Gesami Hea:su 114

"Baligisu" Gesami Hea:su

1 * 114:1 Gadili Asi 12:51 Isala:ili dunu (Ya:igobe egaga fi) ilia da ga fi soge amo Idibidi fisili,

gadili ahoanoba,

2 Hina Gode da Yuda fi Ea hadigi fi ilegei dagoi.

Amola E da Isala:ili fi Ea fidafa ilegei.

3 * 114:3 Gadili Asi 14:21; Yosiua 3:16 Maga:me Hano Wayabo da ili ba:lalu, hobea:i.

Yodane Hano da yogodalu yolei.

4 Goumi ilia da goudi agoane hahadiasu.

Amola agolo ilia da sibi mano agoane hahadia lafia:su.

5 Hano wayabo! Di da adiba:le hobeabela:?

Amola Yodane hano di da abuliba:le yogo ahoanu amo fisibala:?

6 Goumi! Di da abuliba:le goudi manoga hadiabe defele hadialula:?

Agolo soge!

Dilia da abuliba:le, sibi manoga suagagala: gagadobe defele hamosula:?

7 Osobo bagade! Hina Gode da mabeba:le,

Ya:igobe ea Gode Ea midadi yaguguma.

8 * 114:8 Gadili Asi 17:1-7; Idisu 20:2-13 Bai E da igi amo afadenene hano wayabo hamosa,

amola magufu adobo amo hano bubuga:su agoane hamosa.