተንቱ አማኒደ ጾሳ ዎስያዋ አያ ግድንቶካ አካና" ያጌዳ።
ዎልቃማ ጎቱ ደንድና፥ ቤታይ ዎንግርያ ሾጭና፥ ሃይ ኩማና ጋካናዉ ዎንግርያ ግዶ ገሌዳ። ሄ ዎደ የሱስ ዎንግርያን ጉየ ባጋና ቦርኮ ቦርኮቲደ ገምእሼዳ። የሱሳ ካልያዋንቱ አ ደንደ፥ "ታማርስያዎ፥ ኑን ይያ ዎደ ጮኡ ጋደ ጼላይ?" ያጌድኖ።
እ ቤጎቲደ ጎቱዋ፥ "ጮኡ ጋ" ጊደ፥ አባካ፥ "ዎፑ ጋ" ጌዳ፤ ጎቱካ ጮኡ ጊና፥ ኡባባይካ ዎፑ ጌዳ። የሱስ ባረና ካልያዋንታ "አያዉ ሀዋዳን ያዪቴ? ህንተንቱ ዋን አማንክቴ?" ያጌዳ።
ኡንቱንቱ ዳሮ ያዪደ ባረንቱ ግዶን፥ "ሀዌ ላ ሀራይ አቶ፥ ጎቱነ አባይ አዛዘትያዌ ኦኔ?" ያጌድኖ።
ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ "ሀዌ ሳአይ አሳይ ባይና ሳኣ፤ ሀእ ሳአይካ ቃም ድጌዳ፤ አሳይ ሄራነ ቄር ካታማቱዋ ግዶ ቢደ፥ ባረንቶ ምያባ ሻማና ማላ፥ አሳ ሞይዛ" ያጌድኖ።
ሽን የሱስ ዛሪደ ኡንቱንታ፥ "አሳዉ ምያባ ህንተ እምተ" ያጌዳ።
ሄዋፐ ጉየ ኡንቱንቱ፥ "ኑን ቢደ፥ ላኡ ጼቱ ብራ ሳንትምያ ቁማ ሻሚደ፥ አሳይ ማናዉ እማኔ?" ያጊደ አ ኦቼድኖ።
የሱስ ኡንቱንታ፥ "ህንተንቶ አፑን ዳቡ ደኢ? ቢደ በእተ" ያጌዳ።
ኡንቱንቱ በኢደ፥ "እቼሹ ዳቡዋነ ላኡ ሞልያ" ያጌድኖ።
የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ። አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ። የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ። አሳይ ኡባይ ሚደ ካሌድኖ። ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንድኖ። ዳቡዋ ሜዳ አቱማ አሳይ እቼሹ ሻአ።
ጫርኩ አ ካልያዋንቱኮ ጫርክያ ድራዉ፥ ባረና ካልያዋንታ ዎምባ ቤታይ መቶያዋ የሱስ በኢደ፥ ኩቱ ዋሳና ሀንያ ዎደ ዎምባ ቦላን ሀመቲደ፥ ኡንቱንቱኮ ዬዳ፤ ኡንቱንታ የግ አናዉ ኮዬዳ። ሽን ዎምባ ቦላን እ ሀመትሽን፥ ኡንቱንቱ አ በኢደ፥ ባረንቶ ሞይትልያ ማላትና ዋሴድኖ። አያዉ ጎፐ፥ ኡንቱንቱ ኡባይ አ በኢደ፥ ያሻ ኮኮሬድኖ፤ ሽን ኤለካ የሱስ ኡንቱንታ፥ "አይነ ባዋ፤ ታናተኔ ያዮፕተ" ያጌዳ። የሱስ ኡንቱንቱና እትፐ ዎንግርያን ገልና፥ ጫርኩ ዎፑ ጌዳ፤ ኡንቱንቱ ዳሮ ማላለቴድኖ።
ሄ ዎደ፥ ጮራ አሳይ ቃይ የሱሳኮ ሺቄዳ፤ አሳዉ ምያባይ ይና፥ የሱስ ባረና ካልያዋንታ ባረኮ ጼሲደ፥ "ሀ ጮራ አሳይ ታናና ሄዙ ጋላሳይ ጋካናዉ ጋምኢደ፥ ምያባ አይነ ደምቤና ድራዉ፥ ታን ኡንቱንቶ ቃረታይ። ታን ኡንቱንታ ኮሻና ሶይ የዶፐ፥ ቢደ ኦግያን ዳቡሪደ ኩንዳና፤ አያዉ ጎፐ፥ እቱ እቱ ሃኮ ሳፐ ዬዳ" ያጌዳ።
አ ካልያዋንቱ ዛሪደ፥ "ሀ አሳይ ባይና ሳን ሀ አሳ ኡባ ምዛናዉ ግድያ ቁማ ደማናዉ ዳንዳይያዌ ኦኔ?" ያጌድኖ።
የሱስ ኡንቱንታ፥ "ህንተንቶ አፑን ዳቡ ደኢ?" ያጊደ ኦቼዳ።
ኡንቱንቱ፥ "ላፑ ዳቡ ደኤ" ያጌድኖ።
የሱስ አሳ፥ "ሳኣን ኡትተ" ያጊደ አዛዜዳ፤ ቃይ ላፑ ዳቡዋ አኪደ፥ ጾሳ ጋላቴዳ፤ ሄ ዳቡዋ መንደ፥ አሳዉ ግሻና ማላ፥ ባረና ካልያዋንቶ እሜዳ። የሱሳ ካልያዋንቱ ሄ ጮራ አሳዉ ግሼድኖ። ኡንቱንቶ ቃይካ አማሬዳ ሱፓ ሞለቱ ደኢኖ፤ የሱስ ሄዋንቶካ ጾሳ ጋላቲደ፥ አሳዉ ግሻና ማላ፥ ባረና ካልያዋንታ አዛዜዳ። አሳይ ኡባይ ሚደ ካልና አቴዳ ዶካይ ላፑ ዛምቤልያ ኩሜዳዋ አ ካልያዋንቱ ደንድኖ። ቁማ ሜዳ አሳይ ኦይዱ ሻአ ግዳና፤ ሄዋፐ ጉይያን፥ የሱስ አሳ የዴዳ።
ዎንተ ጋላስ ኡንቱንቱ ቢታንያፐ ከሲደ ቢሽን፥ የሱስ ኮሻቴዳ። ሃኩዋን እት ባላስያ ግያ ምቶ ሀይ ማያ ኡቴዳዉኖ በኢደ፥ ኦን ኤር እ ቦላ አይፊ ቤቶፐነ ጊደ፥ በአናዉ እዝኮ ቤዳ፤ ሽን እዝኮ እ ብያ ዎደ፥ ሀይ ጻላላፐ አትን፥ አይነ አይፍያ ደምቤና፤ አያዉ ጎፐ፥ ባላሲ አይፍያ ዎዲ ጋክቤና። የሱስ ሄ ባላሳቶ፥ "ኔፐ ሽረቲደ መናዉ ኦንነ አይፍያ ሞፖ" ያጌዳ። የሱሳ ካልያዋንቱ እ ግያዋ ስሴድኖ።
ኡንቱንቱ ዎንተ ጋላስ ጉራ ኦግያና አደ፥ ሄ ባላሳታ ጻጱዋና መላ ድጌዳዉኖ በኤድኖ። ጰጽሮስ ሀሳዪደ፥ "ታማርስያዎ፥ በአ፤ ኔን ሸቄዳ ባላሳታ መላ ድጋዱ" ያጌዳ።
የሱስ ዛሪደ፥ ኡንቱንታ ሀዋዳን ያጌዳ፤ "ጾሳ አማንተ። ታን ህንተንቶ ቱሙዋ ጋይ፤ ኦንነ ባረ ዎዛናን ስናን ባረ ጌዳባይ ሀናናዋ አማኒደ፥ ሀ ደርያ፥ ‘ደንዳደ አባን ኩንዳ’ ጎፐ ሀናና። ሄዋ ድራዉ፥ ጾሳ ህንተ ዎስያባነ ኦችያባ ኡባ አክ ድጎዋዳን አማንተ፤ ህንተ አካና። ጾሳ ዎሳናዉ ህንተ ኤቂያ ዎደ፥ ሳሉዋን ደእያ ህንተ አዉ ህንተ ናጋራ አቶ ጋና ማላ፥ ኦንነ ህንተንታ ናቄዳባይ ደኦፐ፥ አዉ አቶ ጊተ።
እት ጋላስ የሱስ ገንሳሬጸ አባ ጋጻን ኤቂደ ደእሽን ጮራ አሳይ አኮ ሺቂደ ጾሳ ቃላ ስሳናዉ ሱገት ደኢኖ። ሄ ዎደ ላኡ ዎንግራቱ አባ ጋጻን ኤቆዋ እ በኤዳ፤ ሞልያ ጲርያዋንቱ ቃይ ዎንግራቱዋፐ ዎደ ባረንቱ ዳባ ሜጭ ደኢኖ። የሱስ ዎንግራቱዋ ግዶፐ ስሞናዉኖ ግዴዳዉንን ገሊደ ሳኣፐ ያ አባኮ ጉ ሺሻናዳን ኦቼዳ። ሄዋፐ ጉየ ዎንግርያ ቦላን ኡቲደ አሳ ታማርሱዋ ዶሜዳ።
ታማርሱዋ በዋፐ ጉይያን ስሞና፥ "ዎንግርያ ያ አባ ጪሙዋኮ ሺሽተ፤ ህንተንቱ ዳባካ ሞልያ ጲራናዉ ኦልተ" ያጌዳ።
ስሞንካ፥ "ጎዳዉ፥ ቃማ ኩመን ዳቡር አቂደ አይነካ ኦይቂበይኮ፤ ሽን ሀእ ኔን ጎዋዳን ዳባ ኦሌቶ" ያግ ዛሬዳ።
ሄዋዳንካ ኦዳ ዎደ፥ ዳሮ ጮራ ሞልያ ኦይቄድኖ። ኡንቱንቱ ዳባቱካ ዱጸረታናዉ ሀኔድኖ። ሀራ ዎንግርያን ደእያ ላገቱ ዪደ ማዳናዳን ዉቴድኖ፤ ኡንቱንቱ ላኡ ዎንግራቱዋንካ ሞልያ ኩንና ዎንግራቱ ምተቱሳ ዶሜድኖ።
ስሞን ጰጽሮስካ ሀዋ በኤዳ ዎደ የሱሳ ጉልባታን ኩንዲደ፥ "ጎዳዉ፥ ታን ናጋራንቻ አሳ ግዶ ድራዉ ታፐ ሻከታ" ያጌዳ። ሀዋ ጌዳዌ እነ አናና እትፐ ደእያዋንቱ ኡባይ ባረንቱ ኦይቄዳ ሞልያ ጮራተን ማላለቴድኖ። ሄዋዳንካ ቃይ ስሞና ላገ ግዴዳዋንቱ ዛብድዮሳ ናናቱ ያቆብነ ዮሃንስ ማላለቴድኖ።
የሱስካ ስሞና፥ "ያዮፓ ሀዋፐ ጉይያን አሳ ጲርያዋ ግዳናሳ" ጌዳ።
ኡንቱንቱካ ዎንግራቱዋ ሃፐ ጋጻ ከሲደ፥ ኡባባ አጊደ የሱሳ ካሌድኖ።
እት ጋላስ የሱስ ባረና ካልያዋንቱና እትፐ ዎንግርያ ገሊደ፥ "አባፐ ሄፍን ቦይተ" ጌዳ። ኡንቱንቱካ ደንዲደ ሀመታ ዶሜድኖ። ፕን ደእያ ዎደ፥ የሱስ ገምእሼዳ። አባን ጎቱዋ ጫርኩ ደንዶ ድራዉ፥ ዎንግርያ ጋርሳን ሃይ ኩምና ዳሮ መቶቴድኖ። ኡንቱንቱ የሱሳኮ ሺቂደ፥ "ጎዳዉ፥ ጎዳዉ! ኑን ባዮይተቴ!" ያጊደ አ ቤጎድኖ።
እካ ቤጎቲደ ጎቱዋነ ሃ ቤታ ሴርና፥ ጎቱነ ሃ ቤታይ ኤቄዳ፤ ኡባባይካ ጮኡ ጌዳ። እካ፥ "ህንተንቶ አማኑ ሀቃን ደኢ?" ያጌዳ።
ኡንቱንቱካ ያይ ማላለቲደ እቱ እቱዋ፥ "ሀዋዳን ጫርኩነ ሃይ ጮኡ ጊተ ጊና አዛዘትያዌ ሀዌ ኦኔ?" ያገቴድኖ።
እት ጋላስ የሱስ ባረና ካልያዋንቱና እትፐ ዎንግርያ ገሊደ፥ "አባፐ ሄፍን ቦይተ" ጌዳ። ኡንቱንቱካ ደንዲደ ሀመታ ዶሜድኖ። ፕን ደእያ ዎደ፥ የሱስ ገምእሼዳ። አባን ጎቱዋ ጫርኩ ደንዶ ድራዉ፥ ዎንግርያ ጋርሳን ሃይ ኩምና ዳሮ መቶቴድኖ። ኡንቱንቱ የሱሳኮ ሺቂደ፥ "ጎዳዉ፥ ጎዳዉ! ኑን ባዮይተቴ!" ያጊደ አ ቤጎድኖ።
እካ ቤጎቲደ ጎቱዋነ ሃ ቤታ ሴርና፥ ጎቱነ ሃ ቤታይ ኤቄዳ፤ ኡባባይካ ጮኡ ጌዳ። እካ፥ "ህንተንቶ አማኑ ሀቃን ደኢ?" ያጌዳ።
ኡንቱንቱካ ያይ ማላለቲደ እቱ እቱዋ፥ "ሀዋዳን ጫርኩነ ሃይ ጮኡ ጊተ ጊና አዛዘትያዌ ሀዌ ኦኔ?" ያገቴድኖ።
ጋሊላ አባፐ ሄፍንና ደእያ ገርገሰኖና ጌተትያ ጋድያ፥ የሱስነ አ ካልያዋንቱ፥ ዎንግርያን ፕኒደ ጋኬድኖ።
ሳአይ ኦማርስያ ዎደ፥ የሱሳ ካልያ ታማነ ላአቱ አኮ ዪደ፥ "ሀ አሳይ ኡባይ ኑ ዩሹዋን ደእያ ሄራ ግዶነ ቄር ካታማቱዋ ግዶ ቢደ፥ አቅያሳነ ቁማ ደማና ማላ ሞይዛ፤ አያዉ ጎፐ ኑን ሀዋን አሳይ ባይናሳን ደኤቶ" ያጌድኖ።
ሽን የሱስ ኡንቱንታ፥ "አሳዉ ሜተትያባ ህንተንቱ እምተ" ያጌዳ።
ኡንቱንቱ ዛሪደ፥ "አነ ቢደ፥ ሀ ኡባ አሳዉ ቁማ ሻመናን ዮፐ ኑዉ እቼሹ ሶሉዋፐነ ላኡ ሞልያፐ ሀራይ ባዋ፤ ሄዎ ኑን ሀ ጮራ አሳዉ ቁማ ሻማና ማላ ኮያይ?" ያጌድኖ። (ጋሱካ፥ ሄዋን ደእያ አሳይ እቼሹ ሻኣ ኬና።)
የሱስ ባረና ካልያዋንታ፥ "እሻታሙ እሻታሙ አሳ ጭታን ጭታን ሻክ ሻክ ኡትስተ" ያጌዳ።
ኡንቱንቱካ እ ጎዋዳን ኡባ አሳካ ኡትሴድኖ። የሱስካ እቼሹ ሶሉዋነ ላኡ ሞልያ ኦይቂደ፥ ፑደ ሳሉዋ ቦንጎት ጼሊደ ጾሳ ጋላቴዳ፤ ዱደ፥ አሳዉ ግሻና ማላ አ ካልያዋንቶ እሜዳ። አሳይ ኡባይካ ሚደ ካሌድኖ። ኡንቱንቱፐ አቴዳ ዶካ፥ ታማነ ላኡ ሳምፓ ኩሜዳዋ ደንድኖ።
ሄዘን ጋላስ ጋሊላ ጋድያን ቃና ጌተትያ ካታማን ቡላቻይ ቡላቼቴዳ፤ የሱሳ ዳያ ሄ ቡላቻን ደአዉ። የሱስካ ባረና ካልያዋንቱና እትፐ ሄ ቡላቻ ጼሰቴዳ። ዎይንያ ኡሻይ ዉር ድግና፥ የሱሳ ዳያ አ፥ "ኡንቱንቶ ዎይንያ ኡሻይ ዉር ድጌዳ" ያጋ ኦቻዱ።
የሱስ ዛሪደ፥ "ታ ዳዬ፥ ሀዌ ታ ኦሱዋ ግድያ ድራዉ፥ ነ ያያና ኮሸና። ታ ዎዲ ብሮ ጋክቤና" ያጌዳ።
የሱሳ ዳያ ኪተትያዋንቶ፥ "እ ህንተንቶ ኦድያዋ አያ ግዶፐነ ኦተ" ያጋ ኦዳዱ።
አይሁዳቱ ካሰ ኦያ ዶያዳን፥ ሜቻ ዎጋዉ እቱ እቱ ጼቱ ጻራሙስያ ኦይቂያ ኡሱፑን ሹቻ ባቱ ሄዋን ደኢኖ። የሱስ ኪተትያዋንታ፥ "ባቱዋን ሃ ኩንተ" ያጌዳ፤ ጌተቶዋዳንካ ኡንቱንቱ ባቱዋን ዶና ጋካናዉ ሃ ኩንድኖ። የሱስ ኡንቱንታ፥ "ሀእ ዱቂደ፥ ቡላቻ ካፖ እምተ" ያጌዳ፤ ኡንቱንቱ አዉ አፊደ እሜድኖ።
ቡላቻ ካፑ ዎይንያ ኡሻ ግዴዳ ሃ ጋንጽ ጼሊደ፥ ሀቃፐ ዬደንቶ ኤርቤና፤ ሽን ሃ ኩንዳ ኦሳንቻቱ ኤሪኖ። ቡላቻ ካፑ ማቻቶ አክያዋ ጼሲደ፥ "ኦንነ አይፈ ግዴዳ ዎይንያ ኡሻ እማ አሳ ካሰቲደ ኡሼ፤ ያቲደ አሳይ ዳርስ ኡሼዳዋፐ ጉይያን፥ ቅራርያ ኡሼ። ሽን ኔን አይፈ ግዴዳ ዎይንያ ኡሻ ሀኖ ጋካናዉ ናጋዳ!" ያጌዳ።
የሱስ ባረ ኦዳ ዎልቃማ ማላታቱዋፐ ሀዋ ኮይሩዋ ጋሊላ ጋድያን ቃና ጌተትያ ሄራን ኦዳ፤ ሄዋን ባረ ቦንቹዋ እ ቆንጭስና፥ አ ካልያዋንቱ አን አማኔድኖ።
እ ሄዋ ፕልጶሳ ፓጫናዉ ጌዳ፤ አያዉ ጎፐ፥ እ ባረ ሁጰዉ አያ ኦና በስንቶ ኦናባ ኤሬ።
ፕልጶስ ዛሪደ የሱሳ፥ "ሁጲያን ሁጲያን፥ ሀራይ አቶ እት እት ባርሱዋ ጋናዉ፥ ላኡ ጼቱ ድናርያን ሻሜዳ ኡክይካ ግደና" ያጌዳ።
ቃይ የሱሳ ካልያዋንቱፐ እቱ፥ ስሞን ጰጽሮሳ እሻይ እንድራስ፥ "ባንጋ ኡክ እቼሹነ ላኡ ሞሊ ደእያ እት ናአይ ሀዋን ደኤ፤ ሽን ሀ አሳ ኡባዉ ሄዌ ዎት ግዳኔ?" ያጌዳ።
የሱስ ባረና ካልያዋንታ፥ "አሳይ ኡታናዳን ኦተ" ያጌዳ። ሄ ሳኣን ዳሮ ማታይ ደኤ። አሳይ ኡባይ ኡቴዳ፤ አቱማ አሳይ እቼሹ ሻኣ ግድያዋ። የሱስ ኡክ አኬዳ፤ ጾሳ ጋላቲደ፥ ሄዋን ኡቴዳ አሳዉ ግሼዳ። ሞልያካ ሄዋዳን ኦና አሳይ ባረ ኮዬዳዋ ኬና ሜዳ። ኡንቱንቱ ኡባይ ካሌዳዋፐ ጉይያን፥ የሱስ ባረና ካልያዋንታ "እትባይካ ጮ ባየና ማላ፥ አቴዳ ዶካ ሺሽተ" ያጌዳ። ሄዋ ድራዉ፥ ኡንቱንቱ ኡባካ ሺሼድኖ፤ አሳይ ካልና አቴዳ ባንጋ ኡክ ዶካ ሺሺደ፥ ታማነ ላኡ ዛምቤልያ ኩንድኖ።
እት ሳትያ ኬና ኡንቱንቱ አባ ሻጎዋፐ ጉይያን፥ የሱስ አባ ቦላና ሀመቲደ ይያዋ በኢደ ያዬድኖ። ሽን እ፥ "ያዮፕተ፤ ታናቴ!" ያጌዳ። ኡንቱንቱ ዎንግርያን አ ገልሳናዉ ኮዬድኖ፤ ዎንግሪ ኡንቱንቱ ብያሳ አባ ጋጻ ኤለካ ጋክ አጌዳ።
ሄዋፐ ጉይያን፥ የሱስ ጽብርያዶሳ ጌተትያ አባ ጋጻን ባረ ካልያዋንቶ ላኤንዋ ቤቴዳ። እ ኡንቱንቶ ሀዋዳን ቤቴዳ። ስሞን ጰጽሮስነ ማንትያ ጌተትያ ቶማስ፥ ቃና ጋሊላፐ ዬዳ ናትናኤል፥ ዛብድዮሳ ናናይነ የሱሳ ካልያዋንቱፐ ሀራ ላአቱ እትፐ ደኢኖ።
ስሞን ጰጽሮሰ ኡንቱንቶ፥ "ታን ሞልያ ኦይቃናዉ ባይ" ያጌዳ።
ኡንቱንቱ፥ "ኑንካ ኔናና ባና" ያጊደ፥ ከሲደ ዎንግርያ ግዶ ገሌድኖ፤ ሽን ኡንቱንቱ ሄ ጋላስ ቃማ ሞልያ አይነ ኦይቂበይክኖ።
ዎንትያ ዎደ አዋይ ከሳናፐ ካሰ፥ የሱስ አባ ጋጻን ኤቄዳ፤ ሽን አ ካልያዋንቱ የሱሳ ግዴዳዋ ኤርበይክኖ። የሱስ ኡንቱንታ፥ "ናቶ፥ ሞልያ ኦይቂበይክቴየ?" ያጌዳ።
ኡንቱንቱ ዛሪደ፥ "አይነ ኦይቂበይኮ" ያጌድኖ።
እ ዛሪደ፥ "ህንተንቱ ዳባ ዎንግርያፐ ኡሸቻ ባጋኮ የግተ፤ አማሬዳዋ ህንተንቱ ኦይቃና" ያጌዳ። ሄዋ ድራዉ፥ ዳባ ኡሸቻ ባጋኮ የግና፥ ሞሊ ዳሬዳ ድራዉ፥ ጎች ከሳናዌ ኡንቱንታ ጾኔዳ።
የሱስ ሲቅያ አ ካልያዌ ጰጽሮሳ፥ "ሀዌ ጎዳተኔ!" ያጌዳ። ስሞን ጰጽሮሰ ጎዳ እ ግዴዳዋ ስሴዳ ዎደ፥ ካሎ ደእያ ድራዉ፥ ባረ ማዩዋ ማዪደ፥ አባ ግዶ ጉፕ ገሌዳ። ሽን የኮ ካልያዋንቱ ሞሊ ኩም ኡቴዳ ዳባ ጎቺደ፥ ዎንግርያን አባፐ ጋጻ ከሴድኖ፤ ኡንቱንቱ አባፐ ላኡ ጼቱ ዋ ኬና ሃኪደ ደኢኖፐ አትን፥ ሎይ ሃኪደ ደእክኖ። ኡንቱንቱ አባፐ ጋጻ ከሴዳ ዎደ፥ ጺጹን ቦንቁዋን ሞሊ ደእያዋነ ኡክ በኤድኖ።
የሱስ ኡንቱንታ፥ "ሀእ ህንተንቱ ኦይቄዳ ሞልያፐ አማሬዳዋ ሃምተ" ያጌዳ።
ስሞን ጰጽሮሰ ዎንግርያን ገሊደ፥ ጼታነ እሻታማነ ሄዙ ዎጋ ሞለቱ ኩም ኡቴዳ ዳባ ጎቺደ፥ አባፐ ጋጻ ከሴዳ፤ ሞሊ ሄዋ ኬና ዳሮ ግድናካ ዳባይ ዳከትቤና።
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
የሱስ ቅፍርናሆማ ካታማ ገሌዳ ዎደ፥ እት ሮማ ጋደ ጼቱዋ ካፑ አኮ ዪደ፥ "ታ ጎዳዉ፥ ታ ቆማ ቦላይ ጉንድና፥ ዳሮ ሳከቲደ፥ ሶይን ግሴዳ፤ ሀያ ጎዶ ታዉ ፓርኪ" ያግ ዎሴዳ።
የሱስ፥ "ታን ባደ አ ፓና" ያጌዳ።
ሽን ጼቱዋ ካፑ ዛሪደ፥ "ታ ጎዳዉ፥ ኔና ታ ሶይ ገልሳናዉ ታዉ በሰና፤ ሽን ኔን ቃላ ጻላላ ሃሳያ፤ ታ ቆማይ ፓጻናዋ። አያዉ ጎፐ፥ ታን ታፐ ቦላና ደእያዋንቶ ኤኖ ግያ አሳ፤ ቃይ ታፐ ጋርሳና ዎታዳራቱ ደኢኖ። ታን እቱዋ፥ ‘ባ!’ ጎፐ ቤ፤ ቃይ የኩዋ፥ ‘ሃያ!’ ጎፐ ዬ፤ ታ ቆማ፥ ‘ሀዋ ኦ!’ ጎፐ ኦ" ያጌዳ።
የሱስ ሄዋ ስሴዳ ዎደ ማላለቲደ፥ ባረና ካልያ አሳ፥ "ታን ህንተዉ ቱሙዋ ኦዳይ፤ ታን ሀዋ ማላ አማኑዋ ሀራይ አቶ፥ እስራኤልያ ጋድያንካ በአበይከ። ጮራ አሳይ አዋይፊ ዶልያ ባጋፐነ ዉልያ ባጋፐ ዪደ፥ አብራሃሞና፥ ይሳቃናነ ያቆባና ሳሉዋ ካዉተ ጋይታን እትፐ ኡታናዋንታ ያጋይ። ሽን ካዉተን ደአናዉ በስያ አሳይ ዎልቃማ ማ ጋርሳ ካረ ኦለታና፤ ሄዋን ኡንቱንቱ ዬካናነ ባረንቱ አቻ ቃናዋንታ" ያጌዳ።
ሄዋፐ ካላ የሱስ ጼቱዋ ካፑዋ፥ "ነ ሶይ ባ፤ ኔን አማኔዳዋዳን ነዉ ሀኖ" ያጌዳ፤ ጼቱዋ ካፑዋ ቆማይ ሄ ሳትያንካ ፓጽ አጌዳ።
የሱስ ጋሊላ አባፐ ሄፍንን ደእያ ገርገሰኖና ጌተትያ ጋድያ ፕኔዳ፤ ኢታ አያናቱ ኦይቄዳ ላኡ አሳቱ ሄ ጋድያን ደእያዋንቱ ዱፉዋፐ ከሲደ፥ አናና ጋከቴድኖ። ኡንቱንቱ ዳሮ ኢታ ግድያ ድራዉ፥ ኦንነ ሄ ኦግያና አናዉ ዳንዳይቤና። ኡንቱንቱ ባረንቱ ቃላ ቁ ኦደ፥ "ጾሳ ናአዉ፥ ኑናና ነዉ አይ አላሊ ደኢ? ዎዲ ጋከናን ኑና ሙራናዉ ያዲ?" ያጌድኖ።
ኡንቱንቱፐ ላፋ ሃክያሳን ጉዱን ዉዲ ሄመቴ። ኢታ አያናቱ የሱሳ፥ "ኔን ኑና ከስያዋ ግዶፐ፥ ህን ጉዱን ዉድያ ግዶ የዳርኪ" ያጊደ ዎሴድኖ።
የሱስ ኡንቱንታ፥ "ቢተ!" ጊና ኡንቱንቱ ብታናቱዋፐ ከስ ቢደ፥ ጉዱንቱዋን ገሌድኖ። ጉዱን ዉዲ ኡባይ ካካ ላንቂያና ካጆቲደ፥ አባን ገሊደ፥ ምተት አጌድኖ።
ጉዱን ዉድያ ሄምያዋንቱ ባቃቲደ ካታማ ብ አጌድኖ፤ ቤዳሳን ኢታ አያናቱ ኦይቄዳ አሳቱ ሀኔዳባ ኡባ ኦዴድኖ። ሄዋ ስሴዳ ካታማን ደእያ አሳይ ኡባይ የሱሳና ጋከታናዉ ከሴድኖ፤ አ በኤዳ ዎደ፥ ባረንቱ ጋድያፐ ባና ማላ ዎሴድኖ።
ኡንቱንቱ ከሲደ ብያ ዎደ፥ አማሬዳ አሳይ ኢታ አያናይ ኦይቂና ዱዴዳ ብታንያ የሱሳኮ አሄድኖ። የሱስ ኢታ አያና ከሴዳዋፐ ጉይያን፥ ዱደ ብታኒ ሃሳዬዳ። አሳይ፥ "ሀዌ ኦራባ፤ ሀዋ ማላባይ እስራኤልያ ጋድያን ኡባካ ሀንቤና" ያግ ማላለቴድኖ።
ሄዋፐ ጉይያን፥ አማሬዳ አሳቱ ኢታ አያናይ ኦይቂና ዱዴዳ እት ቆቃ ብታንያ የሱሳኮ አሄድኖ፤ የሱስ ሄ ዱደ ብታንያ ፓዳ፤ ብታኒካ ሃሳያነ ጼላ ዶሜዳ።
ሄዋፐ ጉይያን፥ የሱስ ሄዋፐ አጊደ፥ ጺሮሳነ ሲዶና ጌተትያ ካታማቱ ደእያ ጋድያ ቤዳ። ካናነ ጌተትያ ጋድያ ማጫዉና እትና ሄዋፐ የሱሳኮ ያደ፥ ባረ ኮሻ ቁ ኦደ፥ "ታ ጎዳዉ፥ ዳዊታ ናአዉ፥ ታዉ ቃረታርኪ፤ ታ ናቶ ኢታ አያናይ ሎኤና ኦይ ኦይቄዳ" ያጋዱ።
ሽን የሱስ እዝዉ አይ ቃላነ ቃትቤና፤ አ ካልያዋንቱ አኮ ዪደ፥ "ሀ ምሽራታ ኑ ጌዱዋ ካላ ካላደ፥ ባረ ኮሻ ቁ ኦደ ኦዳዉ፤ ሄዋ ድራዉ፥ ኔን እዞ የዳርኪ" ያጊደ ዎሴድኖ።
የሱስ ዛሪደ፥ "ታን ባዬዳ ዶርሳዉ፥ እስራኤልያ አሳ ጻላላዉ ኪተታድ" ያጌዳ።
ሽን እዛ ያደ፥ "ታ ጎዳዉ፥ ታና ማዳርኪ!" ያጋደ አዉ ጎይናዱ።
ቃይ እ ዛሪደ፥ "ናና ቁማ አኪደ፥ ካና ማራዉ ኦልያዌ ሎአ ግደና" ያጌዳ።
ምሽራታ፥ "ኤ ታ ጎዳዉ፥ ሄዌ ቱማ፤ ሽን ሀራይ አቶ ካና ማራቱ ባረንቱ ጎዳቱ ሚና፥ ሳምፓፐ ላለቴዳ ሱፓ ሚኖተኔ" ያጋዱ።
የሱስ ዛሪደ እዞ፥ "ሀ ምሽራቴ፥ ነ አማኑ ዎልቃማ፤ ኔን ኮዬዳዋዳን ነዉ ሀኖ" ያጌዳ። እዝ ናታ ኤለካ ፓጻ አጋዱ።
ኡንቱንቱ ዳሮ አሳኮ ዬዳ ዎደ፥ እት ብታኒ የሱሳኮ ዪደ፥ አ ስንን ጉልባቲደ፥ "ታ ጎዳዉ፥ ታ ናኣ ዎዛና ባይዝያ ሀርጊ ኦይቂና፥ እ ዳሮ ዎደ ታማን፥ ቃይ ዳሮ ዎደ ሃን ኩንድያ ድራዉ፥ እ ዳሪ ሳከቴ፤ አ ፓርኪ። ኔና ካልያዋንቱኮካ አ አሃድ፤ ሽን ፓናዉ ዳንዳይበይክኖ" ያጌዳ።
የሱስ ዛሪደ ኡንቱንታ፥ "አማነና ሀ ዎድያ ጌላ አሳዉ! ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አኪደ ዪተ" ያጌዳ። የሱስ ኢታ አያና፥ "አፐ ከሳ" ጊደ አዛዝና፥ ኢታ አያናይ ናኣፐ ከስ አጌዳ፤ ኤለካ ናአይ ፓጽ አጌዳ።
ሄ ዎደ ኢታ አያናይ ደእያ እት ብታኒ አይሁዳ ዎሳ ጎለ ገሎሳናካ ባረ ኮሻ ቁ ኦደ፥ "ናዝሬትያ የሱሳ፥ ኔን ኑፐ አያ ኮያይ? ኑና ይሳናዉ ያድ? ኔን ኦነንቶ ኤራይ፤ ኔን ጾሳፐ ኪተቴዳ ጌሻ ግድኪ!" ያጌዳ።
የሱስ ሄ ኢታ አያና፥ "ሀይዛ፤ ብታንያፐ ከሳ" ያጊደ አዛዜዳ።
ኢታ አያናይ ብታንያ ቡጨሬ፥ ዳሪ ዋስሲደ፥ አፐ ከስ አጌዳ።
የሱስነ አ ካልያዋንቱ አባፐ ሄፍንዉ ፕኒደ፥ ገርገሰኖና ጌተትያ ጋድያ ጋኬድኖ። አሳ ሞግያ ዱፉ ደኢያሳፐ ኢታ አያናይ ደእያ እት ብታኒ ከሲደ፥ የሱስ ዎንግርያፐ ከሴዳ ዎደ፥ የሱሳና ጋከቴዳ። ብታኒ ሄ ዱፉ ደእያ ሳን አቅ ፔሺደ፥ ያን ደኤ፤ አ ኦንነ ሀራይ አቶ፥ ሳንላታን ቃቻናዉካ ዳንዳይቤና። አያዉ ጎፐ፥ እ ዳሮ ዎደ ኡቁናንነ ሳንላታን ቃሸቲደ ደኤ፤ ሽን ሳንላታ ዱሰረዳ፤ ኡቁናካ መንሬዳ፤ አ ጾናናዉ ዳንዳዬዳዌ ኦንነ ባዋ። እ ኡባ ዎደ ጋላስነ ቃማ፥ ሄ ዱፉ ደኢያሳንነ ደርያ ቦላ ዋሴ፤ ባረ ቦላካ ሹቻን ጋሬ።
የሱሳ ሃኩዋን በኤዳ ዎደ፥ አኮ ዎጽ ዪደ አዉ ጎይኔዳ። ሄ ብታኒ ባረ ኮሻ ቁ ኦደ፥ "ኡባፐ ቦላ ጾሳ ናአዉ፥ የሱሳ፥ ኔናነ ታና አዬ ጋ? ታና ሙረና ማላ፥ ታን ኔና ጾሳ ሱንን ዎሳይ" ያጌዳ። እ ሄዋ አያዉ ጌዴ ጎፐ፥ የሱስ አ፥ "ላ ሀ ኢታ አያናዉ፥ ሀ ብታንያፐ ከሳ" ያጌዳዋሳ።
የሱስ አ፥ "ነ ሱንይ ኦኔ?" ያጊደ ኦቼዳ።
እ፥ "ኑን ጮራ ግድያ ድራዉ፥ ታ ሱንይ ሌግዮና" ያጌዳ። ኢታ አያናቱዋ ሄ ጋድያፐ ከስ የደና ማላ፥ የሱሳ ምንሲደ ዎሴዳ።
ሄ ደርያ ቦላን ጮራ ጉዱን ዉዲ ሄመቴ፤ ኢታ አያናቱ የሱሳ፥ "ኑና ህን ጉዱን ዉድያኮ የዳርኪ፤ ኡንቱንቱን ቢደ ገላና" ያጊደ ዎስና፥ የሱስ፥ "ቢተ" ያጌዳ። ኢታ አያናቱ ብታንያፐ ከሲደ፥ ጉዱንቱዋን ገሌድኖ፤ ላኡ ሻአ ግድያ ጉዱን ዉዲ ካካ ሁጲያና ካጆቲደ፥ አባን ገሊደ፥ ምተት አጌዳ።
ጉዱን ዉድያ ሄምያዋንቱ ባቃቲደ፥ ሀኔዳዋ ካታማንነ ካታማፐ ጋጻ ጋድያን ኦዴድኖ፤ ሄዋ በአናዉ አሳይ ዬዳ።
ሽን እት ኡራዉ ባረ አዉዋ ዎይ ባረ አቶ ማድያባይ ደእሽን እ፥ ‘ሀዌ ቁርባንያ፤ ሀዋ ጉሳይ ጾሳባ ግያዋ’ ጎፐ፥ እ ባረ አዉዋ ዎይ ባረ አቶ ዎደፐ ማዳናዋ አይነ ኮይክታ። ሀ ሀኖታን ህንተ ህንተንቱ ዎጋ ናጋናዉ፥ ጾሳ ቃላ ኮሊደ፥ ሄዋ ማላ ዳሮባ ኦታ" ያጌዳ።
የሱስ ጮራ አሳ ቃይካ ባረኮ ጼሲደ፥ "ኡባይ ታን ግያዋ ስስተነ አኬክተ። አሳፐ ከስያዌ አሳ ቱንስያዋፐ አትን፥ ካረፐ አሳ ግዶ ገሊደ፥ አሳ ቱንስያባይ አይነ ባዋ፤
የሱስ ሄዋፐ አጊደ፥ ጺሮሳነ ሲዶና ግያ ካታማቱዋ ማታን ደእያ ጋድያ ቢደ፥ እት ጎልያ ገሌዳ፤ ቃይ እ ያን ደእያዋ ኦንነ ኤራናዋ ኮይቤና፤ ሽን ቆሰቲደ ጋምአናዉ ዳንዳይቤና። ሽን ባረ ጉ ናት ቦላ ኢታ አያናይ ደእያ እት ምሽራታ የሱሳባ ስሳደ፥ ኤለካ አኮ ያነ አ ገድያን ጉፋና አጋዱ። ሄ ምሽራታ አይሁዳ አሳ ግዱኩ፤ አ የለቴዳዌካ ሶርያ ግያ ጋድያና፤ አ ባረ ናትፐ ጻላህያ ከሳና ማላ፥ የሱሳ ዎሳዱ።
ሽን የሱስ ዛሪደ፥ "ናናይ ካሰቲደ ቁማ ካልኖ፤ አያዉ ጎፐ፥ ናና ቁማ አኪደ፥ ካናቶ ኦልያዌ ሎአ ግደና" ያጌዳ።
ምሽራታ ዛራደ፥ "ቱማካ ታ ጎዳዉ፥ ሀራይ አቶ ሳምፓ ምይያን ደእያ ካናቱካ ናናቱዋፐ አቴዳ ሱፓ ሚኖ" ያጋዱ።
የሱስ ቃይ እዞ፥ "ሀ ኔን ሃሳዬዳ ቃላ ድራዉ፥ ጻላሂ ነ ናትፐ ከሴዳ፤ ስም ነ ሶይ ባ" ያጌዳ።
ምሽራታ ባረ ሶይ ብያ ዎደ፥ እዝ ናትፐ ጻላሂ ከስና፥ ሂጻን ግሴዳዉኖ ደማዱ።
ሄ ጮራ አሳ ግዶፐ እት ብታኒ ዛሪደ፥ "ታማርስያዎ፥ ታ ናኣ ቦላን ሃሳያ ድግያ ኢታ አያናይ ደእያ ድራዉ፥ አ ኔኮ አካደ ያድ። ሀ ኢታ አያናይ አ ኦይቂያ ዎደ ኡባን፥ አ ኦሌ፤ አ ዶናናካ ሆሙ ፓሮቴ፤ ቃይ አቻ ጋርጭሴ፤ ቦላካ ዞልሴ። አፐ ሀ ኢታ አያና ከሳና ማላ፥ ኔና ካልያዋንቶ ኦዳድ፥ ሽን ከሳናዉ ዳንዳይበይክኖ" ያጌዳ።
የሱስ ዛሪደ ኡንቱንታ፥ "አማነና ሀ ዎድያ አሳዉ! ታን ህንተንቱና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አክ ዪተ" ያጌዳ። ኡንቱንቱ ናኣ አኮ አሄድኖ፤ ሄ ኢታ አያናይ የሱሳ በኢዴ ኤለካ ናኣ ኮኮርሲ አጌዳ፤ ናአይ ሳኣን ኩንዲደ፥ ዶናና ሆሙ ጎፑ ጊሽን ጎንዶረቴዳ። የሱስ ሄ ናኣ አዉዋ፥ "ሀዌ ነ ናኣ ኦይቆደፐ ዎይሳ ዎደ ግዳኔ?" ያጊደ ኦቼዳ።
ናኣ አቡ፥ "እ ናአተን ደእያ ዎድያፐ ዶሜዳ። አ ዎናዉ ዳሮ ዎደ ታማንነ ሃን ኦሌዳ፤ ሽን ኔን ዳንዳዮፐ፥ ኑዉ ቃረታደ ኑና ማዳርኪ" ያጌዳ።
የሱስ አ፥ "ኔን ዳንዳዮፐ ጋይ? አማንያ አሳዉ ኡባባይ ዳንዳየቴ" ያጌዳ።
ኤለካ ናኣ አቡ ባረ ኮሻ ቁ ኦደ፥ "ታን አማናይ፤ ሽን ጉጃ አማናናዳን፥ ታና ማዳርኪ" ያጌዳ።
የሱስ አሳይ ዳር ዳር ብያዋ በኢደ፥ ኢታ አያና፥ "ናኣ ቱለነ ዱደ ኦዳ አያናዉ፥ ሀ ናኣፐ ከሳ ጋደ ኔና ታ አዛዛይ፤ ቃይ ዛረደ አን ገሎፓ" ያጌዳ።
ሄ ኢታ አያናይ ዋሲደ፥ ናኣ ዳርስ ኮኮርሲደ፥ አፐ ከሴዳ። ናአይ ሀይቄዳዋ ማላትና፥ ዳሮ አሳይ፥ "ናአይ ሀይቄዳ" ያጌዳ። ሽን የሱስ ናኣ ኩሽያ ኦይቂደ ደንና፥ ናአይ ደንድ ኤቄዳ።
የሱስ አይሁዳቱዋ ዎሳ ጎልያፐ ደንዲደ ስሞና ጎልያ ገሌዳ፥ ስሞና ቦሎታታ ዎልቃማ ቆጹዋ ሀርግያን ሀርገታደ ግሴዳዉንዉ የሱስ እዞ ፓናዳን አሳይ አ ዎሴዳ። እ ማታን ኤቂደ ቆጹዋ ሀርግያ ሴርና፥ ሀርጊ የዲሼዳ፤ ሄ ዎድያንካ ደንዳደ ኡንቱንቶ ኪተታዱ።
ሄ ሃፐ ፕን ሳኣ ዎ ዎደ፥ ኢታ አያናን ኦይቀቴዳ እት ብታኒ፥ ካታማፐ ከሲደ አናና ጋከቴዳ። ዳሮ ዎድያፐ ዶሚደ ማዩዋ ማየናን ካሎ ጎልያ አጊደ ዱፉዋን ደኤ።
የሱሳ ደሞዋፐ ጉይያን፥ ዋስ አ ስንን ጉፋኒደ ዎልቃማ ኮሻን፥ "ዎልቃማ ጾሳ ናኣ የሱሳ፥ ታዉነ ነዉ አይበ እትፐተይ ደኢ? ታና ዋይሶፓርኪ፤ ታ ኔና ዎሳይ" ያጌዳ። እ ሄዋ አያዉ ጌዴ ጎፐ፥ ብታንያ የግ ከሳና ማላ የሱስ አ አዛዞ ድራሳ።
ኢታ አያናይ ብታንያ ኦይቆደፐ ዳሮ ዎደ ግዶ ድራዉ፥ ብራታ ሳንላታን ገድያነ ኩሽያ ቃሸቲደ ናገቴ። ሳንላታ ዱ አኪደ ኢታ አያናይ ካለና ባዙዋ ቤ።
የሱስካ፥ "ነ ሱንይ ኦኔ?" ያግ ኦቼዳ። እካ ጮራ ኢታ አያናይ ገል ኡቶ ድራዉ፥ "ሌግዮና" ያጌዳ። ባረንታ የሱስ፥ "ህን ጪሞ ኦላ ቢተ" ያገና ማላ ዎሴድኖ።
ሄዋን ደእያ ዞዝያ ጋጻን ሄመትያ ጮራ ጉዱንቱ ደኢኖ። ጮራ ቱና አያናቱ፥ ሄ ጉዱንቱዋ ጋርሳ፥ "ገልተ" ጋና ማላ የሱሳ ዎሴድኖ። እካ፥ "ቢደ ገልተ" ጌዳ። ኢታ አያናቱካ ብታንያፐ ከሲደ ጉዱንቱዋ ጋርሳ ገሌድኖ። ጉዱን ዉዲካ ላንቂያፐ ካጆቲደ ኤለካ አባን ምተቴድኖ።
ጉዱን ሄምያዋንቱ ሀኖዋ ኡባ በኦ ዎደ ሀራሳ ቢደ፥ ሄ ካታማንነ ዩሹዋን ሀኖዋ ኦዴድኖ። አዬ ሀኔደንቶ በአናዉ ከሲደ፥ አሳይ የሱሳኮ ዬድኖ። ኢታ አያናይ ከሴዳ ብታኒ፥ አ ዎዛናይ ስምና ማዩዋ ማዪደ የሱሳ ገድያ ማታን ኡቶዋ በኢደ ያዬድኖ።
ታን ህንተንቶ ቱሙዋ ያጋይ፤ ሀዋን ደእያ አሳፐ፥ ጾሳ ካዉተ በአና ጋካናዉ ሀይቁዋ ሀይቀናዋንቱ እቱ እቱ ደኢኖ" ያጌዳ።
የሱስ ሀዋ ጎዋፐ ጉይያን፥ እት ሳምንታ ኬና ጋምኢደ፥ ጰጽሮሳነ ዮሃንሳ፥ ያቆባካ አኪደ፥ ዎሳናዉ ደርያ ሁጲያ ከሴዳ። እ ዎስሽን፥ አ ዴሙዋ ማላይ ላመቴዳ፤ አ ማዩካ ቦጺደ ጶልቄዳ። ቆፐናን ላኡ አሳቱ፥ ሙሴነ ኤላስ ከስ ቤቲደ፥ የሱሳና ሃሳይ ደኢኖ። ኡንቱንቱ ቦንቹዋን ቆንጭ ቤቲደ፥ የሱስ ጾሳ ቆፋ ፖላናዉ የሩሳላመን ሀይቃናዋ አናና ሃሳዬድኖ።
ጰጽሮሳነ አናና እትፐ ደእያዋንታ ገምእሹ ጌሮዬዳሽን፥ ኤለካ ቤጎቲደ አ ቦንቹዋነ አናና ጋ ኤቄዳ ላኡ አሳቱዋ በኤድኖ። ሄ ላኡ አሳቱ፥ የሱሳ ምይያፐ ሻከትያ ዎደ፥ ጰጽሮስ የሱሳ፥ "ጎዳዉ፥ ሀዋን ደእያዌ ኑዉ ሎአ ግድያ ድራዉ፥ ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና" ያጌዳ።
ሄ ዎደ አሳፐ እት ብታኒ ባረ ኮሻ ቁ ኦደ፥ "ታማርስያዎ፥ ታዉ ደእያዌ እት ናኣ ግዶ ድራዉ፥ ኔን አ በአና ማላ ኔና ዎሳይ፤ ቃይ ኢታ አያናይ ዎዛና አናን ደንዲደ አ ዋስሴ፤ ዶናና ፓሮያና ጋካናዉ አ ኮኮርሲደ፥ ኡባ ጋላስ መቶያዋፐ አትን፥ አ ኤለ የደና። ኔና ካልያዋንቱ ሄ ኢታ አያና ከሳና ማላ፥ ታን ኡንቱንታ ዎሳድ፤ ሽን ዳንዳይበይክኖ" ያጌዳ።
የሱስ ዛሪደ ኡንቱንታ፥ "አማነና ሀ ዎድያ ደሻ አሳዉ፥ ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ነ ናኣ ሃ አካያ" ያጌዳ።
ናአይ ዪደ ደእሽን፥ ኢታ አያናይ አ ሳኣን ኦሊደ ኮኮርሴዳ፤ የሱስ ኢታ አያና አጋ ግ ናኣ ፓደ አ አቦ ዛሪደ እሜዳ። አሳይ ኡባይካ ጾሳ ዎልቃማ ዎልቃፐ ደንዶዋን ማላለቴድኖ።
እት ጋላስ የሱስ እት ብታንያፐ ዱድስያ አያና ከሶዋፐ ጉየ ዱደ ብታኒ ሃሳያ ዶምና፥ አሳይ ማላለቴዳ።
ኡንቱንቱፐ እቱ፥ ቄሳቱዋ ኡባቱዋ ካፑዋ ቆማ ሾጪደ፥ አ ኡሸቻ ሀይ ቃንጽ ኦሌዳ።
የሱስ ቃይ ዛሪደ፥ "አግተ፥ ባሽተ" ያጌዳ። ብታንያ ሀይካ ቦቺደ ፓዳ።
ዮሃንስ ኪቴዳዋንቱ ብድጎዋፐ ጉይያን የሱስ አሳዉ ዮሃንሳባ ኦዱዋ ዶሜዳ: "አያ በአናዉ ቢታ ባዙዋ ከሴድቴ? ጫርኩ ቃያ ኡሱን? ዎይ አያ በአናዉ ከሴድቴ? ሎኦ ማዩዋ ማዬዳ አሳ ደኡዋ? ሎኦ ማዩዋ ማዬዳዋንቱነ ባረና ጊግስያዋንቱ ካትያ ጎለን ደኢኖ። ዎይ አያ በአናዉ ከሴድቴ? ናብያ በአናዉ ከሴድቴ? ኤ፤ ታን ህንተንቶ ያጋይ፤ ህንተንቱ በአናዉ ከሶዌ ናብያፐካ አዋ። ጾሳ ማጻፋን፥ ‘ነ ኦግያ ኔፐ ስንና ጊግስያ ኪታንቻ ኔፐ ስንያደ ኪታና’ ጌተት ዮሃንሳባይ ጻፈቴዳዌ ሀዋ። ማጫዋንቱፐ የለቴዳዋንቱ ጋርሳን ጻማቅያ ዮሃንሳፐ አያ ኦንነ ባዋ። ጾሳ ካዉተን ቃይ ኡባፐ ላፋ ጌተትያዌካ አፐ አናዋ" ያጌዳ።
ሀራይ አቶ ሽን ቃራጻ ከስያዋንቱ አተናን ሀዋ የሱስ ሃሳዮዋ ስሴዳ ኡባይ ዮሃንሳ ኩሽያን ጻማቀቶዋንቱ ጾሳዉ በስያ ቦንቹዋ እሜድኖ። ሽን ህግያ ታማርስያዋንቱነ ፓርሳዋቱ ዮሃንሳን ጻማቀትቤና ድራዉ፥ ጾሳይ ኡንቱንቶ ቆፔዳዋ እጼድኖ።