Devit ighiar kam osiri.

1 ✝ 23:1 Onger Akaba 34:9-10; Aisaia 40:11; Jon 10:11; 1 Pita 2:25 Ikiavɨra Itir God, a gumazir deragha uan sipsipbagh eghuva dar garimɨn mɨn iti.

Kamaghɨra, a deragha na geghuva nan gari.

Kamaghɨn kɨ bizitamɨn otevezir puvatɨ.

2 ✝ 23:2 Onger Akaba 36:8; Esekiel 34:14; Akar Mogomem 7:17 A na inigha ghua grazir aghuiba itir danganimɨn na atɨzɨ,

kɨ dagh isɨn irav iti.

A na inigha dɨpar aghuiba itir danganibar zuima,

kɨ dar boroghɨn avughsa iti.

3 ✝ 23:3 Onger Akaba 5:8; 19:7; 85:13 A gavgavir igiam na ganɨdi.

A fomɨra uan ziar ekiam bangɨn mɨkemezɨ moghɨn,

a na inigha tuavir aghuibara zui.

4 ✝ 23:4 Onger Akaba 16:8; 27:1; Aisaia 43:2; Maika 7:14 O God, nɨ na ko iti.

Kamaghɨn, kɨ danganir zarimɨn mangɨva ovevemɨn tuavir mɨtarmemɨn mangɨ,

egh bizir kurabar atiatingan kogham.

Nɨ uan asadivir aghorir sipsipbagh eghuvimɨn suirazɨ,

kɨ an gara fo, nɨ na geghuv deragh nan ganam.

Kamaghɨn, nan navim bar nan dera.

5 ✝ 23:5 Onger Akaba 78:19; 92:10; Luk 7:46 Nɨ na bagha daghem gamigha azenara na dafazɨ,

nan apaniba bar nan gari.

Nɨ nan diazɨ kɨ iza nɨ ko aperazɨ,

nɨ borem isa nan dapanim ginge.

Ezɨ nan itarim bar izɨvagha fasfagha iri.

6 ✝ 23:6 Onger Akaba 25:7; 25:10; 27:4-6; 2 Korin 5:1 Bar guizbangɨra, nɨn arazir aghuim ko apangkuvir arazim,

dughiabar zurara na ko ikiam.

Eghtɨ kɨ Ikiavɨra Itir Godɨn Dɨpenimɨn ikɨ

mamaghɨra ikiam.