Pular para o conteúdo
Publicidade

Onger Akaba 68

God Israelian akurazɨ me bar akonge

Devit onger akar kam osiri.

Gumazir onger akar kabar faragha zuim, gumazibav geima me Godɨn ziam fa ighiam bange.

1 Gumazamizir Godɨn apanim gamiba,

a zuamɨra dɨkavigh izɨ tintinimɨn me batuegham.

Gumazamizir Godɨn apanimɨn itiba,

me a gitagh aregham.

2 Amɨnim mɨgharim givai a ghua puvatɨzɨ moghɨn,

God uan apaniba batuegham.

Kandel isia an dɨpam suaghiri moghɨn,

gumazamizir kuraba Godɨn damazimɨn ikuvigham.

3 Gumazamizir aghuiba, Godɨn damazimɨn

naviba deragh bar akuegh ikɨ mamaghɨra ikiam.

4 God ghuariabagh aperagha overiamɨn zui.

Ia an tuavim akɨr.

An ziam kara, Ikiavɨra Itir God.

E an damazimɨn bar akuegh,

ighiaba bangɨ ziar ekiam a danɨngam.

5  68:5 Onger Akaba 10:14; 10:18; 146:9 God uan Nguibamɨn ikia, borir ameboghfeziaba ariaghireziba deragha men gara,

paba ariaghirezir amiziba deragha men gari.

6  68:6 Onger Akaba 107:34; Aposel 12:6 Gumazamizir uarira itiba, a men adarazi isa me ko me akufi.

Ezɨ me uari ko ikia deragha iti.

A kalabusɨn itir gumazamiziba inigha azenan izegha,

me gamizɨ me deragha iti.

Ezɨ gumazamizir akaba batoziba,

a me gamizɨ me nguazir dɨpaba puvatɨzibar iti.

7 O God, nɨ fomɨra uan gumazamiziba men faragha ghua,

me inigha iza gumazamiziba puvatɨzir danganim garui.

(Ighiam gamua an suiam atugha avughsegha ua ighiam gami.)

8  68:8 Ua Me Ini 19:18 Bar guizbangɨra, Israelian God, nɨ izegha gɨfa.

Nɨ izegha gɨvazɨ, Sainain Mɨghsɨam mɨkɨmkɨzim a gunabavɨra iti.

Mɨkɨmkɨzim otozɨ amozir dafam arɨki.

9 O God, nɨ amozir dafam amadazɨ, a

nguazir kurar kam giza a gamizɨ a ua dera.

10  68:10 Godɨn Araziba 26:5; 26:9 Nɨn gumazamiziba nguazir kamɨn nguibabar ingari.

Nɨ bar dera, egha nɨ dagheba isa

onganarazibagh amir gumazamizibagh anɨdi.

11 Ekiam uan akam isa amizir avɨribagh anɨngizɨ,

me a inigha ghua an gun mɨgei.

12 Akar me kurir kam kamaghɨn mɨgɨa ghaze,

"Atriviba uan mɨdorozir gumaziba ko, me bar moghɨra aregha gɨfa."

Ezɨ amizir nguibamɨn itibara,

gumaziba mɨsogha inizir biziba uarigh anɨdi.

13 Men marazi sipsipba ko ikia atiatigha pura aghumra iti.

Amizir kaba uaghan silva ko gol uarir kurkegha,

kuarazir ozamɨn mɨn ganganiba bar dera.

Ozamɨn avɨzimning silvan mɨn taghtasi, ezɨ an namnam golɨn mɨn taghtasi.

14 Atrivir maba Salmonɨn Mɨghsɨamɨn iti.

Ezɨ Godɨn Gavgaviba Bar Itim men agɨrazɨ, me tintinimɨn are.

Egha aisɨn amozim gamizɨ, a mɨghsɨar kam gizi.

15 O Basanɨn Mɨghsɨar ekiam,

nɨ ruarir akɨrir avɨriba iti.

16 Nɨ mɨghsɨar ekiar ruarir akɨrir avɨriba itim,

God ua baghavɨra mɨghsɨar igharazim ginabagh a gisɨn dapiasa.

Ezɨ nɨ manmaghsua, Godɨn mɨghsɨar igharazimɨn gara nɨn navim oseme?

Guizbangɨra, Ikiavɨra Itir God, mɨghsɨar kamɨn daperagh ikɨ mamaghɨra ikiam.

17 Ekiam Sainain Mɨghsɨam ategha iza uan Dɨpenimɨn iti.

An mɨdorozir gumazir bar avɨriba, karisɨn gavgavir bar avɨribagh apiagha a ko izi.

18  68:18 Efesus 4:8 God mɨghsɨar kamɨn ikiasa

bar pɨn ghuavanaga,

kalabuziar gumazir avɨrim inizɨ, me a ko ghue.

Gumazir an akam batoziba, a men bizir bar aghuiba, me dam a da ini.

Kamaghɨn amizɨ, O Ikiavɨra Itir Godɨn Gavgavim, nɨ kagh ikiam.

19  68:19 Onger Akaba 55:22; 65:5; Aisaia 46:4 E Ekiamɨn ziam fam.

A dughiabar vaghvagha en akurvagha en osɨmtɨziba ateri.

God uabɨ en Akurvazir Gumazim.

(Ighiam gamua an suiam atugha avughsegha ua ighiam gami.)

20  68:20 Onger Akaba 49:15; 56:13 En God, a uabɨ God, an en akurvasi.

Ikiavɨra Itir God, an en Ekiam, an en akurvazima, e ariaghiri puvatɨ.

21 Bar guizbangɨra, God uan apanibar dapaniba abɨghɨrarigham.

Gumazamizir kaba, me zurarama arazir kurabagh ami.

22 Ekiam kamaghɨn mɨgɨa ghaze, "Kɨ Basanɨn ian apaniba inigh uamategh izam.

Me ongarir konimɨn bar vɨn mar ikiam, pura bizim,

kɨ ua me inigh azenan izegham.

23 Ia uan apaniba bar me agɨvagh, men ghuziba uan dagariba ruegh.

Eghtɨ ian afiaba, men ghuzibar amɨ mangɨ uan ifongiaba agɨvagham."

24 O God, nɨ nan Atrivim.

Gumazamiziba bar nɨn gari nɨ apanim ko mɨsogha anebɨragha, bar akuegha izi.

Me bar moghɨra nɨn gari,

nɨ ghua uan Dɨpenimɨn aven ghu.

25 Gumaziba onger akam gamua faragha zui.

Ezɨ guivir igiaba tongɨra ikia tambarinbav sosi.

Gumazir gitabav soziba abuan iti.

26 Me kamaghɨn onge,

"E Godɨn gumazamiziba,

e uari akuvagha gɨfa, e Godɨn ziam fam.

E Israelia, e Godɨn adarasi,

e Ikiavɨra Itir Godɨn ziam fam."

27 Benjaminɨn ikɨzir muziarim men faragha zui.

Men gɨrara, Judan anabamɨn gumazir dapaniba uan adarazi ko zui.

Ezɨ men gɨrara, Sebulun anabam ko Naptalin anabamɨn gumazir dapaniba me zui.

28 O God, nɨ uan gavgavim en akagh.

Gavgavir nɨ faragha en akazɨ kamra, nɨ datɨrɨghɨn en akagh.

29 Atriviba bizir aghuiba inigha iza, nɨn Dɨpenir Jerusalemɨn itimɨn

nɨ ganɨdi.

30 Nɨ Asɨzir atiar dakarabar itir kamɨn atari moghɨn, nɨ Isipɨn atar.68:30 Gumazir maba ghaze, "Asɨzir atiar dakarabar itir kam," kar kantri Isipɨn akar isɨn zuim.

Nɨ bulmakaun apuriba uan nguziba ko men atari moghɨn,

nɨ Kantrin Igharazibar Gumazamizibar atar.

Nɨ men atar mangɨtɨ, me nɨ bagh teviba apɨrigh uan silvaba nɨ danɨng.

Gumazir mɨdoroziba foriba, nɨ bar men agɨntɨghtɨ

me arɨ tintinibar mangegh.

31 Isipɨn atrivim uan ingangarir gumaziba amadaghtɨ,

me Jerusalemɨn mangɨ nɨn akam baragham.

Eghtɨ Itiopiaba nɨ ko mɨkɨmsɨ uan dafariba fam.

32 Ia Kantrin Igharazibar Gumazamiziba,

ia onger akabar amu

egh Godɨn ziam fɨ.

(Ighiam gamua an suiam atugha avughsegha ua ighiam gami.)

33 Overiar kam fomɨra iti, ezɨ God a gaperagha zui.

Ia orakigh. God bar pamtemɨn dei.

34 Ia gumazamiziba bar, Godɨn ziar ekiamɨn gun mɨkɨm.

A Israelian atrivim.

An gavgavir ekiam, e overiamɨn pɨn an ganam.

35 Israelian God uan Dɨpenimɨn iti, ezɨ e an atiatingam.

A gavgavir ekiam isa uan gumazamizibagh anɨdi.

E Godɨn ziam fam!

Todos os capítulos de Onger Akaba 150
  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51
  52. 52
  53. 53
  54. 54
  55. 55
  56. 56
  57. 57
  58. 58
  59. 59
  60. 60
  61. 61
  62. 62
  63. 63
  64. 64
  65. 65
  66. 66
  67. 67
  68. 68
  69. 69
  70. 70
  71. 71
  72. 72
  73. 73
  74. 74
  75. 75
  76. 76
  77. 77
  78. 78
  79. 79
  80. 80
  81. 81
  82. 82
  83. 83
  84. 84
  85. 85
  86. 86
  87. 87
  88. 88
  89. 89
  90. 90
  91. 91
  92. 92
  93. 93
  94. 94
  95. 95
  96. 96
  97. 97
  98. 98
  99. 99
  100. 100
  101. 101
  102. 102
  103. 103
  104. 104
  105. 105
  106. 106
  107. 107
  108. 108
  109. 109
  110. 110
  111. 111
  112. 112
  113. 113
  114. 114
  115. 115
  116. 116
  117. 117
  118. 118
  119. 119
  120. 120
  121. 121
  122. 122
  123. 123
  124. 124
  125. 125
  126. 126
  127. 127
  128. 128
  129. 129
  130. 130
  131. 131
  132. 132
  133. 133
  134. 134
  135. 135
  136. 136
  137. 137
  138. 138
  139. 139
  140. 140
  141. 141
  142. 142
  143. 143
  144. 144
  145. 145
  146. 146
  147. 147
  148. 148
  149. 149
  150. 150

Estes versículos te tocaram? Ore agora!

+581 estão orando agora.

Junte-se à corrente de oração.