Matiyu Suran 22

Sadusiilu ka ɲininkali kɛ Isa kun

23 Wo lon kelen, Sadusiilu nara Isa tɛrɛn. Sadusiilu ye a fɔla ko mɔɔ si tɛ wulila ka bɔ saya rɔ. Awa, wo doilu nara ka Isa maɲininka ko: 24 «Karanmɔɔ, Musa ka a fɔ ko ni i kɔrɔcɛ sara ka a muso densɔrɔnbali to ye, i ye muso wo ta sa a ri den sɔrɔn i kɔrɔcɛ yɛ. 25 Awa, cɛɛ wɔrɔnwula tɛrɛ ye an wara yan, mɛnilu tɛrɛ ye cɛɛ kelen denilu ri. Kɔrɔmamɔɔ ka muso do furu. A sara ka a muso densɔrɔnbali to a kɔ. A dɔɔcɛ ka muso wo ta. 26 Kɔni wo fanan sara, ka muso densɔrɔnbali to a kɔ. A kɛra wo ɲa le fɔɔ muso wo siira cɛɛ wɔrɔnwula woilu bɛɛ kun, kɔni a ma den sɔrɔn. 27 Cɛɛ woilu bɛɛ sani kɔ, muso fanan sara. 28 A ye di? Su lawuli lon, muso ri kɛ yon ta ri cɛɛ wɔrɔnwula woilu tɛma? Baa a siira ii kelen kelen na bɛɛ kun.»

29 Isa ka ii jabi: «Ai filini, baa ai ma Alla la kitabu kɔrɔ famun. Ai ma foyi lɔn Alla la sebaya ko rɔ fanan! 30 Baa suilu wa wuli saya kɔrɔ, cɛɛ tɛna muso furula, muso fanan tɛna siila cɛɛ kun. Ii bɛɛ ri kɛ ikomin sankolo rɔ mɛlɛkailu. 31 Su lawuli ko fan fɛ, Alla ka mɛn fɔ ai yɛ a la kitabu kɔndɔ, ai ra wo karan, ko di? 32 A ka a fɔ ko: ‹N ye Iburahima Maari le ri, a ni Isiyaka ta, a ni Yakuba ta.› A tɛ suilu Maari ri. Ɛɛn de! A ye mɔɔ ɲenemailu Maari le ri.»

33 Jama ka kuma wo mɛn tuma mɛn na, ii kabannakoyara a la karan ma.