1 Reis 4

29 अर परमेसवर नै सुलैमान ताहीं बुद्धि दी, अर उसकी समझ घणीए बढ़ाई, अर उसके हृदय म्ह समुन्दर तट के रेत के कणां कै बराबर अनगिणत गुण दिए। 30 अर सुलैमान की बुद्धि पूर्व देश के सारे निवासियां अर मिस्रियाँ की भी बुद्धि तै बढ़कै बुद्धि थी। 31 वो तो और सारे माणसां तै यानिके एतान, एज्रेही अर हेमान, अर माहोल के बेट्टे कलकोल, अर दर्दा तै भी घणा बुद्धिमान था अर उसकी चर्चा च्यांरु और की सारी जात्तां म्ह फैलगी। 32 उसनै तीन हजार नीतिवचन कहे, अर उसके एक हजार पाँच गीत भी सैं।