1 ✝ 34:1 1 Samuel 21:13-15; Efesus 5:20; 1 Tesalonika 5:18; 2 Tesalonika 1:3; 2:13 Kɨ zurara ziar ekiam Ikiavɨra Itir God danɨngam.

Kɨ an ziam fɨ mamaghɨra ikiam.

2 Ikiavɨra Itir God nan akurazir bizir kam bangɨn,

kɨ a mɨnabava a bagha bar akonge.

Gumazamizir osɨmtɨziba ateriba me bizir kam uaghan a baragh,

men naviba bar moghɨra deragham.

3 ✝ 34:3 Onger Akaba 69:30; Luk 1:46 E bar moghɨra an ziar ekiamɨn gun mɨkɨmɨva,

egh an ziam fam!

4 ✝ 34:4 Onger Akaba 18:6; Matyu 7:7; Luk 11:9 Kɨ uabɨn akurvaghasa Ikiavɨra Itir Godɨn azangsɨzima, a nan azangsɨzim baraki.

A nan atiatiba bar da batoghezɨ, kɨ datɨrɨghɨn navir amɨrizimɨn iti.

5 Gumazamizir nɨghnɨzir gavgavim Ikiavɨra Itir Godɨn itiba,

me bar akongegh.

Men nɨghnɨzir gavgavir kam, a ikɨ gavgavightɨ

me aghumsɨghan kogham.

6 ✝ 34:6 Onger Akaba 3:4; 34:17-19 Gumazamizir onganarazibagh amiba

Ikiavɨra Itir God ko mɨgeima,

a me baragha men osɨmtɨzibar aven deragha men akurvasi.

7 ✝ 34:7 2 Atriviba 6:17; Daniel 6:22; Sekaraia 9:8; Hibru 1:14 Ikiavɨra Itir Godɨn ensel, gumazamizir an atiatia an apengan itiba, a me apaza men akurvasi.

Eghtɨ osɨmtɨziba me gasɨghasɨghan kogham.

8 ✝ 34:8 Onger Akaba 2:12; 1 Pita 2:3 Ia kamaghɨn ganigh fogh suam,

Ikiavɨra Itir Godɨn araziba da bar moghɨra dera.

Gumazim God bagh mangɨ an aven modogh nɨghnɨzir gavgavim an ikɨ,

egh a deragh ikɨ bar akuegham.

9 ✝ 34:9 Onger Akaba 31:23 Ia Ikiavɨra Itir Godɨn gumazamiziba, ia an atiating an apengan ikɨ.

Gumazamizir an atiatia an apengan itiba me bizitamɨn otevezir puvatɨ.

10 ✝ 34:10 Jop 4:10-11; Onger Akaba 84:11 Dughiar mabar laionɨn nguziba dagheba puvatɨzɨ,

mɨtiriaba men azi.

Ezɨ gumazamizir nɨghnɨzir gavgavim Ikiavɨra Itir God ikia an apengan itiba,

me bizir aghuiba bagha asaghasazir puvatɨ.

11 Nan boriba, ia izɨ na baraghtɨ

kɨ ian sure damutɨ,

ia zurara Ikiavɨra Itir Godɨn atiating an apengan ikɨ.

12 ✝ 34:12-16 1 Pita 3:10-12 Nɨn dabirabim deraghasa nɨ ifongez, o?

Nɨ dughiar ruarimɨn ikɨ bar akongeghasa ifonge?

Are!

13 ✝ 34:13 1 Pita 2:22 Nɨ kamaghɨn ikɨsɨ, akar kurabav kɨman koghɨva

ifavarir akaba atakigh.

14 ✝ 34:14 Aisaia 1:16-17; Rom 12:18; Hibru 12:14 Nɨ akɨrim ragh arazir kurabagh asaragh, egh arazir aghuibara damu.

Egh navir amɨrizimɨn gumazamizir igharaziba ko ikɨsɨ

gavgavigh mamaghɨra ikɨ.

15 ✝ 34:15 Jop 36:7; Onger Akaba 34:6; 34:17 Ikiavɨra Itir Godɨn damazimɨn derazir gumazamiziba,

a deragha men gara, men arareba barasi.

16 ✝ 34:16 Aghuzir Akaba 10:7; Jeremaia 44:11; Amos 9:4 Ikiavɨra Itir God gumazamizir arazir kurabagh amiba,

a me batogha men aghua.

Kamaghɨn, me oveghtɨ

gumazamiziba ua me gɨnɨghnɨghan kogham.

17 ✝ 34:17 Onger Akaba 34:6; 34:15; 34:19; 145:19-20 Ikiavɨra Itir Godɨn damazimɨn derazir gumazamiziba,

me Godɨn deima a me barasi.

A men akurvazima osɨmtɨziba me abɨrir puvatɨ.

18 ✝ 34:18 Onger Akaba 51:17; Aisaia 57:15; 66:2 Gumazamizir naviba osɨa itiba,

Ikiavɨra Itir God bar men boroghɨra iti.

Egha gumazamizir osɨmtɨzir ekiar me abɨnasava amiba,

a men akurvasi.

19 ✝ 34:19 Aghuzir Akaba 24:16; 2 Timoti 3:11-12 Osɨmtɨzir bar avɨriba gumazir aghuiba batifi.

Ezɨ Ikiavɨra Itir God men akurvazima

osɨmtɨzir kaba me abɨrir puvatɨ.

20 ✝ 34:20 Jon 19:36 Ikiavɨra Itir God guizbangɨra men akurazɨma,

men agharitam dɨpɨriaghirɨzir puvatɨ.

21 Gumazamizir kuraba, bizir kurar avɨriba me damutɨ, me arɨmɨghiram.

Godɨn damazimɨn derazir gumazamiziba,

God men apanibagh asɨghasɨgham.

22 ✝ 34:22 2 Samuel 4:9; 1 Atriviba 1:29; Onger Akaba 103:4 Ikiavɨra Itir Godɨn ingangarir gumazamiziba,

a ua me iniam.

Egh gumazamizir a bagha ghua an aven modiba,

a deragh men gantɨ,

me ovengan kogham.