2 Ɛɛn de! An da faa julumun fan fɛ, an di to an na dunuɲaratɛɛ kɛla julumun dɔ wa? 3 Ai ma a lɔn wa, ko andeilu mɛn bɛɛ ra sun ji rɔ kɛ Ɲenematɔmɔnin Isa tɔɔ rɔ, ko an da sun ji rɔ kɛ a fɛ a la saya rɔ? 4 Wo rɔ, an ni Isa ra su don an ɲɔɔn fɛ a la saya rɔ an sunnin ji rɔ waati mɛn na, kosa Ɲenematɔmɔnin wulinin ka bɔ saya rɔ ɲa mɛn ma Fa la gbiliya rɔ, an fanan ye taama dunuɲaratɛɛ kura rɔ wo ɲa ma.

5 Ka a masɔrɔn ni an bɛɛ ra kɛ kelen di a la saya rɔ, an fanan di wuli ka bɔ saya rɔ ikomin ale. 6 An ye ɲin lɔn: an na mɔɔya kɔrɔ ra gbɔngbɔn Isa fɛ jiri kan, kosa an na mɔɔya mɛn ye julumun dɔ, wo ye ban an dɔ ka bɔ julumun jɔnya rɔ. 7 Ka a masɔrɔn mɔɔ wa faa, a ri hɔrɔya julumun ma.