Mateus 26

Isa ka Alla tara Kɛtisemani

36 Nba, Isa ni a la karandenilu sera yɔrɔ do rɔ, mɛn tɔɔ ko Kɛtisemani. Isa ka a fɔ ii yɛ ko: «Ai ye ai sii yan ka n makɔnɔ. N watɔ ɲɛfɛ dɔɔni Alla matara diya.» 37 A ka Piyɛri ni Sebede dencɛ fila kili ko ii ye wa a malɔ. Isa niilafinda, a jusu tɔrɔra kosɛbɛ. 38 A ka a fɔ ii yɛ ko: «Jusukasi ra wara n ma. A ye ikomin n satɔ le. Ai ye mɛn yan ka ai to ɲana n fɛ.» 39 A wara ɲɛfɛ dɔɔni, ka a be duu ma ka a ɲa birin. A ka Alla tara ko: «N Fa, ni a ri se bɛnna, i ye nii ɲakankatan minninfen ɲin masɛ n na, kɔni n jɛrɛ sawo kana kɛ fɔɔ i sawo.»

40 Wo kɔ rɔ, Isa ka a kɔsɛ ka wa karanden sawa tɛrɛn. Ii ye sunɔɔ rɔ. A ka a fɔ Piyɛri yɛ ko: «A se tɛ ai yɛ ka to ai ɲana n fɛ hali waati kelen wa? 41 Ai ye to ai ɲana ka Alla tara, sa ai ti nala manɛɛnna ka bila kojuu rɔ. Sika tɛ a rɔ, sɔnɔmɛ bɛnna a ma kɔni fanka tɛ faribanku la.» 42 Isa bɔra ii fɛ a siɲa filana rɔ ka wa Alla matara ikɔ tuun. A ka a fɔ ko: «N Fa, ni a ti se bɛnna i ye nii ɲakankatan minninfen ɲin mataa n na ko na n ma a min, wo rɔ i sawo ye kɛ.» 43 A ka a kɔsɛ mɛn kɛ karandenilu ma, a ka ii tɛrɛn sunɔɔ rɔ ikɔ tuun, baa sunɔɔ ba tɛrɛ ye ii ɲa la. 44 Wo rɔ, a bɔra ii fɛ ka wa ɲɛfɛ ikɔ tuun, ka Alla tara a siɲa sawana rɔ. A tun ka mɛn fɔ kɔrɔman, a ka wo fɔ ikɔ tuun. 45 A ka a kɔsɛ ka na karandenilu tɛrɛn ikɔ tuun, ka a fɔ ii yɛ ko: «Ai ye sunɔɔ rɔ fɔlɔ ka ai ɲɔɲɔ wa? Ai ɲa lɔ, waati ra se. Sisɛn, Mɔɔ Dencɛ kɛtɔ donna kojuukɛlailu bolo. 46 Ai ye ai wuli, an ye wa. Mɛn di n don mɔɔ juuilu bolo, wo ra na.»