Devit onger akar kam osiri.

Ezɨ gumazir onger akar kamɨn faragha zuim gumazibav geima me itabagh ivi.

1 O Ikiavɨra Itir God,

kɨ nɨ ko mɨgeir mɨgɨrɨgɨaba nɨ da baragh,

egh kuarim atɨgh nan ararem baragh.

2 ✝ 5:2 Onger Akaba 3:4; 65:2 Nɨ nan atrivim ko nan God,

kɨ nɨ ko mɨgei,

nɨ nan ararem baragh.

3 ✝ 5:3 Onger Akaba 30:5; 88:13; 130:6 O Ikiavɨra Itir God, kɨ mɨzarazibar nɨ ko mɨgeima, nɨ na barasi.

Aruem anadir dughiabar kɨ nɨ ko mɨgei.

Kar mati nan ofa kɨ a isa nɨ ganɨdi,

ezɨ nɨ datɨrɨghɨn na ikarvaghasa kɨ nɨ mɨzua iti.

4 Nɨ Godɨn arazir kurabagh ifongezir puvatɨzim.

Kamaghɨn, gumazamizir arazir kurabagh amiba

nɨn boroghɨn ikian kogham.

5 ✝ 5:5 Habakuk 1:13 Gumazamizir uarira uari feba, me nɨn damazimɨn ikian kogham.

Ezɨ gumazamizir arazir kurabagh amiba, nɨ bar me gifongezir puvatɨ.

6 ✝ 5:6 Onger Akaba 55:23; Akar Mogomem 21:8 Gumazamizir ifavaribagh amiba, nɨ me gasɨghasɨsi.

Egha gumazamizir gumazibav sozi me ariaghɨriba ko ifavaribagh amiba,

nɨ bar men aghua.

7 ✝ 5:7 1 Atriviba 8:29-30; Onger Akaba 132:7; 138:2 Nɨ zurara nan apangkufi, kamaghɨn, kɨ nɨn Dɨpenir mɨriamɨn aven mangam.

Kɨ dɨpenir nɨ ua bagha inabazimɨn izɨ,

nɨn atiatigh uan tevimning apɨrigh nɨn ziam fam.

8 ✝ 5:8 Onger Akaba 24:4-5; 27:11 O Ikiavɨra Itir God, nan apaniba bar avɨrasemegha na gasɨghasɨghasa.

Kamaghɨn nɨ nan aku mangɨtɨ,

kɨ nɨn guizɨn arazimɨn tuavimɨn gɨn mangam.

9 ✝ 5:9 Onger Akaba 62:4; Luk 11:44; Rom 3:13 Nan apaniba, me guizɨn akam bar a gɨfozir puvatɨ.

Me gumazir igharaziba me gasɨghasɨghasavɨra nɨghnɨsi.

Men akatoriba mati gumazamizibar moziba akaba akari;

me mɨgeima ovevem otifi.

Gumazamiziba me baragh men gɨn mangɨsɨ,

me ifavarir akar bar isɨngtɨzibav kɨmam.

10 ✝ 5:10 2 Samuel 15:31; 17:14; 17:23 O God, nɨ men arazir kuraba tuisɨgh ivezir kuram me danɨng.

Nɨ men nɨghnɨzir kurar kabagh iraghtɨ, me bar onganigh.

Me arazir bar kurar avɨribagh amua nɨn akam batosi,

kamaghɨn nɨ me batueghtɨ me nɨn saghon ikɨ.

11 ✝ 5:11 Aisaia 65:13 Egh gumazamizir nɨ bagha iza nɨn aven modiba,

nɨ me ateghtɨ me bar akongegh.

Gumazamizir nɨ ativagha gariba, men naviba deraghtɨ,

me ighiabar amu bar akongegh.

Gumazamizir bar nɨ gifongeziba,

me bar akongegh nɨn ziam fɨ.

12 ✝ 5:12 Onger Akaba 115:13 O Ikiavɨra Itir God, gumazamizir nɨn akamɨn gɨn zuiba,

nɨ bar deraghavɨra me gami.

Nɨn ifongiam oramɨn mɨn me avaragha me modima,

me bar deraghavɨra iti.