Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
परमेशर आसा रा शरण लणे री जगा ए
परमेशर म्हारा शरण लणे री जगा ओर तागत ए,
हमेशा मुसीबता रे बखते मताद करने खे त्यार रओआ।
परमेशर आसा रा शरण लणे री जगा ए
परमेशर म्हारा शरण लणे री जगा ओर तागत ए,
हमेशा मुसीबता रे बखते मताद करने खे त्यार रओआ।
परमेशर म्हारा रक्षा करने वाल़ा
जो लोक सर्वशक्तिमान परमेशरो रिया शरणा दे रओआ,
सेयो परमपरदान परमेशरो रिया देख-रेखा दे बची की राम करी सकोए।
मां प्रभुए रे बारे बोलणा, "से मेरी शरण लणे री जगा ओर गढ़ ए;
से मेरा परमेशर ए, मां तेस पाँदे परोसा राखणा।"
तेस तूँ आपणे पंखा रिया ओटी रे लई लणा
ओर तां तेसरे चरणा दे शरण पाणी;
तेसरी सच्चाई ताखे ढाल ओर झिलम ठईरनी।
तेरे नेड़े ह्जार लोक ओर तेरे दाँणे कनारे दस ह्जार लोक रूड़ी की मरने;
पर महामारी तां नेड़े नि आऊणी।
तैं यहोवे खे आपणा बचाणे वाल़ा,
परमपरदानो खे आपणी रक्षा करने वाल़ा बणाया ए,
इजी री खातर कोई मुसीबत तां पाँदे नि आऊणी,
ना कोई दु:ख तेरे डेरे रे नेड़े आऊणा।
परमेशरो री जोति मेरा उद्धार
यहोवा मेरी जोति ए जो माखे बचाओई।
आऊँ केसी ते नि डरदा।
यहोवा मेरी रखवाल़ी आपू करोआ ओर आऊँ कदी बी चिन्ता नि करदा।
मेरी रक्षा करने वाल़ा ओर माखे बचाणे वाल़ा सेईए;
से मेरे शरण लणे रा ऊच्चा गढ़ ए ओर कोई बी माखे अराई नि सकदा।
यहोवा तिना लोका रिया तँईं शरण लणे री जगा ऊणा जो दीन ए;
आ, जेबे तिना खे परेशानी ऊणी तो से तिना खे लूकणे री जगा जेड़ा ऊणा।
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
पर ओ प्रभु! तूँ माखे हमेशा खतरे ते बचाणे रिया तँईं मेरे चऊँ कनारे महिमा जेड़ा ए।
तूँ माखे जिताएया ओर मेरिया ईमती खे बढ़ाएया।
मुसीबता रे बखते आत्म-परोसा
ओ प्रभु, मेरे सताणे वाल़े कितणे बढ़ीगे रे!
मेरे बरोदो रे बऊत जणे उठी गे रे।
सेयो मेरे बारे बोलोए
कि तेसखे परमेशर पनि बचाई सकदा। सेला
पर ओ प्रभु! तूँ माखे हमेशा खतरे ते बचाणे रिया तँईं मेरे चऊँ कनारे महिमा जेड़ा ए।
तूँ माखे जिताएया ओर मेरिया ईमती खे बढ़ाएया।
आऊँ तां प्रभुए खे जोरे की आका पाऊँआ
ओर तूँ आपणे पवित्र पाह्ड़ो मतलब सियोनों ते माखे उत्तर देओआ। सेला
आऊँ लेटीगा ओर निश्चे साथे सुती गा,
आँऊ फेर ठीक-ठाक जागी की उठी गा, कऊँकि तूँ माखे सारी रात सम्बाल़ने वाल़ा प्रभु ए,
आऊँ तिना दस ह्जार दुश्मणा ते नि डरदा,
जो माखे काणे रिया तँईं चऊँ कनारे ते केरी की खड़ी रे।
सब कुछ जो यहोवा मेरा परमेशर करोआ से सई ए।
आसे तेस पाँदे परोसा करी सकूँए कि जो से वादा करोआ तेस पूरा करोआ।
से आपणे शरणा रे आऊणे वाल़ेया खे ढाला रे जेड़ा तिना री रक्षा करोआ।
ओ परमेशर यहोवा, जिंयाँ ढाल रक्षा करोई तिंयाँ ई तूँ मेरी रक्षा करेया,
ओर तेरी मताद पाई की आऊँ बऊत बड़ा राजा बणीगा रा।
तैं मां पाँदे कब्जा ऊणे ते बचाई राखेया,
ओर आऊँ कदी नि रूड़ेया।
जीत आसिल ऊणे पाँदे तन्यवादो री प्रार्थना
यहोवे री स्तुति करो, मेरी रक्षा करने वाल़ा! से माखे युद्ध करने रिया तँईं सिखाओआ ओर त्यार करोआ।
से मेरी रक्षा करने वाल़ा ए, मेरी रणे री जगा ओर मेरा उद्धार करने वाल़ा ए,
जेस पाँदे आऊँ बचणे रिया तँईं परोसा करूँआ।
से देशो-देशो रे लोका खे मेरे वशो रे करी देओआ।
तूँई राजेया खे जीत दलाओआ
ओर आपणे दास दाऊदो खे तलवारी री मारा ते बचाएया।
पर जितणे तां पाँदे परोसा राखोए, सब आनंद करो,
सेयो सदा जोरे की गांदे रओ; तूँ तिना री रक्षा करेया,
ओर जो तां साथे प्यार करोए, सेयो तांदे खुश ओ।
तूँ तर्मी लोका खे आशीर्वाद देआ जो तेरिया आज्ञा खे मानोए,
प्रभु; तेरा प्रेम तिना खे बचाओआ।
ओ परमेशर, मैं तांते प्रार्थना करी राखी, कऊँकि तां माखे उत्तर देणा।
मेरिया तरफा खे त्यान देई की मेरी बिनती सुणी लओ।
तूँ माखे दस कि तूँ मांते ईमानदारिया ते प्यार करेया।
आपणियां महान शक्तिया ते तिना लोका खे बचा
जो आपणे दुश्मणा ते बचणे रिया तँईं तां पाँदे परोसा करोए।
आपणियां आखी रिया पुतलिया जेड़े माखे सई-सलामत राख;
आपणे पंखा निठे माखे लकोई की राख।
तिना दुष्टा ते जो मां पाँदे अत्याचार करोए,
मेरे प्राणा रे दुश्मणा ते जिने आऊँ केरी राखेया।
कऊँकि राजे रा परोसा यहोवे पाँदे ए
ओर परमपरदान परमेशरो रिया दया ते तेसरा सिंहासन मजबूत बणेया रा रणा।
तूँ तेसखे आपणे सबी दुश्मणा ओर तिना सबी ते जो तेसते नफरत करोए तिना पाँदे कब्जा करने दे सक्षम बणाओआ।
जेबे तूँ प्रकट ऊणा तेबे तां आपू सामणे आपणे दुश्मण बल़दे ऊए भट्टे जेड़े जल़ाणे।
प्रभुए सेयो आपणे गुस्से ते निगल़ी लणे
ओर आगी सेयो स्वा करी देणे।
तूँ मेरा आसरा लणे री जगा ए;
आऊँ तेरे उद्धारो रा गाणा जोरे की गाऊँआं, कऊँकि तूँ मेरी रक्षा करेया। सेला
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
प्रभु मेरा चराणे वाल़ा ए
प्रभु माखे चराणे वाल़ा ए,
माखे कोई कमी नि ऊणी।
जवान शेरा खे तो कमी ऊई जाओई
ओर सेयो पूखे बी रयी जाओए;
पर जो लोक प्रभुए खे टोल़ोए तिना खे किजी बी खरिया चीजा री कमी नि ऊणी।
प्रभुए पाँदे परोसा राख ओर पले काम कर, देशो रे बसेया रा रओ
ओर सच्चाईया पाँदे मन लगाई की राख।
आऊँ बचपनो ते लई की स्याणदे बखतो तक देखदा आई रा;
प्रभुए ना तो कदी कोई तर्मी माणूं छाडेया
ओर ना ई तेसरी ल्वाद पीख मांगदे ऊए देखी।
आँऊ प्रार्थना करूँआ कि परमेशर बी आपणे तेस धनो रे मुताबिक, जो महिमा समेत यीशु मसीह रे ए, तुसा री सारी जरूरता खे पूरी करो।
मसीह रे जरिए जो माखे सामर्थ देओआ तिदे आऊँ सब कुछ करी सकूँआ।
इजी री खातर, जे पईले तुसे परमेशरो रे राज्य री टोल़ करो और धार्मिकता री जिन्दगी जिओ, तो यो सब चीजा तुसा खे मिली जाणिया।
इजी री खातर तुसे तिना जेड़े नि बणो, कऊँकि तुसा रा पिता पईले ई जाणोआ कि तुसा री क्या-क्या जरूरता ए।"
मांगोगे तो मिलणा
"तुसा री जो बी जरूरत ए से परमेशरो ते माँगो और परमेशरो ते पाणे री उम्मीद बी राखो। कऊँकि जो कोई माँगोआ तेसखे मिलोआ। जो टोल़ोआ, से पाओआ। जो खटखटाओआ तेसखे खोलेया जाओआ।
तो तेबे तुसे बुरे ऊई की आपणे बच्चेया खे खरी चीजा देणा जाणोए, तो तुसा रे स्वर्गिय पिते आपणे मांगणे वाल़ेया खे अच्छी चीजा कऊँ नि देणियां?
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
जो लोक प्रभुए री पग्ती करोए,
तिना खे प्रभुए रा दूत चऊँ कनारे ते केरा पाई की तिना खे खतरेया ते बचाओआ।
यहोवे तिना रे प्राण बचाणे जो तेसरी सेवा करोए।
ओर जो तेस पाँदे परोसा राखोए,
तिना बीचा ते तेस कोई बी दोषी नि ठराणा।
परमेशर म्हारी रक्षा करने वाल़ा ए
मां आपणियां आखी पाह्ड़ा रिया तरफा खे लगाणियां।
माखे मताद केथा ते मिलणी?
माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
यहोवा तेरी रक्षा करने वाल़ा ए,
ओर से ना तो सऊणा ओर ना तूँ रूड़ने देणा।
देखो, इस्राएलो री रक्षा करने वाल़े खे ना तो नींजा रे टमके आऊणे,
ना ई से सऊणा।
यहोवा म्हारी रक्षा करने वाल़ा ए,
से तेसा छाई जेड़ा ए जो आसा खे तूपा ते बचाओई।
ना तो दिने तूपा रे
ओर ना ई राती री चानणियाँ ते तेरा कोई नुकशाण ऊणा।
यहोवा से आ जो हर खतरे दे तुसा री देखपाल़ करोआ।
से तुसा रे जीवनो खे बचाई की राखोआ।
प्रभुए तेरे जाणे-आऊणे रे
तेरी रक्षा एबुए ते लई की सदा तक करदे रणा।
परमेशर मेरा पाअग
ओ परमेशर मेरी रक्षा कर,
कऊँकि मेरा परोसा सिर्फ तां ई पाँदे ए।
परमेशर मेरा पाअग
ओ परमेशर मेरी रक्षा कर,
कऊँकि मेरा परोसा सिर्फ तां ई पाँदे ए।
आऊँ जाणूंआ कि यहोवा मां साथे ए।
से मेरे नेड़े ई ए; इजी री खातर कुछ बी माखे चिन्ता करने री गल्ल नि ए।
आऊँ जाणूंआ कि यहोवा मां साथे ए।
से मेरे नेड़े ई ए; इजी री खातर कुछ बी माखे चिन्ता करने री गल्ल नि ए।
जीतणे रिया तँईं प्रार्थना
आऊँ प्रार्थना करूँआ कि जेबे तूँ मुसीबता दे ए तो प्रभुए तेरी सुणी लओ!
ओर याकूबो रा परमेशर तेरी रक्षा करो!
से आपणियां पवित्र जगा ते तेरी मताद करो,
ओर सिय्योन पाह्ड़ो ते ताखे सम्बाल़ो!
मेरे प्राणो री रक्षा कर ओर मेरा उद्धार कर,
माखे शर्मिंदा नि ऊणे दे;
कऊँकि आऊँ तेरी शरणा रे आई रा।
ओ यहोवा, मेरिया रक्षा रिया तँईं आऊँ तां पाँदे परोसा करूँआ।
मेरा त्यान राख, कऊँकि आऊँ ईमानदार ओर ठीक ए।
युद्धो रे जीतणे रिया तँईं कोड़ेया पाँदे परोसा करना बेकार ए,
से आपणी बऊत तागत ऊणे रिया बजा ते केसी खे बचाई नि सकदा।
देखो, प्रभु आपणे पग्ता पाँदे नजर राखोआ जो तेसरी आज्ञा खे मानोए
ओर तिना पाँदे जो तेसरी करूणा री उम्मीद राखोए,
ताकि से तिना रे प्राण मौता ते बचाओ,
ओर अकाल़ो रे बखते तिना खे जिऊँदा राखो।
आसे आपणी उम्मीद प्रभुए पाँदे लगाई राखी;
सेई म्हारा रक्षक ए ओर म्हारी मताद करोआ।
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
प्रभु मेरे पक्षो रे ए, मां नि डरना।
माणूं मेरा कुछ नि करी सकदा।
प्रभुए री शरणा रे जाणा,
माणूंआ पाँदे परोसा राखणे ते खरा ए।
यहोवे रा नाओं मजबूत गढ़ो जेड़ा ए;
तर्मी तिजी रे नठी की सारिया बुराईया ते बचोआ।
यहोवे रा नाओं मजबूत गढ़ो जेड़ा ए;
तर्मी तिजी रे नठी की सारिया बुराईया ते बचोआ।
यहोवे रा डर मानणे ते मजबूत परोसा ओआ,
ओर तेसरे बच्चेया खे शरण लणे खे जगा मिलोई।
कऊँकि यहोवे ताखे साअरा देआ करना,
ओर तेरे पैर फन्दे रे फसणे ते बचाई देणे।
ईमानदार लोक तो सई-सलामत रणे,
पर बेईमान लोक पकड़े जाणे।
परमेशरो रा एक-एक वचन परखेया दा ए;
से तिना रा बचाणे वाल़ा ठईरी रा, जो तेसरी शरणा रे आई रे।
परमेशरो रा एक-एक वचन परखेया दा ए;
से तिना रा बचाणे वाल़ा ठईरी रा, जो तेसरी शरणा रे आई रे।
तार्मिकता खरी चाल चलणे वाल़ेया री रक्षा करोई,
पर पापी आपणी बुराईया रिया बजा ते नाश ऊई जाओआ।
तर्मी पेट परी की खाओआ,
पर दुष्ट पूखे ई रओए।
कऊँकि यहोवा ई बुद्धि देओआ,
ओर तेसरे मुंए तेई ज्ञान ओर समजा रिया गल्ला निकल़ोईया।
से सीदे लोका खे खरी बुद्धि देओआ;
जिना रा चाल-चलण खरा ओआ, तिना रा से रक्षक बणोआ।
से न्याय रिया बाटा दे चलणे वाल़ेया री देख-पाल़ करोआ,
ओर आपणे विश्वासो जोगे रणे वाल़ेया रिया बाटा री रक्षा करोआ।
अक्लमंद माणूं मुसीबता खे आऊँदा ऊआ देखी की तिजी ते बचणे री कोशिश करोआ,;
पर एक पोल़ा माणूं सिदा तेते ई कनारो खे चलदा जाओआ ओर बादो ते पछताओ आ।
युद्धो रे दिने कोड़ा तो त्यार ओआ,
पर जीत यहोवा ई देओआ।
सबी ते जादा आपणे मनो री रक्षा कर,
कऊँकि जिन्दगिया रा मूल़ स्रोत सेईए।
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
तूँ ईम्मत राख ओर मजबूत ओ, तिना ते नि डर, कऊँकि तां साथे चलणे वाल़ा तेरा परमेशर यहोवा ए; तेस ताखे आसरा देणा ओर तूँ छाडणा नि।
सदा रणे वाल़ा परमेशर
तेरी रणे री जगा ए ओर
तेसरी सदा रणे वाल़िया बांयी
तेरा आसरा ए।
से दुश्मणा खे तेरे सामणे ते
निकयाल़ी देओआ ओर
बोलोआ, तिना खे नाश करी दे।
बिन्यामीनो खे आशीर्वाद
फेर मूसे बिन्यामीनो रे कुलो
रे बारे दे बोलेया,
"ये यहोवे रा परोसे वाल़ा दास ए,
ये तेसगे सई सलामत रणा ओर
तेस पूरा दिन तेस पाँदे
छाया करदे रणा ओर
तेस परमेशरो ते एड़ा साथ पाणा
जेड़ा एक पाऊ बाओ रे
कान्दा पाँदे चकेया जाओआ।"
जितणे अथियार तेरे नुकशाणो खे बणाए जाओगे, तिना बीचा ते कोई सफल नि ऊणा ओर जितणे लोक दुश्मण ऊई की ताखे दोषी ठराओगे, तिना सबी ते तूँ जीती जाणा। यहोवे रे दासो रा येई इस्सा ऊणा ओर सेयो मेरी बजा ते ई जीतणे। यहोवे री येई बाणी ए।"
ओ यहोवा, जेसरे मने तां पाँदे सब्र राखी राखेया,
तेसरी तूँ पूरी शान्तिया साथे रक्षा करेया,
कऊँकि से तां पाँदे परोसा राखोआ।
जेबे तुसे स्याणे ऊणे तेबे बी आऊँ तेड़ा ई रणा ओर मां तुसे स्याणदे बखतो तक साथे राखणे। मैं तुसे बणाए ओर तुसे साथे राखणे; मां तुसे चकी की राखणे ओर तुसा खे छुड़ांदा बी रऊँगा।
यहोवे तीईया ई यरूशलेम शईरो री रक्षा करनी जिया आपणे कोअले पाँदे उडदी ऊई चिड़िया आपणे बच्चेया री रक्षा करोई। यहोवे से बचाणा ओर तेसरी रक्षा करनी। यहोवा पाँदिए ऊई की निकल़ी जाणा और यरूशलेम शईरो री रक्षा करनी।"
पलाई करना सीखो, अच्छाईया साथे न्याय करो, उपद्रविये खे सुदारो, अनाथो खे न्याय दलाओ, बिदुआ रा साथ देयो।
जे तुसे आज्ञाकारी ऊई की मेरी मानो, तो तुसा एस देशो रिया अच्छे ते अच्छिया चीजा जो जमीन पैदा करोई खाणिया ओर जे तुसे मानोगे नि ओर बगावत करोगे, तो तुसे तलवारी साथे मरने, परमेशरो रा येई वचन ए।"
यहोवा आपू ई तुसा रिया तँईं लड़ना, इजी री खातर तुसे चुपचाप रओ।"
परमेशर खरा ए, मुसीबता रे बखते से म्हारी रक्षा करोआ ओर जो तेसरी शरणा दे आओए, तिना रा ख्याल राखोआ।
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
एकी पैसे साथे दो चिड़िया बिकोईया? तेबे बी तुसा रे पिते री इच्छा ते बिना तिना बीचा ते एक बी जमीना रे नि पड़ी सकदी। तुसा रे सिरो रे बाल़ बी सारे गिणे रे ए। इजी री खातर डरो नि; तुसे मुखती चिड़िया ते बी बढ़ी की ए।
और जो कुछ तुसे प्रार्थना रे विश्वासो साथे मांगोगे, तो से सब तुसा खे मिली जाणा।"
मेरे नाओं री वजह ते सबी लोका तुसा ते बैर राखणा। पर तुसा रे सिरो रा एक बी बाल़ बांगा नि ऊणा। आपणे सब्रो ते तुसा आपणे प्राण बचाणे।
बटुआ, चोल़ी और तलवार
यीशुए तिना खे बोलेया, "जेबे मैं तुसे सुसमाचार प्रचार करने बटुए, चोल़ी और जोड़ेया ते बिना पेजे थे, तेबे क्या तुसा खे किजी चीजा री कमी ऊई?" तिने बोलेया, "किजी चीजा री नि।"
परमेशरो रा प्यार
इना सबी गल्ला खे त्यानो रे राखदे ऊए आसे एते नतीजे पाँदे पऊँछुए कि जे परमेशर आसा री तरफा खे आया, तो आसा रा बिरोदी कुण ऊई सकोआ?
तेबेई तो आसे परोसा करी की बोलूँए,
"प्रभु मेरी मताद करने वाल़ा ए, मां नि डरना।
माणूं मेरा कुछ नि करी सकदा।"
इजी री खातर परमेशरो रे अधीन ऊई जाओ और शैतानो रा मुकाबला करो, तो से तुसा गे ते नठी जाणा।
इजी री खातर आसा खे ओरी जेड़ा सये रे नि रणा चाईयो, पर जागदे और सावधान रणा चाईयो।
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
पर प्रभु विश्वासो जोगा ए, तिना तुसे मजबूतिया साथे खड़े करने और तेस दुष्टो ते बचाई की राखणे।
और जो कुछ आसे मांगूए, से आसा खे तेसते मिलोआ, कऊँकि आसे तेसरी आज्ञा खे मानूँए और जो तेसखे अच्छा लगोआ, सेई करूँए
और आसा खे परमेशरो रे सामणे जो हियाव ओआ, से ये कि जे आसे तेसरी इच्छा रे मुताबिक कुछ मांगूए, तो से म्हारी सुणोआ। जेबे आसे जाणूंए कि जो कुछ आसे परमेशरो ते मांगूए, से म्हारी सुणोआ, तो ये बी जाणूंए कि जो कुछ आसे तेसते मांगेया, से पाया।
आसे जाणूंए कि जो कोई परमेशरो ते पैदा ऊई रा, से लगातार पाप नि करदा, जो परमेशरो ते पैदा ऊई रा, तेसखे से बचाए रे राखोआ और से दुष्ट तेसखे छुँईं नि सकदा।
"आऊँ एबे दुनिया रे नि रणा, पर मेरे चेले एसा दुनिया रे रणे और आऊँ तांगे आऊणे लगी रा, ओ पवित्र पिता! आपणी तेसा सामर्था ते जो तैं माखे देई राखी, तिना री रक्षा कर ताकि सेयो आसा जेड़े, एक ओ। जेबे आऊँ तिना साथे था, तेबे मैं तेरे तेस नाओं ते, जो तैं माखे देई राखेया, तिना री रक्षा कित्ती, मैं तिना री चौकसी कित्ती और विनाशो रे पाऊए खे छाडी की तिना बीचा ते कोई बी नाश नि ऊआ, ताकि पवित्र शास्त्रो री गल्ल पूरी ओ।
"आऊँ ये प्रार्थना नि करदा कि तूँ तिना खे दुनिया तेई चकी लो, पर ये कि तूँ तिना खे तेस दुष्टो ते बचाई कि राख।
यहोवे खे छाडी की कोई परमेशर नि ए?
म्हारे परमेशरो खे छाडी की कोई चट्टान नि ए?
तो एबे खुश ऊई की आपणे दासो रे कराने पाँदे एड़ी आशीष दे कि से तां सामणे सदा बणेया रा रओ; कऊँकि ओ प्रभु यहोवा, तैं एड़ा ई बोली राखेया ओर तेरे दासो रा कराना तांते आशीष पाई की सदा तन्य रओ।"
तेबे दाऊदे दमिश्को रे अरामो दे सिपाईया री चौकिया बणाईया; ईंयाँ अरामी दाऊदो रे वशो दे ऊई की पेंट ल्याऊणे लगे ओर जेती-जेती दाऊद ओर तेसरी सेना जाओ थी तेती-तेती यहोवा तेसखे जीताओ था।
ओर जेती केथी तूँ आया ओर गया, तेती आऊँ तां साथे रया ओर तेरे सारे दुश्मण तां सामणे ते नाश कित्ते। एबे मां तेरा नाओं तरतिया रे बड़े-बड़े लोका जेड़ा बड़ा करना।
सातुए सालो री मुश्किल
इजी री खातर तुसे मेरी रवाजा मानणियां ओर मेरे नियमा पाँदे सोची-समजी की चलणा; कऊँकि एड़ा करने ते तुसे तेते प्रदेशो दे बिना डरे दे बसे दे रणे।
ओर मां तुसा साथे आपणी ये वाचा पूरी करनी कि सारे प्राणी फेर जलप्रलय रे जरीये नाश नि ऊणे ओर तरतिया खे नाश करने खे फेर जलप्रलय नि ऊणा।"
ईंयाँ ई परमेशर यहोवा आपणे दास भविष्यबक्तेया पाँदे आपणा दु:ख बिना बताए कुछ नि करना।
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
ओ प्रभु, तूँ आपणी बड़ी दया मां पाँदा ते नि टाया,
तेरी करूणा ओर सच्चाईया ते लगातार मेरी रक्षा ऊँदी रओ!
आपणा बोज प्रभुए पाँदे पाई दे;
तेस तूँ सम्बाल़ना,
तेस तार्मिक माणूं कदी नि टल़ने देणे।
पर मां तेरिया तागती रे बारे गीत गाणा
ओर प्यागा तड़के ई तेरी करूणा री मां जयजयकार करनी।
कऊँकि तूँ मेरा ऊच्चा गढ़ ए
ओर मुसीबता रे बखते तूँ मेरी शरण लणे री जगा ठईरी रा।
पर राजा परमेशरो रिया बजा ते खुश ऊणा;
सब कोई परमेशरो री कसम खाओए
ओर तिदे ई आपणी तारीफ करने लगोए;
पर चूठ बोलणे वाल़े लोका रा मूँ बंद कित्तेया जाणा।
परमेशरो रिया तँईं गीत गाओ, तेसरे नाओं री स्तुति करो,
जो बादल़ा पाँदे सवार ऊई की चलोआ, तेसरिया तँईं सड़क बणाओ;
तेसरा नाओं यहोवा ए, इजी खे तुसे तेस सामणे खुश ओ!
परमेशर आपणी पवित्र मन्दरो दे रओआ,
से अनाथ बच्चेया रा बाओ ओर बिदुआ रा रखवाल़ा ए।
तन्य ए प्रभु जो हर रोज म्हारा बोज चकोआ;
सेई म्हारा उद्धारकर्ता परमेशर ए। सेला
तेरा प्रभु परमेशर आऊँ ए,
जो ताखे मिस्र देशो ते निकयाल़ी की लई आई रा।
तूँ आपणा मूँ खोल, मां से परी देणा।
ओ यहोवा, म्हारी रक्षा करने वाल़ा महान राजा तूँ ई ए, प्रभु दया ओर महिमा देओआ;
ओर जो लोक तर्मो रिया बाटा रे हांडोए; प्रभु तिना खे खरिया-खरिया चीजा देओआ।
यहोवा तिना ते प्यार करोआ जो बुराईया ते कृणा करोए।
से आपणे पग्ता रे प्राणा री रक्षा करोआ
ओर तिना खे दुष्टा रे आथो ते बचाओआ।
प्रभु पोल़ेया माणूंआ री रक्षा करोआ;
जेबे आऊँ बऊत बुरिया दशा रे था, तिने आँऊ बचाई ला।
ओ मेरे मन, पक्का बणेया रा रओ;
कऊँकि यहोवे मां पाँदे पलाई करी राखी।
यहोवे आऊँ मरने ते बचाई राखेया;
तिने मेरे आसू रोके ओर आऊँ आरने ते बचाया।
एबे मां एते दुनिया दे जेती लोक रओए,
यहोवे री सेवा करनी।
मेरे शरण लणे री जगा ओर माखे बचाणे वाल़ा तूँ ई ए।;
आऊँ तेरे वचना री उम्मीद करूँआ।
परमेशरो रा आशीर्वाद
जे कअरो खे प्रभु नि बणाओ, तो तिजी खे बनाणे वाल़े माणूंए री मईणत बेकार ऊणी।
जे प्रभु शईरो री रक्षा नि करो, तो पईरेदारो रा जागणा बेकार ई ऊणा।
एती मां दाऊदो रे वंशो बीचा ते एक महान राजा बनाणा;
एती मां आपणे चूणे रे राजे रा राज सुरक्षित करना।
मां दाऊदो रे दुश्मण शर्मिंदा करने;
पर दाऊदो रा मुकुट तेसरे सिरो पाँदे सदा सजेया रा रणा।
प्रभुए मेरिया तँईं आपणे वादे रे मुताबिक सब कुछ पूरा करना; ओ प्रभु, तेरी करूणा सदा री ए!
जो काम तैं शुरू कित्तेया, तेसखे एबे तूँ खत्म करी दे।
तूँ आपणी मुट्ठी खोली की,
सबी प्राणिया खे खाणे खे देई की सन्तुष्ट करेआ।
से कमजोर माणूंआ खे न्याय दलाओआ
ओर पूखेया खे रोटी देओआ।
प्रभु बंदिया खे छुड़ाओआ;
यहोवा अन्देया खे आखी देओआ।
से तिना खे ऊबे चकोआ जो रूड़ी गे रे,
यहोवा तर्मिया साथे प्यार राखोआ।
प्रभु परदेशिया री रक्षा करोआ
ओर अनाथ ओर बिदुआ खे सम्बाल़ोआ;
पर से दुष्टा री बाटा खे बांगा-टेडा करोआ।
मां शान्तिया दे लेटी जाणा ओर निश्चे री नींजा दे सुती जाणा;
कऊँकि ओ प्रभु, तूँई माखे निश्चिंत रणे देओआ।
परमेशरो रे सारे अथियार बानी लो, ताकि तुसे शैतानो री योजना रे सामणे खड़े रई सको।
परमेशरो रे सारे अथियार बानी लो, ताकि तुसे शैतानो री योजना रे सामणे खड़े रई सको। कऊँकि म्हारा ये मल़युद्ध खून और मासो ते बणे रे माणूंआ ते निए, बल्कि प्रदाना ते और अधिकारिया ते और एसा दुनिया रे न्हेरे रे हाकिमा ते और तेस दुष्टो री आत्मिक सेना साथे ए, जो सर्गो रे ए।
आऊँ तुसा ते बोलूँआ, "माणूं परमेशरो खे तोखा नि देयो।" पर तुसे पूछोए, "आसे तूँ किंयाँ लूटेया?" आऊँ बोलूँआ, "तुसे माखे से दसुआ इस्सा ओर चढ़त नि देंदे जो तुसा खे देणा चाईयो था।" तुसे जो बी करोए तिजी सबी दे स्राप पड़ीगा दा ए, कऊँकि तेस देशो दे तुसे लोक माखे तोखा देणे लगी रे। सारे दशमांश मेरे मन्दरो रे पण्डारो दे लई आओ। तेबे तेती बऊत खाणे-पीणे रिया चीजा ऊणिया। ईंयाँ तुसे माखे परखो, सेना रा यहोवा ईंयाँ बोलोआ, "तेबे तुसा देखणा कि मां स्वर्गो रे द्वार खोली देणे। मां इतणिया आशीषा बरसाणिया कि तुसा गे राखणे खे जगा नि ऊणी।"
मां सेयो ओर आपणी पाह्ड़िया रे नेड़े-तेड़े रिया जगा आशीष रिया बजा बनाणियां ओर मां बरखा रे बखतो दे बरखा करनिया, ओर से बरखा आशीर्वादो री बरखा ऊणी।
बुद्धिया पैसेया जेड़ी तुसा री रक्षा करनी; ज्ञानो साथे समजा तुसे आपणे जीवनो रिया तरफा खे लई जाणे।
ईंयां ई प्रभुए री ये आज्ञा ए कि जो लोक सुसमाचारो रा प्रचार करोए तिना री आऊँदणी सुसमाचारो ते ओ।
कऊँकि पैसे रा लाल़च सब प्रकारा री बुराईया री जड़ ए। इजी रे लाल़चो रे पड़ी की कुछ लोक तो विश्वासो ते पटकी गे और आपणे आपू खे कई प्रकारो रे दु:खो री छानणी बणाईता रा।
कऊँकि मैं थके रे लोका रे प्राण सन्तुष्ट करी राखे ओर उदास लोका रे प्राण परी ते रे।"
इजी बजअ ते आऊँ एती कैदा रे दु:ख उठाणे लगी रा पर आँऊ इजी ते शर्मिंदा नि ऊँदा कऊँकि आऊँ मसीह खे जाणूंआ जेस पाँदे मैं परोसा करी राखेया। माखे ये पूरा निश्चा ए कि से तेस दिनो तक मेरी अमानता री रखवाल़ी करने रे पूरी तरअ सामर्थी ए।