1 Ani ibakii atsayiikeet toonaatu. Naat hooy baarayiimayeek han, Wꞌankwanaay ikatiin eerheewwa ilawsitiibwa hadiidi andi. 2 Tamna fadhig hawlaayi suurii toobri tumhaya ookiik tafamiya tak ani akteen. Beet tuuna ugarooy tiiktiyeeb tari ugarooy barraab tiiktiyeeb kaakan. Ukwaasana ikteen. 3 Aree oon ootak akteen, baruuh ugarooy tari ugarooy barraab ikatiyeeb ani kaakan, laakiin Ukwaasana ikteen 4 baruuh tujanna beeti tafamiya. Baruuh kalmaatee baaꞌawsifamayna imaasiw, wꞌaadami beet toonaati sooti wꞌidin kiibari. 5 Ani been ootak tꞌiiteena faalami andi, laakiin ani tunꞌakwuuytiib faalami andi nuun ugarooyu ooknaay faalami kaadi. 6 Ani faal aharriiweek han, oosdik sooyani akay, afrii tak iikti kaadi. Laakiin beet toona kasakan. Aflaay ani andiyeet tari sakaniyeet toonaati mhakwal gaal han inkwiineet toona kaahariw.

7 Laakiin ani rhaab akatiyeet teena tꞌajjabseennaati sabbii kibir baadꞌi jillaay, aniib ubashariib diint attiyeewiyaatu, oobliisi diigwatkina, aneeb addabiiniyee dehaay diigwatamiya. 8 Ani mhay doora batooh fidnaab hoosu giigsiiniyee dehaay Wꞌankwana anꞌal. 9 Laakiin baruuh anii dehaay, "Aniit tinꞌima dehook mhaata, teenꞌakwiinihoob aniib yꞌakrir timmiimaat ikatiin." idi. Shaawti ani tunꞌakwuuytiib winneet afihraa haay faalami andi, aflaay Umasiihiib yꞌakrir anii kehii daayeen ikatiin. 10 Oon usabbii aree Umasiihi jillaay ani tunꞌakwuuytiib madhaadh akati, uneewiib madhaadh akati, igwirhaayeeb madhaadh akati, wꞌamaag waraamtiib madhaadh akati, tꞌakraanaaytiib madhaadh akati. Ani nꞌakw akatiyihoob akay, malya ankiir.

11 Ani ugarooyu afreesan, laakiin toon toona baraakna hooy dhibsitaanheeb. Ani bareesookna daayiinayt ittiyuudiyeet toonaati. Ani takweet baabariiyeek han, baliib ilinguuma itageegaayeeka dhibakaab kaaki. 12 Taana ilinguumaayeet alaama rhiseent tꞌajaayibwa timꞌuujisaawwa winneet tarmuumaay geebookna daamiyaan. 13 Ani bareeyookna kehii rabeeb akaab kaaki nuun, baraakna tikaniisa tirawtee dehaay kak dhibakaab tikatiina? Toon toomaag afooyaanheeb!

14 Oontꞌa ani mhaya door bareeyookna rheesamtii dehaay eetmiir, aree rabeeb kehookna iikti kaadi. Ani aharriiweet tuuna imhallagaayeekna kiikeena laakiin ani bareekna aharriiw. 15 Aflaay ani abariyeet toona kastooh dehookna alankiikeet toona winneet hooy atmadhiidh, ugarooyu han bak awari. Ani gwidaka reer areeyaniyuukna, baraak dhibaka reer areeyiheeb tiyadna han? 16 Ani bareeyookna kehii rabeeb akaab baakaayeet toona titfadhiidhna. Laakiin gali aneeb tallaasu iyadnaheeb aree talasaay abik hookna. 17 Bareekna beeti diigwataneeb eendee gaalnaay han suugan hookna? 18 Ani, Tiituus marookna sakiyeet toona sooyan, aree usanoon bariiyooh geeb afdig. Tiituus suugaayookna kiiki, baruuh suugiya hookna han? Hinin gal shuukee shagaamaab kinki han? Aree gaal salal abkaab kinki han?

19 Hinin bareeyookna suurii igarooyeen habuuyiib bhaliinayeeb hiistiina han? Abadan! Baliib Umasiihi shagaamanaayeet, hinin Ukwaasanaay suurii bhaliini. Isanaayaan, hinin nidꞌeet tuuna kastuuh bareekna neeshtiimi jillaay shagaamnay. 20 Ani beentooy akantiimihoob, ani aharriiweet toonaatiit batehagiitneet toona arankwi. Aree baraakna han aniib tehariwneet toona hoosu batmariineet toona arankwi. Beentooy aree hasiyaaytwa, giiraatwa, akra gadabwa, amgaruumaawwa, haamtiiwwa, yaandiintwa, atoorbiyaaytwa, ribshaaytwa, tikatiyeet toona arankwi. 21 Ani masi yꞌaniyihoob Ukwaasanaayu bareeyookna suurii dhibsiiniyeetu toona arankwi. Ani gwidaanee gadabi andi baliib suur danuub ikwaasniit tinajaasaatee tuubaab baakaywa, jikuuni danuubeebwa tumaagnaay tehooy dhibiyaaneetwa, hooy gadabi andi.